كتبت: أمنية عزمي

زمان كانت الساعات مجرد آلة تعرفنا الوقت، ومع تقدم التكنولوجيا بقى فيه الساعات الذكية اللي ليها مميزات تانية كتير زي تتبع النشاط البدني واللياقة من خلال حساب الخطوات وقياس المسافات اللي بتمشيها أو تجريها وقياس معدلات النبض وقياس السعرات الحرارية وغيرها، بالإضافة لاستقبال مكالمات واستخدامها في التصوير وتوصيلها بالهاتف الذكي والتحكم فيه من خلالها، وزي ما بيحصل دايما إن الماركات المعروفة بتنزل بأسعار عالية بالنسبة لفئة كبيرة وبتلاقي في المقابل شركات التقنية بتنتج ساعات وأساور ذكية بمواصفات وإمكانيات رائعة بأسعار منخفضة ومناسبة لأي حد يحب إقتنائها.

هنتكلم في المراجعة دي مع ياقوطة عن ساعة ذكية من Infinix– XW01 وهنتعرف على أهم مواصفاتها ومميزاتها وعيوبها ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• اللون: أخضر/ أسود.
• موديل: XW01
• بلد المنشأ: الصين.
• الكود التعريفي للمنتج: IN234EL107LPRNAFAMZ
• فترة الضمان: 3 شهور.

المميزات

• خفيفة ومريحة في التعامل، مصممة بسوار سليكون بيدي راحة في استخدامه بعدد فتحات بمقاسات متعددة تناسب أي مقاس، وإطار الساعة مصمم جزئيا من السيراميك المقاوم للخدش والجزء الخلفي منها مصنوع من البلاستيك بشكل يتكيف بصريا مع السيراميك، شكلها انسيابي بالكامل بدون حواف حادة.
• حاصلة على تصنيف IP67 للحماية ضد التراب والماء، مناسبة للاستعمال في الحياة اليومية وتقدر تلبسها وانت بتغسل ايديك أو تحت المطر.
• مدعمة بشريحة داخلية بديناميكية سريعة وتكنولوجيا متطورة بتسهل التنقل بين الوظائف والعرض السريع للواجهة لتجربة سلسة ممتعة للمستخدم.
• خاصية مزامنة الرياضة ودي خاصية جديدة مضافة للساعة بتدعم كل الرياضات زي المشي والجري والسلة وركوب الدراجات وغيرها من الرياضات.
• مشاهدة بياناتك الرياضية كلها في نفس الوقت على الشاشة، يعني تتابع نبض القلب والسرعة والمسافة ومعدل حرق السعرات الحرارية وأي وظيفة تحب تضيفها للشاشة وبالتالي تعدل ممارستك للرياضة بالشكل الصحيح.
• بتقدر تغير خلفية الساعة بالصورة أو الخلفية اللي تحبها، وبتقدر تختار شكل الساعة اللي بتظهر سواء رقمية أنا أنالوج وبتتحكم في لونها زي ما تحب.
• بتوفر 24 ساعة من العناية بالصحة، ضهر الساعة مزود بمستشعر لقياس النبض قياس دقيق وتسجيله على مدى 24 ساعة علشان تقدر تتحقق من نبضك أي وقت.
• سوار الساعة بألوان متعددة مشرقة بخامات رائعة ومصمم بحيث يسهل فكه وتركيبه وتغييره بسرعة بما يتناسب مع مظهرك الخارجي والبيئة المحيطة سواء العمل أو الرياضة أو أي مناسبة.
• وقت استعداد أطول، بطارية كبيرة بسعة 170 ميجاهرتز مصممة بعناية فائقة تتناسب مع معدل استهلاك الطاقة بالنسبة لشاشة كبيرة، شحنها لمدة ساعتين بيخليك تقدر تستخدمها لمدة 7 أيام متواصلة وبتستمر على وضع الاستعداد لمدة 20 يوم، ورأس الشاحن عبارة عن شريحة خلف السوار بيتم تعليق رؤوس الشاحن فيها.
• مزودة بساعة إيقاف مضافة حديثا، Stop watch لقياس السرعات الدقيقة في الرياضات وتسجيل الثواني القيمة في الذاكرة.
• خاصية التحكم في الموسيقى والاستمتاع أثناء الرياضة أو بشكل عام، بتقدر تشغلها وتوقفها أو تغيير الأغنية بلمسة واحدة.
• متوافقة مع نظام أندرويد ونظام IOS وبتوصلها بالموبايل عن طريق البلوتوث اللي بيمنحك اتصال سريع وبيوصلك كل الإشعارات لأي تطبيق عندك والرسايل النصية وكمان المكالمات علشان مفيش حاجة تفوتك.
• شاشة ليد بيظهر عليها الساعة والتاريخ كساعة وفيها زرار تاتش بتتحرك من خلاله بالمعروض عالشاشة، والرؤية فيها واضحة جدا وسطوعها عالي خاصة في الشمس وبتكون أقل سطوعا في الإضاءة المنخفضة خاصة من زوايا معينة.
• مزودة بخاصية الإهتزاز اللي بينبهك لوجود مكالمة أو إشعارات وبتقدر تستخدمه كمنبه يصحيك من النوم بدون إزعاج.

العيوب

• غير مدعمة باللغة العربية وبالتالي الرسالة بتظهر بحروف متقطعة وبتظهر ترتيبها من الشمال لليمين.
• حجم البطارية مش كبير كفاية خاصة إن فيه سعات أعلى في نفس الفئة السعرية، بالإضافة انها مش بتدعم الشحن السريع.
• غير مفيدة لأصحاب الرياضات المائية.
• بتشوف اشعارات الرسائل لكن ما تقدرش ترد عليها، وفي حالة وجود اشعارين من نفس التطبيق الكلام في الرسالة بيكون غير ظاهر.
• لا تحتوي على راديو FM.
• مفيهاش تعديل تلقائي لسطوع الشاشة وبالتالي لو مش متعدلة وبتشوفها وانت صاحي من النوم بتكون ضوئها قوي.

تجربة المستخدم

• شكلها أنيق وميزة فيها ان شاشتها كبيرة وسهل تشوف عليها أي بيانات بسهولة، خفيفة جدا ومريحة جدا في الاستخدام، حسابها للعدد الخطوات دقيق سواء في المشي أو الجري وكذلك حساب المسافة والسعرات المحروقة.
• سطوع الشاشة ضعيف وغير مرئية من زوايا كتير. ومش بقدر أعتمد عليها في قياس النبض لأني مش متأكد اذا دقيق ولا لأ.

شوف ساعة ذكية من Infinix- XW01 من هنا.

 *قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال 

أمنية عزمي، بكتب من سنة ونص، مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.