أهم ٧ موبايلات على ياقوطة في ٢٠١٧
كتب: محمد عبد الرحمن
بمناسبة نهاية السنة، ياقوطة جمعت ليكم قائمة بأهم المنتجات الأكتر شعبية على موقعنا، وكمان أكتر المنتجات اللي الناس دورت عليها واشتريتها من خلالنا.
تم اختيار المنتجات دي بحيادية تامة، وحاولنا نوفق في المقال ده بين المنتجات الأكتر شعبية على ياقوطة وبين الأكتر مبيعًا.
في المقال ده هنعرض عليكم أهم ٧ موبايلات على ياقوطة في ٢٠١٧؛ لإننا عارفين إن ساعات كتير بتكون عملية الشراء صعبة ومحيرة.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
١- موبايل Huawei Y5 2017
| المواصفات |
- تصميم الموبايل من البلاستيك مع جوانب معدنية وضهر قابل للإزالة.
- يأتي بنظام تشغيل مارشميلو.
- شاشة بحجم ٥ بوصة.
- بروسيسور رباعي، ورام الموبايل بسعة ٢ جيجا، ميموري داخلي بسعة ١٦ جيجابايت.
- يدعم تشغيل شريحتين اتصال.
- كاميرا خلفية بقوة ٨ ميجابكسل، وأمامية بدقة ٥ ميجابكسل.
- بطارية بسعة ٣٠٠٠ مللي أمبير.
|
| المميزات |
- الموبايل به زرار جديد Easy Key يدعم وظايف عديدة زي تشغيل الفلاش.
- حجم الموبايل مناسب للاستعمال بإيد واحدة لمدة طويلة.
- الموبايل بيدعم تشغيل راديو، بوصلة، وشبكات الجيل الرابع.
- وزن الموبايل خفيف ١٥٠ جرام.
|
| العيوب |
- شاشة الموبايل مش مزودة بطبقة حماية ضد الكسر.
- أداء الموبايل متوسط عمومًا.
- الموبايل مش بيدعم وجود مستشعر بصمة، ولا تقنية الجيروسكوب ولا الـ OTG.
- سيلفي الموبايل بدقة ٥ ميجابكسل بس.
|
شوف موبايل Huawei Y5 2017 من هنا.
٢- موبايل Samsung J7 Pro
| المواصفات |
- تصميم الموبايل من المعدن.
- شاشة بحجم ٥٫٥ بوصة، مع ألوان مميزة.
- بروسيسور ثماني النواة، مع دعم تشغيل شريحتين اتصال، وميموري خارجي.
- رام الموبايل بسعة ٣ جيجا رام، مع ميموري داخلي بسعتي ١٦ و٣٢ جيجابايت.
- كاميرا الموبايل بدقة ١٣ ميجابكسل، وكاميرا سيلفي بقوة ٨ ميجابكسل.
- يأتي بنظام تشغيل أندرويد نوجا.
- بطارية الموبايل بسعة ٣٦٠٠ مللي أمبير.
|
| المميزات |
- ألوان الشاشة مميزة في ظروف الإضاءة المختلفة.
- الموبايل فيه تقنية Alwaye On Display اللي بتعرض الوقت والتاريخ طول الوقت من غير ما تنوّر الشاشة.
- أداء الموبايل مميز في فتح والتنقل بين البرامج المختلفة.
- الموبايل بيشغّل شريحتين اتصل وميموري خارجي في نفس الوقت بسعة توصل لـ ٢٥٦ جيجابايت.
- الموبايل بيدعم وجود مستشعر للبصمة وكمان تقنية الـ OTG.
|
| العيوب |
- شاشة الموبايل مش مزودة بطبقة حماية ضد الكسر، وكمان مش موجود فيها لمبة إشعارات LED.
- أنوية الموبايل التمانية بيشتغلوا عند تشغيل أي برنامج مهمًا كان بسيط وده بيأثر على عمر البطارية على المدى الطويل.
- بطارية الموبايل مش بتدعم تقنية الشحن السريع.
|
شوف موبايل Samsung J7 Pro من هنا.
٣- موبايل Infinix Note 4 Pro
| المواصفات |
- شاشة بحجم ٥٫٧ بوصة، مع ألوان مميزة.
- بروسيسور ثماني النواة، مع دعم تشغيل شريحتين اتصال، وميموري خارجي.
- رام الموبايل بسعة ٣ جيجا رام، مع ميموري داخلي بسعة ٣٢ جيجابايت.
- كاميرا الموبايل بدقة ١٣ ميجابكسل مع فلاش، وسيلفي بقوة ٨ ميجابكسل بفلاش.
- يأتي بنظام تشغيل أندرويد نوجا.
- بطارية الموبايل بسعة ٤٥٠٠ مللي أمبير.
|
| المميزات |
- الموبايل مزود بقلم ذكي بيقوم بوظايف كتيرة، وبيشتغل لمدة ٣ أيام من غير ما يحتاج لإعادة الشحن.
- بييجي مع الموبايل جراب خارجي لحمايته من الصدمات وكمان مزود بمكان للقلم.
- أداء الموبايل مريح وسلس في فتح والتنقل بين البرامج المختلفة.
- الموبايل مزود بمستشعر بصمة الإصبع وبيدعم تشغيل راديو وكمان تقنية الجيروسكوب.
- بطارية الموبايل بتدعم تقنية الشحن السريع.
- الموبايل بيدعم وجود مستشعر للبصمة وكمان تقنية الـ OTG.
|
| العيوب |
- شاشة الموبايل مش مزودة بطبقة حماية ضد الكسر.
- الموبايل رغم أداءه الكويس، فهو مش خيار مناسب لعشاق الألعاب اللي بجرافيك عالي.
- المعالج الرسومي للموبايل مش الأفضل وسط المنافسين.
|
شوف موبايل Infinix Note 4 Pro من هنا.
٤- موبايل Oppo F3
| المواصفات |
- الموبايل تصميمه من المعدن.
- شاشة الموبايل بحجم ٥٫٥ بوصة.
- بروسيسور ثماني النواة، مع دعم تشغيل شريحتين اتصال، وميموري خارجي.
- رام الموبايل بسعة ٤ جيجا رام، مع ميموري داخلي بسعة ٦٤ جيجابايت.
- كاميرا الموبايل بدقة ١٣ ميجابكسل مع فلاش، وكاميرا سيلفي مزدوجة بقوة ١٦ ميجابكسل و٨ ميجابكسل.
- يأتي بنظام تشغيل أندرويد مارشميلو.
- بطارية الموبايل بسعة ٣٢٠٠ مللي أمبير.
|
| المميزات |
- شاشة الموبايل مزودة بطبقة حماية إضافية ضد الكسر.
- أداء مميز للموبايل في فتح والتنقل بين التطبيقات المختلفة ولغاية ١٠ برامج.
- الموبايل بيسمح بتشغيل أكتر من برنامج واتساب بأكتر من حساب واحد.
- الموبايل مزود بمستشعر بصمة الإصبع.
- بطارية الموبايل بتدعم تقنية الشحن السريع.
- الموبايل بيدعم وجود مستشعر للبصمة وكمان تقنية الـ OTG.
|
| العيوب |
- نوع المعالج اللي اعتمدت عليه اوبو قديم شوية.
- الموبايل مش بيدعم راديو FM، ولا الجيروسكوب ولا الـ NFC.
- الكاميرا السيلفي للموبايل مش بتدعم وجود فلاش.
- بطارية الموبايل مش بتدعم الشحن السريع.
|
شوف موبايل Oppo F3 من هنا.
٥- موبايل Xiaomi Redmi Note 3
| المواصفات |
- تصميم الموبايل من المعدن.
- شاشة الموبايل بحجم ٥٫٥ بوصة.
- بروسيسور سداسي النواة، مع دعم تشغيل شريحتين اتصال، وميموري خارجي.
- رام الموبايل بسعتي ٢ و٣ جيجا رام، مع ميموري داخلي بسعتي ١٦ و٣٢ جيجابايت.
- كاميرا الموبايل بدقة ١٦ ميجابكسل مع فلاش.
- يأتي بنظام تشغيل أندرويد لولي بوب.
- بطارية الموبايل بسعة ٣٢٠٠ مللي أمبير.
|
| المميزات |
- شاشة الموبايل مزودة بطبقة حماية إضافية ضد الكسر.
- الموبايل بيدعم وجود مستشعر بصمة الإصبع.
- أداء قوي للموبايل في فتح والتنقل بين التطبيقات المختلفة.
- الموبايل خيار مناسب لهواة الألعاب.
- بطارية الموبايل بتدعم تقنية الشحن السريع.
|
| العيوب |
- ما تقدرش تشغل شريحتين الاتصال في وقت واحد مع الميموري الخارجي ولازم تستغنى عن واحد منهم.
- مش بيتوفر مع الموبايل سماعات Hand Free.
- الكاميرا السيلفي للموبايل بقوة ٥ ميجابكسل.
- يأتي بنظام تشغيل أندرويد لولي بوب.
|
شوف موبايل Xiaomi Redmi Note 3 من هنا.
٦- موبايل Nokia 3
| المواصفات |
- تصميم الموبايل من مادة البولي كربونات والجوانب من الألومنيوم.
- شاشة الموبايل بحجم ٥ بوصة.
- بروسيسور رباعي النواة، مع دعم تشغيل شريحتين اتصال، وميموري خارجي.
- رام الموبايل بسعة ٢ جيجا رام، مع ميموري داخلي بسعة ١٦ جيجابايت.
- كاميرا الموبايل الخلفية والأمامية بدقة ٨ ميجابكسل، مع فلاش للكاميرا الخلفية.
- يأتي بنظام تشغيل أندرويد نوجا.
- بطارية الموبايل بسعة ٢٦٣٠ مللي أمبير.
|
| المميزات |
- شاشة الموبايل مزودة بطبقة حماية إضافية ضد الكسر.
- وزن الموبايل خفيف ١٤٠ جرام.
- الموبايل بيدعم توصل فلاشة خارجية، وراديو، وبيدعم توصل ميموري خارجي لغاية ١٢٨ جيجابايت.
|
| العيوب |
- ما تقدرش تشغل شريحتين الاتصال في وقت واحد مع الميموري الخارجي ولازم تستغنى عن واحدة منهم.
- الموبايل مش بيدعم وجود مستشعر بصمة الإصبع.
- أداء الموبايل مش الأفضل وسط المنافسين.
- ضعف جودة الصور الخاصة بكاميرا الموبايل الخلفية.
- عمر البطارية مش طويل كفاية، ومش بتدعم تقنية الشحن السريع.
|
شوف موبايل Nokia 3 من هنا.
٧- موبايل HTC Desire 820S
| المواصفات |
- تصميم الموبايل من البلاستيك.
- شاشة الموبايل بحجم ٥٫٥ بوصة.
- بروسيسور ثماني النواة، مع دعم تشغيل شريحتين اتصال، وميموري خارجي.
- رام الموبايل بسعة ٢ جيجا رام، مع ميموري داخلي بسعة ١٦ جيجابايت.
- كاميرا الموبايل الخلفية بدقة ١٣ ميجابكسل بفلاش، وكاميرا سيلفي بدقة ٨ ميجابكسل.
- يأتي بنظام تشغيل أندرويد كيت كات.
- بطارية الموبايل بسعة ٢٦٠٠ مللي أمبير.
|
| المميزات |
- حجم شاشة مناسب لمشاهدة مقاطع الفيديو والتصفح.
- صوت سماعات الموبايل عالي ونقي.
- الأداء العام للموبايل مقبول.
|
| العيوب |
- شاشة الموبايل مش مزودة بطبقة حماية إضافية ضد الكسر.
- سعة الميموري الخارجي للموبايل ٣٢ جيجابايت بس، ودي سعة قليلة جدًا.
- الموبايل مش بيدعم وجود مستشعر بصمة الإصبع.
- نسخة الأندرويد اللي بييجي بيها الموبايل قديمة جدًا، ومش هيوصل للموبايل أي نسخة أندرويد أحدث.
- الموبايل مش مزود بميكروفون إضافي مانع للضجيج.
- عمر البطارية مش طويل كفاية، ومش بتدعم تقنية الشحن السريع.
|
شوف موبايل HTC Desire 820S من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.