كتبت: منى عوض

أول حاجة بتخطر في بالنا دايمًا أول ما بتيجي سيرة الفشار هي التسلية، سواء كان خلال مشاهدة التليفزيون أو الشغل قدام الكمبيوتر أو خلال فترة الراحة والاستجمام. لكن عمرك سألت نفسك عن أهمية الفشار.. أيوة أهمية الفشار!

معظم الناس ما تعرفش إن الفشار ليه فوايد كتير، زي إنه بيحدّ من مستوى امتصاص الجسم للكوليسترول وبيحمي من الإصابة ببعض الأمراض زي هشاشة العظام، السرطان، الصدفية وحساسية الجلد. ده غير إنه مفيد جدًا للبشرة ولمرضى القلب والسكر والسمنة؛ لاحتواءه على مضادات للأكسدة وسعرات حرارية أقل. بس في الوقت اللي بيُعتبر فيه الفشار مهم وليه فوائد كبيرة ممكن يتسبب برضه في أضرار كتير نتيجة صنعه بإضافة الزيت أو الزبدة أو صنعه في الميكروويف.

ولأن ياقوطة ما يخلصهاش إنك تتعرض لأي أضرار صحية، قررت إنها تستعرض في المقال ده ٧ أنواع مختلفة من ماكينات صناعة الفشار المتاحة في السوق والمواصفات الخاصة بكل نوع، ده بما إن الآلات دي بقت تُعتبر أنسب وأفضل وأسرع طريقة لصنع الفشار.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

١- صانع الفشار EZ Popcorn Maker

المواصفات

• آمنة وسريعة الاستخدام.
• بديل صحي وأكتر توفيرًا.
• ممكن استخدامها كوعاء لتقديم الفشار.
• آمنة من ناحية التنظيف في غسالة الأطباق.

تجربة المستخدم

صانعة الفشار EZ تُعتبر مناسبة وشكلها مميز وسريعة الاستخدام لإنها من الممكن تُستخدم كطبق جاهز لتقديم وتناول الفشار مباشرةً، ده غير إنها بتاخد وقت بيتراوح بين ١٫٦ دقيقة و٤ دقائق عشان تحضّرلك حوالي أربع كوبايات فشار.

وبتُعتبر كمان بديل صحي وأكتر توفيرًا لكيس الفشار الجاهز اللي بتشتريه من بره البيت؛ وده لإنك مش هتحتاج غير شوية ذرة تحطهم جواها وبعدين تحطها في الميكروويف واستنى شوية واستمتع بعد كده بالفشار اللذيذ.

شوف ماكينة الفشار EZ Popcorn Maker من هنا.

٢- صانع الفشار هوم على شكل كرة سلة Home Basketball Popcorn Maker

المواصفات

• طاقة كهربائية ١٢٠٠ وات.
• مصنوعة من البلاستيك.
• وزنها خفيف ١٫٤ كيلوجرامات.
• سريعة وسهلة الاستخدام والتنضيف.
• بتُعتبر صانعة للفشار وطبق في نفس الوقت.
• مسلية وشكلها مميز هيعجب الأطفال بشكل خاص.

تجربة المستخدم

سريعة وسهلة الاستخدام والتنضيف لقدرتها على إنجاز الفشار في مدة بين تلات لخمس دقايق بالكتير، كل اللي عليك إنك تضيف الزيت والذرة وتشغلها واستمتع بالطعم في الآخر، ده غير إنك ممكن تعتبرها صانعة للفشار وطبق في نفس الوقت بما إنه من الممكن استخدام الغطاء العلوي ليها زي طبق لتقديم الفشار.

شوف ماكينة الفشار هوم المصنوعة على شكل كرة سلة من هنا.

٣- صانع الفشار مور More Popcorn Maker

المواصفات

• بتشتغل بطاقة كهربائية ١٢٠٠ وات.
• وزنها خفيف.
• شكلها مميز وعمودي.
• بتشتغل من خلال دوران الهواء الساخن.
• سهلة الاستخدام والتنضيف.
• أسرع من الميكروويف.

تجربة المستخدم

سهلة الاستخدام لكونك مش هتحتاج غير إنك تحط شوية ذرة ومش هتضيف أي زيوت أو زبدة وتستنى حوالي 3 أو 4 دقايق وهتلاقي الفشار الصحي بقى جاهز بفعل دوران الهواء الساخن جواها.

شوف ماكينة الفشار مور من هنا.

٤- ماكينة الفشار ميديا تك MT-PC300

المميزات

• طاقة كهربائية: ١٢٠٠ وات.
• بتشتغل عن طريق دوران الهواء السخن جواها.
• سهلة وسريعة الاستخدام والتنضيف.
• مش هتحتاج تستخدم أي زيوت.
• بتضمنلك سعرات حرارية أقل.

العيوب

• حجمها صغير وبالتالي بتاخد كميات صغيرة من الذرة.
• صوتها بيتسبب في الإزعاج.
• بتسخن بسرعة جدًا.

تجربة المستخدم

دلوقتي هتقدر تحضّر كمية الفشار اللي انت عايزها بدون ما تلجأ لاستخدام أي زيوت مع صانعة الفشار ميديا تك اللي هتخليك تحضّر الفشار اللي بيتميز بسعرات حرارية قليلة عن طريق دوران الهواء السخن جواها في خلال أربع دقايق كحد أقصى.

بس على الرغم من المميزات دي إلا إننا مش بننصحك بيها لو كنت حابب إنك تستخدمها أكتر من مرة ورا بعض لأنها بتسخن بسرعة جدًا، ده غير إن صوتها بيسبب إزعاج.

شوف ماكينة الفشار ميديا تك MT-PC300 من هنا.

٥- آلة الفشار روز Rose PM-1100 Popcorn Maker

المواصفات

• هتقدر تحضّر الفشار عن طريق دوران الهواء السخن جوه الآلة بدل الزيت.
• سهلة وسريعة الاستخدام.
• سهلة التنضيف.
• بييجي معاها غطاء قياس لكمية الذرة اللي هتستخدمها.
• شكلها مميز وتتناسب مع الديكور.
• مصنوعة من البلاستيك.

تجربة المستخدم

صانعة الفشار روز بتتميز بنظام كهربائي بيخليك قادر تحضّر الفشار عن طريق دوران الهواء السخن جوه الآلة بدل الزيت، وبكده هيكون قدامك وجبة خفيفة وصحية وبتحتوي على سعرات حرارية قليلة في مدة بين دقيقتين لحد أربع دقايق.

وكمان هتلاقي إن الآلة المميزة دي بييجي معاها غطاء قياس عشان يضمنلك إنك هتحط الكمية المناسبة من حبوب الذرة.

شوف ماكينة الفشار روز PM-1100 من هنا.

٦- صانعة الفشار هوم OFP-902 Popcorn Maker

المواصفات

• موفرة للطاقة الكهربائية.
• طاقة كهربائية: ٣١٠ وات.
• سريعة وسهلة الاستخدام والتنظيف.

تجربة المستخدم

سريعة وسهلة الاستخدام، وده لإنك هتضيف شوية زيت وذرة وهتحضّر الفشار في دقايق بسيطة.

شوف ماكينة الفشار هوم OEP-902 من هنا.

٧- صانعة الفشار إنفنيتي Infiniti Inf-00069 Popcorn Maker

المواصفات

• طاقة كهربائية ١٢٠٠ وات.
• آمنة ومريحة في الاستخدام.
• بتحتوي على مروحة لتوزيع الحرارة.
• فيها كُباية لقياس كمية الذرة اللي هيتم استخدامها.
• مميزة وشكلها عصري.
• سهلة الاستخدام والتنظيف.

تجربة المستخدم

استخدامها يُعتبر آمن ومريح بشكل أكتر من تجهيز الفشار على البوتاجاز وباستخدام الزيت، وده لأنها بتحتوي على مروحة عشان تقدر توزع الحرارة في الجزء السفلي منها، غير إنها بتفصل تلقائيًا لو درجة الحرارة بتاعتها تجاوزت الـ ١٨٠ درجة مئوية وده واحد من أساليب التأمين المتبعة. بالإضافة لكده، هتلاقي إن الجزء العلوي منها بيحتوي على كُباية لقياس كمية الذرة اللي هيتم استخدامها في المرة الواحدة.

شوف ماكينة الفشار إنفنيتي Inf-00069 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.