كتب: خالد عاصم

اشتريت جهاز ألعاب PlayStation 5 بس حاسس إن مفيش ألعاب كفاية تقدر تلعب بيها على جهازك الجديد، عندك حق، وده لأن الألعاب اللي صدرت ومخصصة بس لجهاز PS5 لسا قليلة، بس ده مش معناه إن الألعاب المتوفرة اللي ممكن تلعبها على جهازك قليلة برضه، وده لسببين، السبب الاول إنه لو عندك ألعاب PS4 فهتقدر لسا تلعبها على جهازك الجديد، والسبب التاني إن فيه عدد كبير من الألعاب السابقة اللي نزلت منها نسخ مخصصة لأجهزة PlayStation 5 والألعاب دي اللي هنتكلم عنها النهاردة وهنتعرف على أبرزها وأشهرها.

ولو أي لعبة اتكلمنا عنها في المقال ده عجبتكم هتقدروا تطلبوها من خلالنا في ياقوطة وهتوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع

أفضل ألعاب PlayStation 5 على ياقوطة

لعبة Fifa 2021 إصدار نيكست ليفل من EA Sport

استمتع باللعبة الأشهر في عالم ألعاب الفيديو الرياضية، لعبة FIFA 2021 المتخصصة في كرة القدم واللي بتضم مجموعة ضخمة مرخصة من الدوريات والأندية وبتتمتع بنظام لعب مختلف عن أي لعبة تانية منافسة.

اتعرف على عروض أسعار لعبة FIFA 2021 إصدار نيكست ليفل من هنا.

لعبة Devil May Cry 5 الإصدار الخاص من Capcom

الإصدار الخاص من اللعبة الشهيرة Devil May Cry 5 واللي بتعتبر بدورها الجزء السادس من السلسلة والخامس من القصة الرئيسية للعبة اللي بتدور في أجواء من الأكشن والغموض والأجواء الخيالية، واحدة من أشهر ألعاب شركة Capcom.

اتعرف على عروض أسعار لعبة Devil May Cry 5 الإصدار الخاص من هنا.

لعبة Hitman 3 من Square Enix

الإصدار التالت من اللعبة الشهيرة Hitman واللي بتدور أحداث أجزائها حول العميل المتخصص في الاغتيالات واللي بيتعرض لمواقف كتير مختلفة بتتنوع بين تنفيذ المهام وبين التحديات المختلفة الصعبة، اللعبة بتجمع بين الأكشن والإثارة وفيها مهام كتير بتحبس أنفاسك لحد ما تخلصها.

اتعرف على عروض أسعار لعبة Hitman 3 من Square Enix من هنا.

لعبة Mortal Kombat 11 Ultimate من WB Games

الإصدار الأحدث من اللعبة الأشهر في عالم القتال واللي بيمتد عمرها لأجيال سابقة كتير من منصات الألعاب، لعبة Mortal Kombat الشهيرة اللي بتجمع مجموعة كبيرة جدًا من الشخصيات القتالية اللي كتير من عشاق الألعاب يعرفوها من سنين كتير وعاشوا معاها من أيام الأجهزة القديمة، دلوقتي تقدر تلعبها على PlayStation 5.

اتعرف على عروض أسعار Mortal Kombat 11 Ultimate من هنا.

لعبة Rainbow Six Siege Deluxe Edition من Ubisoft

انضم لمجموعة من أفضل المقاتلين في العالم عشان تحارب أعداء الأرض اللي بيحاولوا يحتلوها من خلال كائنات عندها قدرات خاصة للسيطرة على البشر، وكن جزء من واحد من أشهر الفرق القتالية في عالم ألعاب الفيديو اللي بتقدمهم شركة Ubisoft في واحدة من أقوى الألعاب القتالية على مستوى الرسوميات والقصة.

اتعرف على عروض أسعار لعبة Rainbow Six Siege Deluxe Edition من هنا.

لعبة Call of Duty Black Ops Cold War النسخة العربية من Activision

كتير من عشاق الألعاب مجربوش الإصدارات العربية من الألعاب الشهيرة، وعشان كده بننصحهم يجربوا اللعبة دي بنسختها العربية اللي بتدخلك في أجواء مختلفة من لعب واحدة من أشهر الألعاب التشاركية حاليًا واللي بتقدر تقضي عليها ساعات كتير من غير زهق، اللعبة استثنائية في كل إمكانياتها.

اتعرف على عروض أسعار لعبة Call of Duty النسخة العربية من هنا.

لعبة Spider-Man إصدار Miles Morales الجديد

الإصدار الأحدث من لعبة سبايدرمان واللي بنقابل فيها شخصية جديدة بتظهر من خلالها إمكانيات جديدة رائعة من اللعبة اللي في إصداراتها السابقة كانت مبهرة جدًا على مستوى الرسوميات والقصة وأسلوب اللعبة وسلاسته، وفي الإصدار الجديد الإمكانيات دي بتدزيد بالشكل اللي هيبان جدًا مع PlayStation 5 واللي هيطلع من اللعبة إمكانيات مش هتقدر تطلعها أي منصة تانية.

اتعرف على عروض أسعار لعبة Spider-Man إصدار Miles Morales من هنا.

لعبة Watch Dogs Legion من Ubisoft

الإصدار الأحدث من لعبة Watch Dogs اللي في أجزائها اللي فاتت عشنا أجواء مثيرة جدًا من الأكشن والإثارة اللي بتدور أحداثها حولين الاختراقات التقنية والمعلوماتية والصراعات المتميزة جدًا اللي بتتقدم بأفضل رسوميات ممكنة وبقصة شديدة الإحكام بتخليك تعيش جوا أجواء القصة بكل تفاصيلها وتفاصيل مشاعر أبطالها.

اتعرف على عروض أسعار لعبة Watch Dogs Legion من هنا.

لعبة Assassin’s Creed Valhalla من Ubisoft

بنستكمل رحلة Assassin’s Creed الرحلة الأشهر في عالم ألعاب الفيديو واللي عشنا فيها عصور كتير بتفاصيل تاريخية مختلفة وقصة استثنائية، المرة دي اللعبة بتاخدنا لعالم الفايكنج بعد ما لفينا بيها أماكن وعصور كتير زي الفرعوني والعصور الوسطى وعصور التنوير وغيرها، المرة دي بنعيش في عالم وأجواء مختلفة تمامًا هتخلينا ماننساش اللعبة دي لفترة طويلة حتى بعد ما نخلصها.

اتعرف على عروض أسعار لعبة Assassin’s Creed Valhalla من هنا.

لعبة Marvel’s Avengers من Square Enix

بتحب سلسلة أفلام The Avengers من شركة مارفل وبتحب كل شخصياتها زي Iron Man وCaptain America وThor وغيرهم، يبقى لازم تجرب اللعبة دي واللي من خلالها قدرت Square Enix إنها تجمعلك كل شخصيات Avengers في لعبة واحدة مليانه بالإثارة والمتعة والمعارك الاستثنائية المغلفة برسوميات من أفضل ما يكون.

اتعرف على عروض أسعار لعبة Marvels’ Avengers من هنا.

اتعرف على كل ما يخص ألعاب الفيديو على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.