كتب: أحمد نامق ويارا الحميلي

فاكر الدنيا كانت عاملة إزاي لما التابلت نزل السوق لأول مرة؟ كان اختراع جديد ورائع وكنا كلنا هنموت ونجربه.

اليومين دول شعبية التابلت زادت قوي عشان المزايا الكتيرة اللي بيقدمها، زي سهولة وجوده معاك في أي مكان، وإمكانية مشاهدة أفلامك المفضلة عليه بشكل سهل ومريح علشان شاشة التابلت، وكمان وجود كاميرا فيه هتسهل عليك إنك تاخد صور لمواقف مميزة وتقدر تشوفها عليه بعد كده بشكل واضح.

على الجانب الآخر، اللاب توب مهم جدًا من حيث سهولة استخدامه ومناسبته لأصحاب الشغل اللي بيتطلب كتابة كتيرة لتوافر كيبورد أو لوحة مفاتيح فيه، ده غير شاشته الكبيرة اللي بتناسب عرض أي محتوى أو مشاهدة الأفلام ومزايا تانية كتير.. ويمكن ده اللي بيخلي كتير مننا يسأل نفسه: أشتري تابلت ولا لاب توب؟

عمومًا مفيش حاجة أحسن من التانية ولا تغني عنها، واحنا في ياقوطة هنساعدك تعرف الفرق بين  التابلت واللاب توب  واستخدام كل واحد فيهم. مش كده وبس، عن طريق ياقوطة هتقدر تعرف أحسن الأسعار للتابلت واللاب توب، ولو عجبك موديل منهم تقدر تطلبه من خلالنا ويكون عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

١- لوحة مفاتيح مقابل شاشة لمس

• أول حاجة بنلاحظها إن التابلت بيشتغل وبيستجيب لكل أوامرك باللمس، ودي نقطة بيتفوق فيها على اللاب توب لو كان استخدامك سريع وبتتنقل كتير في شغلك.
• ومع إن دي ميزة حلوة في بعض الحالات زي الإشارة لحاجة معينة، نقل عناصر على الشاشة، الرسم، التخطيط لشيء، أو الاختيار من قائمة موجودة أو الحاجات اللي شبه دي.
• لكن عيبه برضه إنك بتحتاج تستخدم لوحة مفاتيح افتراضية أو Bluetooth أو USB. وده من عيوب التابلت.
• اللاب توب لوحات المفاتيح بتاعتها بشكل QWERTY وده بيخليها أسهل في الاستخدام، وأسهل في كتابة الأفكار، أو الوثائق أو حتى مراجعتها.

تجربة المستخدم

• التابلت أحسن للأشخاص اللي بيستخدموا نقاط تحكم كتير (زي التصفح، والتصميم، والرسم، والحاجات اللي زي دي).
• أجهزة اللاب توب أحسن للأشخاص اللي بيكتبوا كتير (رسائل بريد إلكتروني، وثائق، مقالات، وغيرها).

٢- عمر البطارية

النقطة دي تقنية أكتر من النقط التانية.

• الهارد بتاع اللاب توب عادةً بيكون أقوى من الهارد الخاص بالتابلت. وقوة الهارد معناها إن الجهاز كله أداؤه أقوى وبرضه معناها إن وقت البطارية أقل.
• لو بصيت جوه التابلت، هتلاقي إن معظم المنطقة الداخلية مخصصة للبطارية، في حين إن اللاب توب عنده مساحة أكبر للحاجات التانية وده لإن الهارد بتاعه أقوى.
• عشان كده دايمًا هتلاقي إن عمر بطارية التابلت أطول من بطارية اللاب توب.
• لو بصينا للمتوسط، هنلاقي إن تقريبًا بطارية التابلت بتستمر حوالي ٨-١٠ ساعات وقت الاستخدام، في حين إن بطارية اللاب توب مش بتكمل ٤-٥ ساعات، وده طبعًا عشان فرق الهارد.

تجربة المستخدم

• التابلت مناسب للأشخاص اللي بيحتاجوا جهاز للعمل لأكتر من ٦ ساعات من غير شحن.

٣- البرمجيات وأنظمة التشغيل

• لما نتكلم على كيفية عمل أنظمة التشغيل، هنلاقي فرق كبير قوي بين التابلت واللاب توب. معظم أجهزة اللاب توب شغالة بنظام ماك أو ويندوز ومعظم التابلت بتشتغل بنظام أندرويد أو iOS.
• وده في حد ذاته فرق كبير قوي. في حين إن ويندوز وماك بيعتبروا أنظمة شاملة جدًا وممكن تقريبًا تشغّل أي برنامج، مانقدرش نقول نفس الحاجة عن Android  أو iOS. لو جربت تزور أي موقع لتحميل البرامج، ١٠٠٪ هتلاقي نسخ مناسبة لماك وويندوز، ولكن مش دايمًا هتلاقي نسخ مناسبة لAndroid وiOS.
• وبرضه بسبب مشاكل الهارد اللي ذكرناها فوق، حتى التابلت اللي شغالة بنظام ويندوز زي Microsoft Surface Pro أو Lenovo Idea Pad مش بيشتغلوا بنفس الكفاءة زي اللاب توب.

شوف Lenovo Idea Pad من هنا.

تجربة المستخدم

أجهزة الكمبيوتر المحمولة أنسب للناس اللي بيحتاجوا برامج متقدمة أو برامج بتتطلب هارد معين زي برامج 3D Max.

تقدر تتعلم وتحترف الـ 3D Max من هنا.

٤- الحجم وإمكانية التنقل

النقطة دي نقطة مهمة جدًا لاتخاذ القرار.

• فكرة إن اللاب توب الهارد بتاعه أقوى ليها تمن، وهو الوزن. معظم أجهزة اللاب توب أتقل من التابلت واللي بتكون دايمًا أصغر ووزنها أخف وأسهل في النقل.
• ومع كده، في أجهزة لاب توب جديدة وزنها خفيف جدًا، لكن ده بييجي على حساب الهارد أو سخونة الجهاز. فمثلًا الأبل ماك بوك وزنه خفيف جدًا، لكن بيسخن بسرعة وبيحتاج يبرد ويتشحن كتير.
• بالإضافة لموضوع البطارية، التابلت هيكون ملائم أكتر لو كنت في احتياج لجهاز تقدر تشيله في جيبك.

شوف Apple MacBook Air  هنا.

تجربة المستخدم

التابلت أنسب لو انت مهتم بالوزن والحجم وعايز حاجة تبقى معاك في أي مكان ومش فارق معاك قوي قوة هيكل الكمبيوتر.

٥- التخزين

حاجة تانية لازم نخلي بالنا منها واحنا بنشتري جهاز من الأجهزة دي وهي التخزين.

• التابلت بيعتمد أكتر على الـ SSD (محركات الأقراص الصلبة) للتخزين، وده بيخلي الكمية اللي بيقدروا يخزنوها أقل. والناحية التانية أي لاب توب متوسط الأداء ممكن يخزن لحد ٥٠٠ جيجا بمنتهى السهولة.
• التابلت سعة تخزينها من ١٦ لـ ١٢٨ جيجا. وفي بعض الأحيان التابلت بيوفر فتحة بطاقة ذاكرة خارجية لتزويد سعة التخزين.
• اللاب توب هو الأقوى في الحتة دي، وما ننساش إن فتحات الUSB  بتديها ذاكرة لا نهائية.

شوف موديلات مختلفة للهارد ديسك من هنا.

تجربة المستخدم

أجهزة الكمبيوتر المحمولة أنسب للأشخاص اللي عندهم بيانات كتير محتاجين يحتفظوا بيها أو للأشخاص اللي بيهتموا بقواعد البيانات.

٦- التكلفة

النقطة دي مهمة جدًا لما نيجي نشتري أي جهاز كهربائي اليومين دول.

المقارنة بين اللاب توب والتابلت من حيث الأسعار صعبة جدًا، عشان في فئات مختلفة للأجهزة من حيث الماركة، وتاريخ الإصدار، والتكنولوجيا المستخدمة.

• مثلًا لو عايز تشتري حاجة في حدود ١٥٠٠ لـ ٣٠٠٠ جنيه ممكن تجيب لاب توب أو تابلت من الفئة المنخفضة.

ممكن تشوف iLife Zed Air Laptop من هنا.

أو ممكن تشوف Sary Book Laptop من هنا.

أو ممكن تشوف Lenovo Tab3 TB-710 من هنا.

أو ممكن تشوف Asus Zen Pad C7 من هنا.

• لو ميزانيتك ما بين ٣٥٠٠ لـ ٧٠٠٠ جنيه ممكن تجيب لاب توب أو تابلت من الفئة المتوسطة

ممكن تشوف HP 255 G5 Laptop من هنا.

ممكن تشوف HP 15AY – 019 Laptop من هنا.

ممكن تشوف Lenovo Yoga 10 Tablet من هنا.

ممكن تشوف iPad Air Wi-Fi Tablet من هنا.

• واللي الميزانية بتاعته كبيرة، ممكن يشوفوا حاجة في الفئة الأعلى

ممكن تشوف AIeinWare 14 Laptop من هنا.

ممكن تشوف AlienWare 17 Laptop من هنا.

ممكن تشوف Apple iPad Pro 9.7 Tablet من هنا.

وشوف iPad Pro 12.9 من هنا.

تجربة المستخدم

• اللاب توب والتابلت متعادلين. وكل فئة ليها أسعارها، وعادةً هتلاقي اللي عايزه على حسب احتياجاتك في السعر المناسب ليك.

تجربة وتقييم المستخدم النهائية

مع إن اللاب توب مش سهل في التنقل والاستخدام زي التابلت، اللاب توب بيعوض ده عن طريق تفوقه في الهارد وير وسعة التخزين ووفرة البرامج المناسبة. اللاب توب دايمًا الأفضل لما يكون الشغل تقيل.

على الناحية التانية، عمر البطارية الطويل وسهولة حمله والتحديثات المستمرة، بالإضافة للمنافذ الكتير بتخلي التابلت يكون أنسب في الاستخدام السريع.

لو كنت عايز تفاصيل أكتر عن الأجهزة المذكورة هنا، هتلاقي كل اللي انت عاوز تعرفه بالتفصيل عن الأجهزة دي في المقال ده
مجموعة من أفضل أجهزة لاب توب وتابلت ممكن تشتريها من هنا.

ونتمنى إن المقال ده يكون ساعدك تعرف أهم العناصر اللي لازم تاخد بالك منها قبل ما تقرر هتشتري لاب توب ولا تابلت.