كتبت: أمنية عزمي

علامة LG من الماركات التجارية القوية جدا خاصة في مجال الشاشات، ومن الشركات المواكبة للتطور التكنولوجي من شاشات بلازما وشاشات ذكية وشاشات ثلاثية الأبعاد، هنتكلم عن شاشة بمعيار دقة الوضوح العالي 4K UHD بيوفر المتعة الحقيقية للمشاهدة بزوايا عريضة بمعالج رباعي النواة بدقة 4K، وتتميز بالذكاء الاصطناعي، ألوانها رائعة وحقيقية وبتشوف فيها كل التفاصيل سواء في الضوء العالي أو في المشاهد المظلمة، الشاشة سمارت، فيها ريسيفر داخلي، منفذين USB و3 منافذ HDMI.

هنكمل كلامنا بالتفصيل مع ياقوطة  ونتعرف على أهم مواصفات ومميزات وكمان عيوب تليفزيون  LG ٤٩–  سمارت- ألترا إتش دي-  مع ريسيفر مدمج ، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• رقم الموديل: 49UM7310PVA
• حجم الشاشة: 49 بوصة.
• أبعاد المنتج (العرض × الإرتفاع): 112× 71.
• نوع التلفزيون: تليفزيون ذكي.
• نوع ال HD: Ultra HD 4K
• دقة الشاشة: 2160×3840.
• منافذ HDMI: 3
• منافذ يو إس بي: 2
• نظام دولبي: نعم.
• تصميم الشاشة: مسطح.
• ريسيفر مدمج: نعم.

المميزات

• الذكاء الإصطناعي المطور LA ThinQ AI، بيعتمد على الأوامر الصوتية وبيساعدك في البحث عن أي محتوى ويقدمهولك ويقدملك كمان إقتراحات زي إنك تبحث عن نوعية أفلام أو وصفات أكل أو أي شيئ، وبتقدر عن طريقه تحول وضع الصورة بين الإيقاف والتشغيل.
• شاشة بدقة 3840× 2160 4K، دقته تفوق دقة التليفزيونات المميزة بالدقة العالية الكاملة ب 4 أضعاف النقاء يعني صورة حادة بكل التفاصيل.
• شاشة IPS 4K بتوصلك واقعية المشهد وبتوفر زوايا رؤية واسعة بتقدرمعاها تستمتع برؤية واضحة من أي زاوية جلوس.
• المعالج الرئيسي للصور رباعي النواة بيحسن دقة الصورة ويقلل الضوضاء ويوصل بمستوى جودة الصور لدقة 4K، وبيوفر عرض ألوان عالي يتميز بالوضوح، وبيرفع كفاءة الصور منخفضة الدقة ويحاول يوصل بها لدقة 4K.
• دقة ألوان حقيقية بتقنية محسن ألوان متقدم، وظيفته إنه يعدل الألوان ونسب التباين بينها ومهما كانت الصورة باهتة أو غامقة بيحول الألوان زاهية بوضوح عالي.
• الفيديو بجودة صورة HDR “نظام ديناميكي عالي” اللي بيعبر عن معيار جودة الصورة بتفاصيلها الدقيقة وألونها الحية بنطاق تباين أوسع.
• تقنية HDR بدقة 4K بتحس معاها إن المشهد نابض بالحياة، بتوفر أدق التفاصيل والألوان النايضة بالحياة.
• صوت دولبي ديجيتال مع الوضع المحيطي بمكبر صوت 2 قناة بقوة 20 واط بيخليك تحس قوة الصوت ونقاؤه من خلال قنوات متعددة بتدي تأثير صوتي مغلف رائع وقوي، بتحس معاه احساس الصوت المحيط تمام زي السينما.
• الشاشة ليد إضائتها خلفية بسطوع عالي ودا بيمنحك تباين رائع للون الأسود حتى في أحلك اللقطات وألوان صافية وطبيعية.
• شاشة سمارت بخصائص WebOS بواي فاي مدمج وميزة البحث والأوامر عن طريق الصوت فقط اللي هتستمتع معاها بالتطبيقات ومواقع التواصل الاجتماعي والألعاب بأنواعها.
• مزود ب 3 منافذ HDMI بيدعم إشارات صوتية متعددة القنوات وإشارات فيديو بوضوح عالي بتنسخ صوت وصورة بشكل دقيق وصورة بجودة عالية بدون أي تشويش أو ضوضاء.
• 2 مشغل وسائط متعددة يو إس بي 2 بتوصله بأي فلاشة وتستمتع بمشاهدة ملفاتك الخاصة من صور وفيديوهات.
• مزود بمدخل LAN بتوصل به كابل الراوتر وتقدر تستخدمه وايرلس.
• مزود بريسيفر داخلي عالي الجودة بتقدر تتابع من خلاله القنوات الفضائية وترتبها حسب اختيارك.
• الشاشة سمارت، بتقدر تتابع من خلالها كل التطبيقات عالإنترنت بشكل أوضح وأسهل على شاشته وتقدر كمان تنزل تطبيقاتك المفضلة من جوجل ستور وتستمتع بها.
• سهل التنقل من التطبيقات للقنوات والألعاب عالية كأنك بتقلب قنوات.
• شاشة نحيفة بمظهر عصري متطور داخل إطار معدني أنيق بلمسة عصرية تجعلها إضافة عالية لأي مكان توضع فيه.
• ريموت كنترول ذكي بيدعم الأوامر الصوتية باللغة العربية.
• موفر للطاقة وبيحافظ على البيئة.

العيوب

• الشاشة بدون مفاتيح تحكم زي المفروض انها موجودة في كل تليفزيون والتحكم فيها بيكون عن طريق الريموت كنترول فقط.
• القاعدة المصمم بها مش بتحافظ على ثباته وقت الصدمات خاصة ان حجم الشاشة كبير.
• فترة الضمان سنة واحدة قليلة والطبيعي انها مش بتقل عن 3 سنوات.
• الريموت بيستهلك البطارية بشكل سريع جدا.
• مستوى خدمة ما بعد البيع سيء جدا وقطع الغيار غير متوفرة

خدمة العملاء

• الرقم الساخن لصيانة إل جي 19089.
• مراكز صيانة متخصصة ومتواجدة في جميع أنحاء الجمهورية والصيانة تتم على أيدي مهندسين وفنيين مهرة.
• قطع الغيار متوفرة بالضمان.
• في شكاوى عامة من الصيانة واسلوب التعامل مع العملاء وعدم حل المشاكل والتأخير في المواعيد وإن الأجهزة بتروح الصيانة وترجع بنفس العطل.

تجربة المستخدم

• في آراء كتير بتشكر فيه وبتقول ان مواصفات الشاشة بالنسبة للسعر مميزة جدا، وان السوفت وير سريع والصورة جودتها عالية، لكن الريموت كنترول بيستهلك البطاريات بشكل مش طبيعي.
• في ناس قالت إن الشاشة مصنعة أو متقفلة في مصر وتقفيلها ضعيف جدا من الخلفية وبالتالي ملهاش حل يحميها غير إنها تتثيت عالحائط، بالإضافة إن دقة ال 4K الحقيقية هي 4096× 2160 أما ال UHD بيكون 3840×2160 يعني دقة الشاشة الحقيقية UHD مش 4K.
• فيه آراء تانية شايفة إن السوفت وير بتاع إل جي مش مريح في التعامل خصوصًا في ترتيب القنوات. الموضع بيكون مرهق ومتعب.
• الناس اللي اتعاملت مع الصيانة بيشتكوا من سوء المعاملة وعدم توفر قطع الغيار وان الشاشة بتروح وترجع بنفس العيب.

شوف تليفزيون  LG ٤٩– سمارت- ألترا إتش دي- مع ريسيفر مدمج من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من سنتين، مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.