مجموعة من أبرز هدايا الكريسماس المناسبة لكل أفراد العيلة
كتب: خالد عاصم
أيام قليلة بتفصلنا عن موسم أعياد الميلاد، ومع موسم الكريسماس بيكون وقت توزيع الفرحة والبهجة على العيلة والأصخاب، وإيه يقدر يخلي الناس تفرح أكتر من الهدايا؟ سواء كنت ناوي تبقى سيكريت سانتا لحد أو ناوي تهادي عيلتك وحبايبك فأكيد هتحتاج تعرف إيه هدايا الكريسماس المناسبة لكل حد ناوي تهاديه، والنهاردة وفي المقال ده هنتكلم عن مجموعة من أبرز هدايا الكريسماس في فئات مختلفة هي التكنولوجيا والساعات وكمان أجهزة المطبخ الصغيرة، يعني هتلاقي اللي يناسب مجموعة كبيرة من هدايا الكريسماس اللي هتناسب أكبر عدد ممكن من أفراد عيلتك أو أصحابك.
ولو أي منتج من المنتجات اللي هنتكلم عنها عجبتكم هتقدروا تطلبوها من خلالنا في ياقوطة وهتوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
مجموعة من أبرز هدايا الكريسماس لسنة 2023
أجهزة تكنولوجية واكسسواراتها
سماعة JBL E55BT
سماعة E55BT اللي بتقدر تشتغل عن طريق البلوتوث وكمان عن طريق كابل ٣٫٥ مم، وبتتميز ببطارية قوية بتقدر تعيش لحد 20 ساعة وكمان فيها ميكروفون قابل للفك والتركيب بسهولة. والسماعة من برا بتتميز بتصميم مريح جدأ وجذاب جدًا وعناصر التحكم في الصوت كلها موجودة في السماعة نفسها، أما من جوا فبتتميز بمكبرات صوت يناميكية قطر ٥٠ مم بمقاومة ٢٠ أوم واستجابة ترددات ٢٠ هيرتز لحد ٢٠ كيلو هيرتز ده غير إنها بتتميز بصوت JBL القوي المعروف للكل.
اتعرف على عروض أسعار سماعة JBL E55BT المتوفرة على ياقوطة من هنا.
سماعة Xiaomi Mi Speaker
زي ما بتقدر تقدم قيمة مقابل السعر على مستوى الموبايلات والأجهزة المختلفة، فهي كمان بتقدم نفس المبدأ في السماعات، ومن خلال السماعة دي بتقدر توفر شاومي تجربة صوت استثنائية بفضل اعتمادها على سماعتين داخليتين بقوة ١٦ وات وببطارية بتقدر تشتغل لحد ١٣ ساعات متواصلة، السماعة وزنها خفيف جدًا رغم تصميمها القوي اللي ممكن يدي إيحاء بإن وزنها تقيل، وكمان متوافقة مع مختلف أنظمة التشغيل والأجهزة، والتحكم فيه سهل جدًا، ده غير إنها مقاومة للمياه.
اتعرف على عروض أسعار سماعة Xiaomi Mi Speaker من هنا.
سماعة Ultimate Ears Boom 3
واحدة من أفضل سماعات بلوتوث سبيكر المتوفرة في الفئة السعرية دي هي سماعة Boom 3 من Ultimate Ears واللي بتتميز بتصميم ممتاز بيعتمد على شكل اسطواني عشان يقدم تجربة صوت ٣٦٠ درجة مثالية تقدر تقوم حفلة لوحدها رغم حجمها الصغير، وجوا التصميم المثالي ده فيه إمكانيات صوتية ممتازة ومبهرة بفضل صوت البيس العميق والدقيق واللي مفيهوش أي زن مع الاستخدام على حجم الصوت العالي، وكمان البطارية بتقدر تشتغل لحد ١٥ ساعة كاملة، والسماعة مقاومة للمياه والغبار والصدمات كمان.
اتعرف على عروض أسعار سماعة Boom 3 من Ultimate Ears من هنا.
راديو بلوتوث Kemai MD-1802BT
راديو عصري بتصميم كلاسيكي مميز جدًا قابل للحمل وقابل للشحن لاعتماده على بطاريات قابلة للشحن، الراديو تصميمه ريترو رائع يعني هيبقى كأنه قطعة ديكور في البيت بي قطعة ديكور ليها استخدامات كتير زي الراديو متعدد الترددات اللي بيدعم FM وAM وSW وكمان بيدعم الراديو التشغيل من خلال USB أو SD أو TF يعني بيقبل توصيل كروت الميموري والفلاشات، وكمان فيه راديو DSP أو معالج الإشارة الرقمي، ده غير إنه بيدعم الاتصال عن طريق بلوتوث وكمان صوته ستريو مش مونو زي أغلب الراديوهات، وفيه وظيفة التسجيل من الراديو على الفلاشات وكروت الميموري.
اتعرف على عروض أسعار مختلف راديوهات Kemai على ياقوطة من هنا.
سماعة ألعاب Astro A40 TR X-Edition
سماعة ألعاب ممتازة من شركة Astro والسماعة موثقة وواخدة توصية من عدد كبير من الشركات المتخصصة وصناع الألعاب، والسماعة كمان بتتميز بإنها معدلة ومحسنة بواسطة مجموعة من أفضل خبراء عالم الصوتيات عشان تقدر تجربة ألعاب استثنائية على مستوى الصوتيات.
اتعرف على عروض أسعار سماعة الألعاب Astro A40 TR X-Edition من هنا.
سماعة Realme Buds T100
كعادة منتجات Realme اللي بتركز بشكل كبير على جودة لبيس وقوته فالسماعة دي بتعمل كده برضه، وعشان كده لو انت من عشاق البيس فالسماعة دي هتكون مناسبة ليك بس زي ما دي ميزة لناس فهي أكيد عيب لناس تانية وكمان بيأثر على بعض الترددات التانية في السماعة أو في البروفايل الصوتي بشكل عام، وعشان كده بتوفر السماعة تلات أوضاع صوتية بتخليك تقدر تحسن من جودة الترددات التانية على حسب الحاجة اللي بتسمعها وتحاول تتفادي العيوب.
والسماعة في عزلها للضوضاء خلال المكالمات بتعتمد على تقنية AI ENC وبغض النظر عن كلمة AI اللي بتشير للذكاء الاصطناعي فده نظام عزل ضوضاء محيطي عادي واللي طبعًا بيختلف عن تقنية إلغاء الضوضاء الفعال اللي مش متوفر في سماعات بالسعر ده، وبتجربة المكالمات هنلاحظ إنها مثالية ونقية جدًا لو انت في مكان مش مزدحم أو دوشة، أما لما بتخرج في مكان دوشة، فبمجرد ما بيستشعر نظام ENC وجود ضوضاء محيطة فبيشتغل على طول وبيحاول يعزل ويقلل الضوضاء دي.
اتعرف على عروض أسعار سماعة Realme Buds T100 من هنا.
سمارت باند Xiaomi Smart Band 7 Pro
- الابعاد: ١١ × ٢٨٫٨ × ٤٤٫٧ مم
- الوزن: ٢٠٫٥ جرام من غير السوار
- مواد الصناعة: البلاستيك عالي التحمل
- الحماية: حماية ضد المياه لحد عمق ٥٠ متر بمعيار 5 ATM
- الشاشة: شاشة AMOLED بقطر ١٫٦٤ بوصة بدقة ٤٥٦ × ٢٨٠ بيكسل بكثافة ٣٢٦ بيكسل لكل بوصة
- التقنيات اللاسلكية: بلوتوث ٥.٠
- عمر البطارية: لحد 12 أيام بحد أقصى في الاستخدام الطبيعي/المتوسط
- التوافق: أنظمة تشغيل اندرويد وiOS
- الوظائف: عرض الإشعارات – التنبيه بالمكالمات – التحكم في الموسيقى – القياسات الحيوية والصحية وقياس النوم ومستوى التوتر ومستوى تشبع الدم بالأكسجين وتتبع صحة المراة – دعم أكتر من ١١٠ تمرين رياضي
اتعرف على عروض أسعار سمارت باند Xiaomi Smart Band 7 Pro من هنا.
سمارت باند Huawei Band 8
- الابعاد: ٨٫٩٩ × ٢٤٫٥٤ × ٤٣٫٤٥ مم
- الوزن: ١٤ جرام من غير السوار
- مواد الصناعة: البلاستيك عالي التحمل
- الحماية: حماية ضد المياه لحد عمق ٥٠ متر بمعيار 5 ATM
- الشاشة: شاشة AMOLED بقطر ١٫٤٧ بوصة بدقة ٣٦٨ × ١٩٤ بيكسل بكثافة ٢٨٢ بيكسل لكل بوصة
- التقنيات اللاسلكية: بلوتوث ٥.٠
- عمر البطارية: لحد ١٤ يوم بحد أقصى من لاستخدام الخفيف ولحد ٩ أيام بحد أقصى في الاستخدام الطبيعي/المتوسط ولحد ٣ أيام بحد أقصى مع تفعيل خاصية الشاشة دائمة التيقظ
- التوافق: أنظمة تشغيل اندرويد وiOS
- الوظائف: عرض الإشعارات – التنبيه بالمكالمات – التحكم في الموسيقى – القياسات الحيوية والصحية وقياس النوم ومستوى التوتر – دعم ١٠٠ تمرين رياضي
اتعرف على عروض أسعار سمارت باند Huawei Band 8 من هنا.
اتعرف على عروض أسعار كل ما يخص التكنولوحيا من هنا.
ساعات رجالي وحريمي
مجموعة ساعات Reys
من العلامات التجارية الجديدة اللي بتقدم مجموعة كبيرة بتشكيلة واسعة من الساعات الحريمي اللي بتتميز بتصميم مستوى من تصاميم الساعات الرائدة والغالية وبسعر مناسب جدًا لمختلف الفئات، يعني تقدري تشتري تشكيلة من الساعات المناسبة لكل الأوقات والمناسبات من علامة تجارية واحدة وبسعر تنافسي جدًا، وبتتميز العلامة التجارية دي إنها بتشتغل على عنصرين مهمين في ساعاتها، لأول هو الشياكة اللي بتوفرها كل موديلات العلامة دي واللي بتحاول ترضي أذواق الجميع، أما الحاجة التانية فهي اعتماد الساعات دي على الستانليس ستيل عشان تعيش عمر طويل من غير أي مشكلة ممكنة.
اتعرف على عروض أسعار ساعات Reys الحريمي على ياقوطة من هنا.
ساعة حريمي فاشون من Alba
شركة ألبا واحدة من أقدم وأشهر شركات الساعات اللي شغالة في مصر من سنين طويلة، ولسا قادرة الشركة دي تقدم موديلات حديثة وعصرية وقادرة تنافس بقوة بمجموعة مختلفة من الساعات، والساعة اللي اخترناها دي تحديدًا من عائلة Fashion من ساعات Alba والعيلة دي بتتميز بغنها بتقدر تجمع ما بين التصميم الكلاسيكي والتصميم العصري يعني هتكون مناسبة ليكي في أي وقت وأي مناسبة وبتتوفر بألوان وتصاميم مختلفة كلها بتعتمد على أسورة من الستانليس ستيل ومين بألوان مختلفة وتصاميم جذابة جدًا، ده غير مجموعات تانية مختلفة بتوفرها شركة Alba.
اتعرف على عروض أسعار ساعة ألبا الحريمي الرياضية من هنا.
مجموعات الساعات الحريمي من Mini Focus
علامة Mini Focus التجارية من العلامات التجارية اللي ظهرت خلال الفترة اللي فاتت وقدرت توفر مجموعة متنوعة من الساعات الحريمي المختلفة والمتنوعة على مستوى التصميم، وبتميز مجموعة ساعات العلامة التجارية دي بإنها بتقدم تصاميم ممتازة جدًا وبجودة تصنيع عالية بس بأسعار اقتصادية وتنافسية وكمان مضمونة بضمان وبسعر ساعة واحدة من ماركات تانية تقدري تشتري تلات أو أربع ساعات متنوعة من Mini Focus لكل المناسبات، زي الساعة دي، ودي ساعة بحركة كوارتز بتصميم رسمي مناسبة للمناسبات الرسمية والشغل والمناسبات العائلية، الساعة بتعتمد على تصميم دائري أنالوج عقارب وبقطر ٣٠ مم، والساعة مصنوعة من الستانليس ستيل سواء على مستوى الساعة أو السوار.
اتعرف على عروض أسعار ساعة اليد الحريمي من ميني فوكس من هنا.
مجموعة ساعات Mini Focus للرجال
بتوفر Mini Focus مجموعة كبيرة جدًا من الساعات الرجالي المتميزة اللي بتجمع ما بين الإمكانيات الممتازة والتصاميم الرائدة وكمان السعر الاقتصادي المنسب جدًا، ومن بينها على سبيل المثال لا الحصر الساعة دي بتصميم كورتوغراف وحركة كوارتز بماكينة ياباني ممتازة وبتتميز بتصميم رائعة وصناعة من المعدن وعدادات شغالة.
اتعرف على عروض أسعار مختلف ساعات Mini Focus على ياقوطة من هنا.
ساعة يد Attack سوداء من Swatch
شركة Swatch واحدة من أشهر الشركات اللي بتقدم ساعات ممتازة خصوصًا على مستوى الساعات الرجالي اللي بتتميز بقوة التصميم والبناء وكمان الإمكانيات الممتازة المتوفرة في اغلي الساعات بس بسعر مناسب جدًا مقارنة بالساعات دي، ومن بين ساعات Swatch الرائعة ساعة Attack اللي بتعتمد على هيكل من المعدن وسوار مطاطي بداخل معدني مع تباين ألوان الاتنين عشان تقدم تصميم مختلف تمامًا بيجمع بين القوة والشياكة، والساعة بتتميز بعرض التاريخ ده غير تلات عدادات مختلفة.
اتعرف على عروض أسعار مختلف ساعات Swatch على ياقوطة من هنا.
ساعة
شركة كاسيو من غير شك واحدة من أكبر وأعرق شركات صناعة الساعات في العالم واللي بتشتهر بمجموعة متنوعة من الساعات اللي أبرزها سلسلة Edifice وسلسلة G-Shock والاتنين بيختلفوا عن بعض على مستوى التصميم والإمكانيات بين بيجتمعوا على جودة التصميم وقوة البناء والإمكانيات والتميز على كل المستويات، ساعات كاسيو من الساعات اللي بتقدملك شياكة وإمكانيات أفضل وأعلى الساعات وبسعر أقل منها بكتير.
اتعرف على عروض أسعار مختلف ساعات Casio على ياقوطة من هنا.
اتعرف على عروض أسعار مختلف الساعات على ياقوطة من هنا.
أجهزة المطبخ
صانع الساندويتشات والوافل وشواية من بلاك اند ديكر
جهاز صغير بس ضروري جدًا وجوده في بيتك، صانع الساندويتشات والوافل والشواية من بلاك اند ديكر، تلات أجهزة في جهاز واحد بقوة ٧٥٠ وات مع تميزه بلوحات غير قابلة للالتصاق عشان سهولة الاستخدام من غير أي مشاكل، وكمان بتقدر تتحكم في درجة الحرارة من خلال ثرموستات دقيق.
اتعرف على عروض أسعار مختلف أجهزة صانع السندويتشات على ياقوطة من هنا.
شواية كهربائية ماستر جريل من ميانتا
من أفضل الشوايات الكهربائية في فئتها السعرية، والشواية بقوة ٢٢٠٠ وات بتتميز بمساحة شواء كبيرة مع غطاء زجاجي لطهي من غير انسكاب، وبتتميز بسطح غير لاصق وقابل للإزالة مع ملعقة لتنظيف سطح الشواية وفيها إمكانية ضبط درجة الحرارة عشان تناسب مختلف أنواع المشويات، وفيها طبق طهي مسطح وواحد تاني بشبكة قابلين للإزالة.
اتعرف على عروض أسعار شواية ماستر جريل من ميانتا من هنا.
خلاط يدوي مالتي كويك ٧ من براون
الخلاطات اليدوية مميزة جدًا ومن الأدوات الضرورية في عملية تحضير اللانش بوكس المثالي وده لإنها بتتضمن مجموعة مختلفة من الأدوات زي الخلاط نفسه والمفرمة ومضرب البيض وغيرها من الحاجات اللي هتساعد على تحضير الأكل والمشروبات بسرعة، ومن أبرز الخلاطات دي خلاط مالتي كويك ٧ اليدوي من براون اللي بيتميز بإنه خلاط وممكن يستخدم كاداة تقطيع وعجن وتفتيت وتمزيق وتشريح وكمان خفق، يعني هيساعدك تعمل العصاير والحلويات وكمان خفق اللبن عشان المشروبات الساخنة، ده بالإضافة لمجموعة كبيرة من الإمكانيات اللي بيوفرها الخلاط اللي بيتميز بقوة وصلابة وأداء متميز.
اتعرف على عروض أسعار الخلاط اليدوي مالتي كويك ٧ من براون من هنا.
قلاية هوائية EY201815 الصحية من تيفال
لو ولادك بيحبوا البطاطس المحمرة وميقدروش يستغنوا عنها فممكن تقدمهالهم بس بطريقة صحية، ومش بس البطاطس دي حاجات كتير جدًا صحية ممكن تتعمل من خلال القلاية الهوائية لاعتمادها على الهوا السخن فبتتميز بإنها بتوفر أكل صحي بأقل نسبة دهون ممكنة وكمان ممكن تستخدمها في الشوي والتحميص والخبز زي ما طبعًا تقدر تستخدمها في القلي، سعة القلاية دي ٤٫٢ لتر يعني ١٫٢ كيلو جرام وبتقدر توصل لدرجة حرارة من ٨٠ لحد ٢٠٠ درجة مئوية وكمان فيها ميقاتي لحد ٦٠ دقيقة.
اتعرف على عروض أسعار قلاية تيفال EY201815 من هنا.
ماكينة القهوة المفلترة CM31216A من ميانتا
واحدة من أرخص ماكينات صناعة القهوة الأمريكية وماتخليش سعرها المنخفض يخدعك بإنك إمكانياتها ضعيفة فالماكينة دي بتتميز بسعه ضخمة بتبلغ ١٫٢٥ لتر وبتكفي لحد ١٢ كوباية وكمان بقوتها الرهيبة لحد ١٠٠٠ وات، الماكينة بتتميز بخاصية منع التنقيط وكمان خاصية التدفئة اللي بتخلي القهوة بتاعتك سخنة لأطول وقت ممكن وكمان فيها فلتر دائم يعني مش هتحتاج تغير الفلتر كل شوية ده غير إن فيها معلقة لمعيار البن.
اتعرف على عروض أسعار ماكينات القهوة الأمريكية من ميانتا من هنا.
ماكينة قهوة اسبريسو وكابتشينو EC221R من ديلونجي
ماكينة قهوة ممتازة من دليونجي بتقدر من خلالها تعمل فنجانين اسبريسو في نفس الوقت وكمان تقدر من خلالها تعمل كابوتشينو لأن فيها خاصية تسخين الحليب اللي بتعمل الفوم المناسب لفنجان كابتشبنو ممتاز، الماكينة كمان فيها أساليب حماية مختلفة وتقدر من خلالها تتحكم في مستوى قوة القوة ومستوى تسخين الحليب.
اتعرف على عروض أسعار ماكينات ديلونجي لصناع الاسبريسو والكابتشينو من هنا.
اتعرف على عروض أسعار مختلف الأجهزة المنزلية المتوفرة على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.