كتب: خالد عاصم

وأخيرًا كشفت Apple عن موبايلات iPhone الجديدة لسنة 2019 واللي حملت اسم iPhone 11 وتكونت من تلات موبايلات مختلفة بتستخدم فيها Apple ولأول مرة اسم Pro في موبايلاتها بعد ما كانت بتعتمد على كلمة Plus، وأعلنت الشركة الأمريكية العملاقة عن موبايلاتها الجديدة من خلال مؤتمر كبير أقيم على مسرح ستيف جوبز في مقر الشركة، وشهد المؤتمر الإعلان عن خدمات ومنتجات تانية جديدة منها تابلت جديد وساعة ذكية جديدة.

في المقال ده هنتكلم عن المنتجات الأساسية اللي أعلنت عنها Apple خلال المؤتمر الأخير واللي بتتضمن موبايلات iPhone 11 الجديدة وتابلت جديد منخفض السعر، موبايلات iPhone 11 الجديدة وكل المنتجات اللي هنتكلم عنها في المقال بمجرد توافرها في السوق المصري هتقدروا تطلبوها من خلالنا في ياقوطة وهتوصلكم لحد باب البيت أو مكان ما تحبوا بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايلات iPhone 11 الجديدة

موبايل iPhone 11

أول موبايل من موبايلات iPhone 11 الجديدة هو اللي بيحمل الاسم نفسه من غير إضافات واللي يعتبر الأرخص من بين التلات موبايلات وتقريبًا أرخص موبايل تعلن عنه Apple على الإطلاق، وهو كمان اللي بيعتمد على مجموعة من المواصفات اللي بعضها منخفض عن الموبايلات التانية من المجموعة لتخفيض تمنه.

بيعتمد موبايل iPhone 11 على التصميم المعتاد اللي استخدمته Apple من أول موبايل iPhone X وهو التصميم اللي بيعتمد على الشق العريض اللي بيتضمن في الموبايل الجديد كاميرا أمامية مكونة من عدسة بقوة ١٢ ميجا بيكسل بفتحة f/2.2 ومن عدسة تانية فئة ToF والكاميرا الأمامية بتتميز بتصويرها للفيديو بجودة بتوصيل لحد 4K بمعدلات ٢٤/٣٠/٦٠ إطار في الثانية.

تحت الشق بنلاقي شاشة Liquid Retina IPS LCD بقطرها ٦٫١ بوصة ودقتها ١٧٩٢ × ٨٢٨ بيكسل والشاشة مدعمة بعدد من التقنيات الممتازة زي دولبي فيجن وHDR10 وكمان نطاق الألوان العريض، ده غير إنها بتتميز بسطوع بيبلغ ٦٢٥ nits وبمعدل تحديث بيبلغ ١٢٠ هيرتز والشاشة محمية بزجاج بتقوم Apple إنه الأقوى على الإطلاق، وهو نفس الزجاج اللي بيحمي ضهر الهاتف اللي بيتضمن الكاميرا الخلفية.

الكاميرا الخلفية في موبايل iPhone 11 مزدوجة العدسات على عكس موبايل iPhone XR اللي بيعتبر الإصدار السابق المباشر للموبايل الجديد واللي كان بيعتمد على كاميرا خلفية أحادية العدسة، الكاميرا في الموبايل الجديد بتتكون من عدسة رئيسية عريضة بقوة ١٢ ميجا بيكسل وفتحة f/1.8 ومن عسة تانية بالغة العرض بقوة ١٢ ميجا بيكسل وفتحة f/2.4 وبتتمتع الكاميرا بتقنيات كتير ممتازة وكمان أوضاع تصوير متطورة.

بيعتمد موبايل iPhone 11 على معالج Apple الجديد A13 Bionic واللي بتأكد الشركة أنه أسرع وأقوى وأقل استهلاك للطاقة من معالج A12 المستخدم في موبايلات السنة اللي فاتت، وهيصدر الموبايل بتلات إصدارات، كلهم بذاكرة عشوائية سعة ٤ جيجابايت رام وبذاكرة داخلية بتبلغ ٦٤ و١٢٨ و٢٥٦ جيجابايت وطبعا مش بتقبل كروت الميموري، أما بطارية الموبايل فسعتها ٣١١٠ ميللي أمبير في الساعة وبتدعم تقنية الشحن السريع بقوة ١٨ وات وبتدعم كمان تقنية الشحن اللاسلكي والشحن السلكي المعاكس.

هتقدروا تعرفوا سعر موبايل iPhone 11 من هنا.

شوف أسعار موبايل iPhone XR من هنا.

موبايلات iPhone 11 Pro وiPhone 11 Pro Max

الموبايلين التانيين iPhone 11 Pro وiPhone 11 Pro Max بيتفقوا في حاجات كتير جدًا مع بعض ومع موبايل iPhone 11، زي إنهم كمان بيعتمدوا على معالج A13 Bionic وبيعتمدوا على نفس الكاميرا الأمامية ونفس العدستين المستخدمين في الكاميرا الخلفية بس بيزيد عليهم عدسة تالته قوتها ١٢ ميجا بيكسل برضه بس بفتحة f/2.0 وهي عدسة مقربة بتقرب لحد 2X تقريب بصري.

الموبايلين بيعتمدوا على الشاشة الجديدة Super Retina XDR OLED اللي بتقجم سطوع ٨٠٠ nits وبتتميز بنفس التقنيات الموجودة في شاشة iPhone 11، بس بيختلفوا الموبايلين عن بعض من حيث القطر اللي بيبلغ ٦٫٥ بوصة في موبايل iPhone 11 Pro Max وبيبلغ ٥٫٨ بوصة في 11 Pro، وكمان الدقة اللي بتبلغ ٢٦٨٨ × ١٢٤٢ في الموبايل الأولاني و٢٤٣٦ × ١١٢٥ في الموبايل التاني.

الموبايلين كمان بيصدروا بنفس الإصدارات التلاة بذاكرة عشوائية سعتها ٤ جيجابايت رام وبسعة داخلية سعتها ٦٤ و٢٥٦ و٥١٢ جيجابايت وبرضه مش بتبقبل كروت الميموري زي iPhone 11 وزيه برضه مفيش منفذ ٣٫٥ مم وفيه سماعات ستيريو ودعم لتقنيات دولبي أتموس ودولبي ديجيتال بلس.

الموبايلين زي iPhone 11 بيدعموا نفس قوة الشحن السريع والشحن اللاسلكي لكنهم بيختلفوا على مستوى السعة اللي بتبلغ ٣٥٠٠ ميللي أمبير في الساعة لموبايل iPhone 11 Pro Max وبتبلغ ٣١٩٠ ميللي أمبير في الساعة في موبايل iPhone 11 Pro، اما الاختلاف الأخير بين الموبايلين وبين موبايل iPhone 11 الأول هو إنهم بيقدروا يتحملوا الغمر في المياه لحد ٤ متر لمدة ٣٠ دقيقة مش لحد مترين بس.

هتقدروا تعرفوا سعر موبايل iPhone 11 Pro وسعر موبايل iPhone 11 Pro Plus بمجرد نزلوهم في مصر من خلال موقع ياقوطة، أما الإصدارات بتاعة السنة اللي فاتت iPhone XS وiPhone XS Max فهتقدروا تعرفوها من عروض الأسعار دي

شوف عروض أسعار موبايل iPhone XS من هنا.

شوف عروض أسعار موبايل  iPhone XS Max من هنا.

شوف عروض أسعار مختلف موبايلات iPhone المتوفرة في ياقوطة من هنا.

تابلت iPad 10.2

بالإضافة لموبايلات iPhone 11 الجديدة كشفت Apple كمان عن تابلت iPad 10.2 الجديد اللي بينتمي للفئة منخفضة السعر واللي بيعتمد على شاشة Retina بقطر ١٠٫٢ بوصة وبيعتمد على معالج A10 Fusion وبيدعم التابلت استخدام قلم Apple Pencil وكمان فيه Smart Connectors اللي بتسمح بتركيب كيبورد Apple اللي بتستخدم كمان كغلاف حماية للتابلت.

التابلت وزنه بيبلغ حوالي ٥٠٠ جرام بس ومصنوع من الألومنويم المعاد تدويره، وبيشتغل التابلت الجديد من Apple بنظام تشغيل iPadOS اللي بيضمن مجموعة كبيرة من التطبيقات المتميزة جدًا واللي هتخلي استخدامه بيجمع بين الاستفادة العملية وبين الترفيه والمتعة لمختلف المستخدمين اللي بسعوا لامتلاك ايبد بسعر منخفض.

التابلت هيصدر بإصدارين على مستوى الذاكرة الداخلية اللي بتبلغ ٣٢ جيجابايت أو ١٢٨ جيجابايت، وكمان بيصر بإصدار واي فاي بس وإصدار واي فاي وشريحة اتصال، وسعر إصدار واي فاي هيبدأ من ٣٢٩ دولار أمريكي وسعر الإصدار التاني هيبدأ من ٤٥٩ دولار أمريكي، وبمجرد ما يصدر في مصر هتقدروا تعرفوا سعر تابلت iPad 10.2 الجديد من Apple من خلال موقع ياقوطة.

اتعرف على عروض أسعار مختلف أجهزة iPad المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.