أفضل أجهزة المطبخ العصرية من ياقوطة
كتب: خالد عاصم
المطبخ ممكن يبقى مش بس مكان للطبخ أو تحضير الأكل، ده كمان ممكن يكون مصدر للمرح والمتعة في كل بيت، وده مش هيحتاج أكتر من شوية أجهزة مش كبيرة هتقدر توفر عدد كبير جدًا من عناصر المرح والراحة ليك ولأطفالك كمان، فمع تطور الأجهزة الصغيرة للمطبخ بقى ممكن ننفذ ونعمل حاجات كتير جوه مطبخنا، والأجهزة دي هي اللي هنتكلم عنها النهاردة.
فمن خلال المقال ده هنتعرف على مجموعة من الأجهزة والأدوات اللي هتحول المطبخ من مجرد مكان لتحضير الأكل لمصدر للمتعة والمرح وكمان الراحة ليك ولأطفالك، لو عجبك أي جهاز من اللي هنتكلم عنهم خلال المقال هتقدروا تطلبوه من خلالنا في ياقوطة وهيوصلك لحد باب البيت أو مكان ما تحب في أسرع وقت ممكن.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
أجهزة وأدوات المطبخ المثالي
ميكروويف Fresh FMW-42KC-S سعة ٤٢ لتر
الميكروويف بقى قطعة أساسية في المطبخ وده لمميزات كتير جدًا، وفي الفئة السعرية دي مش هتلاقي أحسن من ميكروويف فريش ده تحديدًا وده لأسباب كتير منها سعته الكبير ٤٢ لتر، قوته اللي بتوصل لحد ١١٠٠ وات، شاشة الليد وإمكانية التحكم الرقمي في الميكروويف من خلال اللمس بالإضافة لتوفير الكهرباء، وده طبعًا بالإضافة لباقي مميزات الميكروويف الطبيعية زي إمكانية تحضير الوجبات من خلال الاختيار من قائمة طعام كبيرة، وكمان التذويب من خلال الوزن أو الوقت ده غير تحضير الفشار وتسخين السوائل بسرعة ومن غير أي مجهود.
شوف ميكروويف فريش FMW-42KC-S من هنا.
شوف كل أنواع الميكروويف المتوفرة على ياقوطة من هنا.
هاند بليندر متكامل Braun Multiquick 7
فيه أنواع كتير من الخلاط اليدوي هاند بليندر ومنها أنواع كتير أرخص من الخلاط ده، بس صعب قوي إنك تلاقي واحد يقدر يقدملك كل الإمكانيات دي وبالسعر ده وكمان من شركة براون الألمانية الممتازة اللي بتقدملنا هاند بليندر ممتاز ومصنوع في بولندا، من خلال الخلاط ده تقدر تعمل كل حاجة تقريبًا زي تحضير العصير وتقطيع وفرم الخضار والفاكهة بمختلف أنواعهم وكمان جرش التلج والعجن وخفق البيض، كل ده بفضل الأدوات والملحقات الكتير اللي بتيجي معاه واللي كلها بتتميز بسهولة الاستخدام والتنضيف، باختصار الهاند بليندر ده هيقدر ببساطة يحول المطبخ لعالم من المتعة.
شوف الخلاط اليدوي هاند بليندر Braun Mulitquick 7 من هنا.
شوف مختلف أنواع الخلاطات اليدوية من هنا.
صناع الساندويتشات والوافل Mienta SM27409A من ميانتا
أطفالك عايزين وافل أو ساندويتش بانيني زي اللي بيتاكل في أي كافيه من الكافيهات الكبيرة، يبقى الحل في صناع الساندويتشات أو الساندوتش ميكر ده اللي بيقدر يقدم تلات مميزات واستخدامات مختلفة، فمن خلاله تقدر تحمص الساندويتش عشان تعمله على طريقة بانيني، أو إنك تعمل وافل أو أي نوع من أنواع السناكس الشبيهة أو كمان تحضر وجبة مشوية صحية، كل ده في وقت قياسي وبسهولة استخدام وكمان سهولة تنضيف استثنائية.
شوف ساندويتش ميكر Mienta SM27409A من هنا.
شوف مختلف أنواع الساندويتش ميكر من هنا.
ماكينة صنع الآيس كريم ديزيرت فروزن
الآيس كريم اللي بنشتريه من أي مكان من ألذ المنتجات اللي كلنا بنحبها كبار وصغيرين، بس أسعاره بقت مرتفعة وكمان مش صحي قوي بسبب نسبة السكر الكبيرة اللي بتدخل في صناعته، بس ممكن نعمل زيه في البيت وبطعم وقوام قريب منه جدًا وصحي أكتر من غير لبن ولا سكر وبالاعتماد بس على الفاكهة، فمن خلال الماكينة المتطورة دي ممكن نعمل الآيس كريم في البيت بكل بساطة من خلال الفاكهة المجمدة اللي بتحولها الماكينة دي لكريمة غنية وكثيفة وزي طعم الأيس كريم وكمان طبيعية أكتر.
شوف ماكينة صناعة الأيس كريم ديزيرت فروزن من هنا.
شوف مختلف أنواع ماكينات صنع الأيس كريم من هنا.
ماكينة صنع القهوة ديلونجي سكالتشرا ECZ 351. BG
واحدة من أفضل ماكينات صنع القهوة المنزلية وبتتميز بعدد كبير جدًا من المميزات منها سعة خزان المياه اللي بتبلغ ١٫٤ لتر والفلتر الثنائي ولوحة تسخين الكوب أو الفنجان، ومن خلال الماكينة الممتازة دي هتقدر تحضر كل مشروبات القهوة الغنية بالحليب أو الكريمة أو الفوم زي الكابتشينو أو اللاتيه وغيرهم، والماكينة بتتوافق مع أقراص الاسبريسو أو مع البن المطحون، وكمان فيها لوحة تقدر من خلالها وبكل سهولة إنك تختار نوع المشروب اللي بتحبه.
شوف ماكينة قهوة ديلونجي سكالتشرا ECZ 351. BG من هنا.
شوف مختلف ماكينات صناعة القهوة بجميع أنواعها من هنا.
شوف مختلف مستلزمات وأدوات وأجهزة المطبخ من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.