أفضل اللابات المناسبة لكل طالب من ياقوطة
كتب: خالد عاصم
كل جهاز من الأجهزة اللي بنعتمد عليها في حياتنا اليومية ليه تقسيمات وتصنيفات مختلفة، يعني بتتقسم لفئات من حيث الإمكانيات أو من حيث السعر أو من حيث بلد المنشأ وغيرها من التقسميات والتصنيفات، بس كمان فيه تصنيف مهم جدًا وهو تصنيف الاستخدام والوظيفة، بمعنى إن الجهاز ده بيكون أنسب لمين من المستخدمين بالظبط، وكتير من الأجهزة اللي بنستخدمها بينطبق عليها التقسيم ده وأبرزها اللابتوبات.
اللاب توبات بتتصنف وتتقسم طبقًا لاستخدامها ولوظيفتها زي ما بتتقسم طبقًا لمواصفاتها وأسعارها وهما العناصر اللي بتتحدد أصلًا طبيعة استخدام اللابتوب، يعني مثلًا فيه لابتوبات الألعاب ولابتوبات التطبيقات التقيلة زي تطبيقات التصميمات والمونتاج، وفيه اللابتوبات المناسبة للطلبة، ودي بتكون لابتوبات متوسطة الإمكانيات وسعرها بيتراوح ما بين المنخفض والمتوسط.
من خلال المقال ده هنتعرف على مجموعة من أبرز اللاب توبات المناسبة للطلبة وهنتكلم عن فئات متنوعة من اللابتوبات دي وهنتعرف على مواصفاتها وعلى أسعارها في السوق، وأي لابتوب من اللابتوبات اللي هنتكلم عنها في المقال ده هتلاقوها متوفرة على ياقوطة وهتقدروا تطلبوها من خلالنا في ياقوطة وهتوصلكم لحد باب البيت أو مكان ما تحبوا بأسرع وقت ممكن.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
أبرز اللاب توبات المناسبة للطلبة على ياقوطة
لاب توب Dell Inspiron 3565
أول اللاب توبات المناسبة للطلبة اللي هنتكلم عنها بتقدمه ديل، وهو Dell Inspiron 3565 واللي بيعتمد على شاشة بقطر ١٥٫٦ بوصة بدقة ١٣٦٦ × ٧٦٨ بيكسل وبتتميز الشاشة بتقنية مضادة للتوهج وبتعتمد على إضاءة ليد خلفية، أما على مستوى الإمكانيات الداخلية فبيعتمد اللابتوب على معالج AMD A9 ثنائي النواة اللي بيتميز بتقنية تربو وبتوصل بسرعة البروسيسور لحد ٣٫٧ جيجا هيرتز، أما معالج الرسوميات فهو Radeon R4 واللي بيعتمد على ذاكرة من الذاكرة العشوائية لللابتوب واللي سعته ٤ جيجابايت رام أما الذاكرة الداخلية فسعتها ٥٠٠ جيجابايت.
بيتميز اللاب توب بمحرك كتابة وقراية لاسطوانات CD وDVD وفيه منافذ مختلفة زي منفذ واحد للسماعات والميكروفون، منفذ HDMI، منفذ USB 2.0، منفذ USB 3.1 وكمان منفذ لتوصيل الإنترنت السلكي ومنفذ لقرابة بطاقات الميموري، الجهاز كمان فيه سماعتين بتقنية MaxxAudio Pro وكمان فيه كاميرا ويب عالية الجودة بدقة ٧٢٠ بيكسل مع ميكروفون أحادي وكمان الكيبورد بتاعة الجهاز مقاومة للمياه.
اتعرف على عروض أسعار لاب توب Dell Inspiron 3565 المتوفر على ياقوطة من هنا.
لاب توب HP 15-DA1022nx
تاني لاب توب هنتكلم عنه من اللابتوبات المناسبة للطلبة هو لابتوب HP 15-DA1022nx واللي بيعتمد على شاشة ١٥٫٦ بوصة وعلى معالج Intel Core i3 الجيل التامن بسرعة ٣٫٩ جيجا هيرتز، والمدعوم بذاكرة عشوائية سعتها ٤ جيجابايت رام أما السعة التخزينية للجهاز فهي ١ تيرابايت، وبيعتمد الجهاز على معالج رسوميات Intel UHD 620 من إنتل.
الجهاز فيه قارئ وكاتب لاسطوانات CD وDVD بيتميز بسرعة وكفاءة ممتازين جدًا وكمان بنظام صوت قوي ومجموعة مختلف من المنافذ، بس الجهاز بييجي بنظام DOS يعني هيحتاج منك نظام تشغيل ويندوز.
اتعرف على عروض أسعار لاب توب HP 15-DA1022nx المتوفر على ياقوطة من هنا.
لاب توب Lenovo Ideapad 330-15AST
لاب توب Lenovo Ideapad 330-15AST بيعتمد على شاشة ١٥٫٦ بوصة بدقة ١٣٦٦ × ٧٦٨ بيكسل بتقنية الشاشة المضادة للتوهج، بيعتمد اللابتوب على بروسيسور AMD E2-9000 المكون من نواتين وسرعته ١٫٨ جيجا هيرتز بتوصل لحد ٢٫٢ جيجا هيرتز بكاشات 2 ميجابايت، أما معالج الرسوميات فهو AMD Radeon R2، وبيعتمد اللابتوب على رامات ٤ جيجابايت رام وهارد داخلي بسعة ١ تيرابايت.
اللابتوب فيه DVD/CD قراية وكتابة طبعًا، وفيه مجموعة مختلفة من منافذ USB 3.0 وUSB Type-C ده غير منفذ HDMI ومنفذ لقرابة كروت الميموري ومنفذ إيثرنت، وبيتميز الجهاز بسماعتين بقوة ١.٥ وات بيدعموا نظام دولبي عالي الجودة، المشكلة الوحيدة إنك هتحتاج نسخة ويندوز لأنه بيجي بنسخة DOS بس.
اتعرف على عروض أسعار لاب توب Lenovo Ideapad 330-15AST المتوفر على ياقوطة من هنا.
لاب توب Cherry ZE97B
من البدايل اللي بتتميز بإمكانيات كويسة جدا وسعر منخفض لابتوب Cherry ZE97B واللي بيعتمد على شاشة بقطر ١٥٫٦ بوصة، وبيعتمد داخليًا على معالج انتل Core i3 الجيل الخامس بسرعة ٢٫٠ جيجا هيرتز والمدعوم بذاكرة عشوائية سعتها ٤ جيجابايت رام وذاكرة داخلية سعتها ١ تيرابايت أما كارت الفيجا فداخلي مشترك، الجهاز فيه مجموعة من المنافذ بس مفيهوش CD/DVD W/R وبيتميز بأنه بيشتغل بنظام ويندوز يعني مش محتاج تشتري نسخة للجهاز.
اتعرف على عروض أسعار لاب توب Cherry ZE97B المتوفر على ياقوطة من هنا.
لاب توب Cherry ZE11B
البديل الأرخص من بين مختلف اللاب توبات المناسبة للطلبة واللي رغم سعره المنخفض ده إلا أنه ممكن الاعتماد عليه خصوصًا لو دراستك بتعتمد على الإنترنت بشكل كبير، اللابتوب صغير بيعتمد على شاشة بقطر ١١٫٦ بوصة بدقة ١٩٢٠ × ١٠٨٠ بيكسل ، أما المعالج فهو intel Atom X5 بسرعة ١٫٩٢ جيجا هيرتز وبذاكرة مؤقتة ٢ ميجابايت، أما الرامات فسعتها ٢ جيجابايت رام والسعة التخزينية ٣٢ جيجابايت من فئة SSD وبيقبل الجهاز كروت الميموري لحد ٦٤ جيجابايت وممكن طبعًا تعتمد على خدمات التخزين السحابية المختلفة عشان تخزين ملفاتك المهمة.
الجهاز فيه سماعتين بقوة ١ وات وفيه ميكروفون مدمج وكاميرا بدقة ٠٫٣ ميجا بيكسل، وفيه منفذ للسماعات الخارجية ومنفذين USB 3.0، أما البطارية فسعتها ٨٠٠٠ ميللي أمبير في الساعة والجهاز بيشتغل مباشرة بنظام تشغيل ويندوز ١٠.
اتعرف على عروض أسعار لاب توب Cherry ZE11B المتوفر على ياقوطة من هنا.
اتعرف على عروض أسعار مختلف اللاب توبات المتوفرة على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.