كتبت: منى عوض

ميانتا واحدة من الماركات الشهيرة والرائعة جدًا في مجال الأجهزة المنزلية، فهي مش بتقدم منتج وبس دي بتقدم منتج وجودة وسعر كويس وكمان خدمات مميزة لما بعد البيع.

في المقال ده هنستعرض أشهر وأقوى أجهزة ميانتا الموجودة على موقع ياقوطة، ولو عجبك أي جهاز من اللي هنستعرضهم وحبيت تشتريه تقدر تعرف أحسن أسعاره وتقارن بينهم وتقدر كمان تطلبه من خلالنا وهيوصل لحد المكان اللي أنت عايزه في أقرب وقت ممكن.

بنفكرك إنك ممكن تشتري أجهزة ميانتا من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

مكواة بخار جارمنت من ميانتا

المواصفات

• الموديل: GS42106A.
• الخامة الأساسية: البلاستيك.
• قدرة كهربائية: 1800 متر.
• سعة الخزان: 1.8 لتر.
• طول الخرطوم: 1.5 متر.
• الضمان: عامين.
• بلد الصنع: الصين.

المميزات

• من السهل استخدام المكواة والتحكم فيها، فهي بتتميز بسهولة وزنعا ووجود عجلات كبيرة ودوارة وكمان فيها خرطوم خفيف ومرن بفوهة بخار قوية ودا شئ بيسهل الكوي وبيخليه سريع.
• المكواة قوتها بتصل إلى 1800 وات وبالتالي فهي بتقدم أداء كويس جدًا وسريع أيضًا.
• المكواة بتسخن بشكل سريع يعني ممكن مدة التسخين تصل إلى 40 ثانية.
• المكواة عملية وآمنة جدًا في الاستخدام مع كافة أنواع الأقمشة وكافة أحجامها سواء بقى ملابس أو مفروشات أو ستاير أو حتى سواريه.
• المكواة بتقدر تكوي بشكل عمودي وبالتالي فهي كويسة جدًا في كي الستاير.
• المكواة مزودة بخزان كبير سعته تصل إلى 1.8 لتر وقابل للتركيب والإزالة وبالتالي عملية تعبئته وتنضيفه بتكون سهلة.
• المكواة بتيجي بـ 6 إعدادات لضخ البخار عشان تختار الأنسب وفقًا لنوع القماش.
• المكواة مزودة بسلك طويل ومرن.
• المكواة فيها فلتر للشوائب.
• المكواة فيها رف للملابس ومشابك للبناطيل.

العيوب

• حجم المكواة كبير وبالتالي ممكن يبقى من الصعب التنقل بيها من مكان لآخر.
• المكواة مفيهاش تقنية التنظيف الذاتي للتخلص من رواسب الأملاح والجير.
• المكواة مفيهاش مانع لتنقيط المياه في كل الأوضاع وكمان الخزان مش محكم الإغلاق.
• المكواة صوتها عالي وممكن يكون مزعج بالنسبة للبعض.
• العمر الافتراضي بتاع المكواة قصير والخزان بتاعها بيبدأ يسرب مياه بعد فترة بسيطة من الاستخدام.
• طول المكواة ممكن يبقى متعب شوية خاصة بالنسبة لطوال القامة.
• على الرغم من أن المكواة عملية وكويسة جدًا إلا أن أدائها مبيكونش الأفضل في الخامات التقيلة زي الجينز.

ممكن تشوف مكواة بخار جارمنت من ميانتا من هنا.

ماكينة تحضير القهوة من ميانتا بقوة 1000 وات

المواصفات

• الموديل: CM31216A.
• مادة الصنع الأساسية: البلاستيك.
• القدرة الكهربائية: 1000 وات.
• سعة خزان المياه: 1.35 لتر.
• الضمان: عامين.
• بلد الصنع: الصين وفرنسا.

المميزات

• الماكينة شكلها شيك وعصري وكمان حجمها صغير وخفيفة وبالتالي فهي عملية جدًا.
• الماكينة بتقدم أداء متميز وسريع ودا لأنها بتيجي بموتور قوي قدرته الكهربائية تصل إلى 1000 وات.
• الماكينة سعتها كبيرة تصل إلى 1.35 لتر أي ما يعادل 12 كوب من القهوة.
• الماكينة بتيجي مع فلتر لتصفية المياه من أي شوائب.
• الماكينة بتيجي بمؤشر لضبط مستوى المياه مع كمية القهوة.
• الماكينة مش مختصة بصنع القهوة فقط، يعني ممكن تعمل فيها شاي مثلاً أو أي نوع من أنواع المشروبات الساخنة الأخرى.
• الماكينة اقتصادية فهي بتوفر في الكهرباء.
• الماكينة بتتميز بقدرتها على تقديم قهوة طازجة ومذاقها رائع ودرجات حرارتها مظبوطة.

العيوب

• الماكينة مش بتفصل تلقائيا بمجرد الانتهاء من تسخين القهوة، وبالتالي لازم تفصلها بنفسك.
• خاماتها البلاستيكية ضعيفة شوية.

ممكن تشوف ماكينة تحضير القهوة من ميانتا بقوة 1000 وات من هنا.

محضر طعام فيوجن من ميانتا 800 وات

المواصفات

• الموديل: FP141222A.
• مادة الصنع الأساسية: البلاستيك.
• القدرة الكهربائية: 800 وات.
• الضمان: عامين.
• بلد الصنع: الصين.

المميزات

• الجهاز بيقدم أداء متميز وقوي وسريع جدًا وعملي فهو بييجي بموتور قوته 800 وات وملحقات عديدة لإتمام المهام المختلفة.
• الجهاز حجمه صغير وتقدر تخزنه بكل سهولة من غير ما ياخد مساحة كبيرة.
• الجهاز مزود بوعاء كبير الحجم سعته تصل إلى 1.5 لتر.
• الجهاز بيجي بسلاح تقطيع شفراته مصنوعة من الأستانلس ستيل المقاوم للصدأ.
• الجهاز مزود بملحق كبس لإضافة المكونات بشكل آمن أثناء التشغيل.
• الجهاز بيجي بسرعتين مختلفتين لاختيار الأنسب بينهما، مع خاصية التشغيل المتقطع.
• الجهاز بيجي بقاعدة مطاطية لمقاومة الانزلاق وتحقيق أعلى ثبات ممكن أثناء التشغيل.

العيوب

• الجهاز مش مزود بمطحنة بن وتوابل.
• الجهاز مش مزود بملحقات للعجن والمخبوزات.
• فيه ناس اشتكت أن كتالوج الجهاز مش موضح طريقه تركيبه الصحيحه وأنهم أحيانًا بيواجهوا صعوبة في تركيب بعض القطع.

ممكن تشوف محضر طعام فيوجن من ميانتا 800 وات من هنا.

مكواة الشعر الكيرلي من ميانتا

المواصفات

• الموديل: CI33106A.
• أنواع الألواح: السيراميك.
• أدنى درجة حرارة : 100 درجة.
• أقصى درجة حرارة: 240 درجة.

المميزات

• المكواة بتتميز بإمكانية تسخينها بشكل سريع جدًا يعني ممكن تلاقي درجة حرارتها وصلت لحد 215 درجة في غضون 30 ثانية فقط.
• المكواة مصنوعة من السيراميك اللي بيوزع الحرارة بشكل متجانس وبيحافظ على الشعر ولمعانه وصحته وكمان بيكون متناسب مع كافة أنواع الشعر.
• المكواة هتوفرلك القدرة على القيام بكافة أشكال الكيرلي.
• المكواة مزودة بزر إيقاف وتشغيل.
• المكواة فيها مؤشر ضوئي عشان تعرف هي شغالة ولا لأ.
• المكواة بتيجي بإعدادات مختلفة للحرارة.
• المكواة بتتميز بسلك طويل بيدور 360 درجة عشان تقدر تستخدمها بكل سهولة وحرية.
• المكواة بيجي معاها جوانتي واقي من الحرارة عشان تستخدمها بكل أمان.

العيوب

• المكواة بتفتقر لتقنية الأيونتك اللي بتسيب الشعر لامع وطري وناعم وبتحافظ عليه من الهيشان.
• ضرورة العناية الكاملة أثناء استخدامها لأن بصيلات الشعر ممكن تتحرق لو ما استخدمتهاش بشكل صحيح.
• بمرور الوقت ممكن تلاحظ تقصيف الشعر وإضعافه مع الاستخدام المتكرر للمكواة.

ممكن تشوف مكواة الشعر الكيرلي من ميانتا من هنا.

صانع السندوتشات من ميانتا

المواصفات

• الموديل: SM27609A.
• القدرة الكهربائية: 1200 وات.
• سعة الجهاز: 4 شرائح.
• الضمان: عامين.
• بلد الصنع: الصين.

المميزات

• الماكينة سريعة في إعداد وتحضير أنواع الخبز المختلفة سواء توست أو فينو أو وافل.
• الماكينة بتيجي بقدرة كهربائية تصل إلى 1200 وات.
• تقدر تضيف للخبز أي إضافات أنت عايزها وبعدين تحط الخبز جوا الماكينة وتسيبه لحد درجة التسخين أو القرمشة اللي أنت عايزها.
• الماكينة بتسخن الخبز وكمان بتخليه مقرمش ولذيذ.
• الماكينة مزودة بألواح مختلفة مقاومة للالتصاق وقابلة للتبديل والإزالة بكل سهولة.
• الماكينة بتيجي بأماكن لـ 4 شرائح.
• الماكينة مزودة بمؤشرين ضوئيين عشان تعرض هي شغالة أو جاهزة للاستخدام.
• الماكينة مزودة بقفل للأمان عشان تضمن أن الأطفال مش هيلعبوا فيها وهي شغالة.
• الماكينة ليها أقدام مطاطية مقاومة للانزلاق.
• من السهل تنظيف الماكينة سواء من خلال إزالة الألواح وغسلها أو من خلال استخدام فرشاة ناعمة وخد بالك من استخدام أي حاجة خشنة زي سلك المواعين مثلاً عشان متجرحش في الألواح.

العيوب

• الماكينة مش مزودة بزرار تايمر تقدر تعرف من خلاله فاضل قد أيه أو حتى تظبطه على وقت معين.
• الماكينة مفيهاش شاشة عرض لمعرفة درجة الحرارة أو معرفة فاضل قد أيه على إتمام المهمة المطلوبة.

ممكن تشوف صانع السندوتشات من ميانتا من هنا.

خلاط يدوي فيتيس من ميانتا

المواصفات

• الموديل: HB11422A.
• خامة الصنع: الأستانلس ستيل المقاوم للصدأ.
• القدرة الكهربائية: 600 وات.
• الضمان: عامين.
• بلد الصنع: الصين.

المميزات

• أداء الخلاط اليدوي مميز وسريع جدًا وبيُعتبر مثالي لتحضير الأكلات المختلفة.
• الخلاط اليدوي بيجي بسرعات مختلفة لاختيار الأنسب.
• الجهاز بيجي بشفرات ومضرب خفق مصنوعين من الأستانلس ستيل المقاوم للصدأ.
• الجهاز بيجي بذراع هاند بلندر مصنوع من الأستانلس ستيل.
• الجهاز بيجي بوعاء مدرج سعته 0.6 لتر وقطاعة سعة 600 مللي.
• من السهل فك الجهاز وتنظيف كل قطعة فيه وكمان ممكن تغسلها في غسالة الأطباق.

العيوب

• خامات الصنع ضعيفة شوية.

ممكن تشوف خلاط يدوي فيتيس من ميانتا من هنا.

مكنسة كهربائية من ميانتا 2000 وات

المواصفات

• الموديل: VC19404D.
• القدرة الكهربائية: 2000 وات.
• نوع المكنسة: ذات كيس للأتربة.
• سعة كيس الأتربة: 3.5 لتر.
• الضمان: عامين.
• بلد الصنع: الصين

المميزات

• المكنسة بتيجي بكيس أتربة سعته كبيرة تصل إلى 3.5 لتر.
• المكنسة فيها مؤشر بيوضح إذا كان كيس الأتربة فاضي ولا مليان.
• من السهل فك وتركيب وتنظيف كيس الأتربة.
• المكنسة مزودة بفلتر لمنع تسرب الأتربه والغبار.
• المكنسة بتيجي بأنبوب شفط تلسكوبى عشان تقدر تستخدمها بكل سهولة وتستخدمها أيضا في الأماكن الضيقة واللي صعب الوصول إليها.
• المكنسة بتيجي بعجلات دوارة كبيرة وسلك طويل عشان تقدر تستخدمها في كل مكان وبسهولة.

العيوب

• المكنسة مفيهاش خاصية التنظيف الرطب لاستخدامها في تنظيف وشفط السوائل.
• المكنسة مفيهاش خاصية التنظيف بالبخار اللي بتساعد في قتل الجراثيم والميكروبات.

ممكن تشوف مكنسة كهربائية من ميانتا 2000 وات من هنا.

ممكن تختار الأنسب ليك من بين تشكيلة كبيرة لأجهزة ميانتا من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.