كتبت: أمنية عزمي

Samsung Galaxy M31 يعتبر أول موبايل في سلسلة Galaxy M في سنة 2020 والفروقات بينه وبين Galaxy M30s بسيطة، ومن الموبايلات اللي حققت نجاح كبير ومبيعات عالية في وقت قليل وحازت على إعجاب فئة كبيرة جدا لأنه بيجمع بين المواصفات القوية اللي كل الناس بتدور عليها والسعر الإقتصادي، مبدأيا بيجمع بين جودة الكاميرات والأداء العالي والبطارية الجبارة اللي بتنسى معاها معاد الشحن وبالتالي تقدر تقول إنه دخل في ميدان المنافسة مع الموبايلات الرائدة.

تعالوا نتعرف مع ياقوطة على أهم مواصفات ومميزات وكمان عيوب موبايل سامسونج جالاكسي M31  وناخد فكرة عن  تجارب الناس اللي استخدمته، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• نوع العرض: Super AMOLED
• الدقة: 2340×1080.
• السعة (جيجابايت): 64 و 128.
• رام (جيجابايت): 6 و 8.
• الاتصال: 4G|USB-C.
• نظام التشغيل أندرويد 10
• الكاميرا الخلفية: (رباعية) 64+8+5+5 ميجابكسل.
• الكاميرا الأمامية: 32 ميجا بكسل.
• حجم الشاشة بالبوصة: 6.4.
• نوع المعالج: Exynos 9611 ثماني النواة.

التصميم والشاشة

• الموبايل ضهره مصنوع من البلاستيك المقوى بولي كاربونيت ودي ميزة بتخلي وزنه خفيف وبتحافظ عليه من الكسر وتساعد إن الموبايل ينزل الفئة الاقتصادية بسعر منافس والوجه من الزجاج مع إطار من البلاستيك، وزن الموبايل 191 جرام وبيعتبر وزن معقول جدا في حمله يإيد واحدة، أبعاده 159.2 مم طول× 75.1 ملم عرض× 8.9 مم سمك، فيه إنحناءات من الجوانب بتخليه مريح في اليد وسهل الاستخدام.
• مميز بشاشة سوبر أموليد بدقة FHD+ بدقة 2340× 1080، 16 مليون لون بكثافة بكسلز 411، بتتميز بسطوعها العالي تحت أشعة الشمس، بالنسبة لحجم الشاشة 6.4 بوصة بحواف ضئيلة جدا بأبعاد 19:5:9، أعلى الشاشة في نوتش صغير على شكل U ومزودة بطبقة حماية كورنينج غوريلا.
• الشاشة فيها إمكانية إنك تخفي أزرار التحكم وتستخدم الإيماءات، بالإضافة لإمكانية تعديل مساحة الشاشة علشان تقدر تتحكم فيها أكتر بيد واحدة عن طريق One hand mode.

الأداء

• المعالج Exynos 9611 ثماني النواة بقوة تردد 4×2.3 جيجاهرتز Cortex A73 و 4×1.7 جيجاهرتز Cortex A53 بمعمارية 10 نانو مع معالج رسوميات Mali-G72 Mp3، وبيدعم خاصية Games Launcher بتقوي أداء الألعاب بشكل عالي.
• الموبايل متوفر بذاكرة داخلية 64 و 128 جيجابايت مع 4 و 6 جيجا رام ذاكرة عشوائية.
• إمكانية إضافة كارت ذاكرة خارجي علشان تزود به مساحة الموبايل الداخلية لحد 512 جيجابايت.
• المعالج أداؤه رائع ومتميز جدا في فئته المتوسطة وهتحس بسرعته في استخداماتك اليومية وفي الألعاب وتقدر تشغل عليه كل الألعاب بأعلى جودة سواء ببجي أو فورت نايت أو كول أوف ديوتي بدون ما تهنج أو تسقط فريمات، لكن ما يعتبرش الأحسن في الألعاب وبيتفوق عليه المعالج G90T في موبايل Realme 6.

الكاميرات

• جزئية الكاميرات الخلفية في سامسونج بتعتبر من المميزات الإيجابية اللي بيتميز بها، مصمم بأربع كاميرات، الأساسية بدة 64 ميجا بكسل وبتدعم خاصية الضبط التلقائي المزدوج PDAF صوره نقية جدا وواضحة بتفاصيلها.
• الكاميرا التانية 8 ميجابكسل اللي بتدعم Ultra wide، والعدسة التالتة بدقة 5 ميجا بكسل مخصصة لتصوير الماكرو، الكاميرا الرابعة بدقة 5 ميجا بكسل مخصصة للعزل والبورتريه، وفلاش أحادي ليد.
• الفيديو بيوفر كل أنواع جودة التصوير بداية من 4k و FHD وhd بواقع 30 لقطة في الثانية وبيوفر خاصية التثبيت البصري لمنع اهتزاز الصور، وبيدعم خاصية التصوير الليلي وصوره مضيئة حتى في أقل إضاءة، وبيدعم كمان التصوير البطيئ Slow motion وبانوراما وHDR.
• الكاميرا الأمامية دقتها 32 ميجابكسل زاوية واسعة والصور الشخصية فيها بتطلع رائعة خاصة في ضوء النهار أو الأضواء الخارجية، بتدعم وضع ال HDR وبتصور فيديو بجودة 1080 بكسل مع 30 لقطة في الثانية وبتدعم العزل.

البطارية

• تعتبر من أقوى مميزات الموبايل، حجمها كبير جدا وبتيجي بسعة 6000 ملي أمبير وبتدعم الشحن السريع، وبتستمر معاك يوم ونص في حالة الاستهلاك العالي جدا وبتستمر أكتر لو استهلاكك متوسط، مناسبة جدا كمان للشاشة السوبر اموليد لأنها بتستهلك طاقة.

نظام التشغيل

• يعمل بأحدث نظام أندرويد النسخة العاشرة مع واجهة سامسونج الجديدة One UI 2.0

المستشعرات

• مزود بمستشعر البصمة في ضهر الموبايل، ومزود بسماعات خارجية بتوفر صوت مرتفع، وفيه منفذ سماعات 3.5 مم بالإضافة لميكروفون عازل للضجيج.
• بيدعم شبكة الجيل التاني والثالث والرابع.
• بيدعم كل الحساسات الأساسية زي مستشعر البصمة في ضهر الموبايل، وبيدعم خاصية التقارب والبوصلة والتسارع والجيروسكوب الخاص بنظارات الواقع الافتراضي VR، وبيدعم كمان تحديد الموقع الجغرافي GPS بالإضافة لأنظمة الملاحة A-GPS, GLONASS, GALILEO, BDS

الاتصال

• الهاتف بيدعم الواي فاي بترددات a/b/g/n/ac وبيدعم كمان Wi-Fi Direct و Dual-band و Hotspot بالإضافة انه بيدعم البلوتوث بإصدار 10.

العيوب

• ظهر الموبايل بلاستيك سهل خدشه ومحتاج جراب حماية.
• البطارية غير قابلة للإزالة ولا يدعم الشحن اللاسلكي.
• غير مزود بلمبة إشعارات.
• المعالج ما يعتبرش الأقوي في تشغيل الألعاب.
• بيحتاج فترة طويلة للشحن بسبب كبر حجم البطارية وبسبب ان قوة الشحن ضعيفة 15وات وكان مفروض ما تقلش عن 30 وات.
• غير مقاوم للماء.
• طبقة الحماية كورنينج جوريلا من الإصدار الثالث وكان مفروض تكون أحدث.

تجربة المستخدم

• اكتر حاجة بتميزه البطارية والشاشة السوبر أموليد والكاميرات، لكن البطارية بتاخد وقت طويل في الشحن، المعالج كويس بس كان ممكن يكون أفضل، الشبكة ضعيفة ودي من العيوب السيئة.

شوف موبايل Samsung Galaxy M31 من هنا

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال      

أمنية عزمي، بكتب من سنتين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.