كتبت: أمنية عزمي

من ضمن سلسلة ريدمي اللي أصدرتها شاومي نوت 8 ونوت 8 برو وانضموا لسلسة النوت في الفئة المتوسطة لشاومي، لكن نوت 8 برو يعتبر أول هاتف في السلسلة ينزل بكاميرا بدقة 64 ميجابكسل، بالإضافة إن شاومي إهتمت بأداؤه بشكل كبير ويعتبر أول موبايل يستخدم معالج Helio G90T ودا خلاه أول موبايل في الفئة دي يستخدم التبريد السائل عن طريق أنبوب نحاس داخل الهاتف بيعمل على تبريد مكوناته الداخلية بشكل مستمر.

تعالوا نتعرف مع ياقوطة  بشكل مفصل على موبايل Xiaomi Redmi Note 8 Pro وهنتكلم على أهم مواصفاته ومميزاته وكمان عيوبه ورأي المستخدم فيه، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• الشاشة: 6.53 بوصة.
• دقة الكاميرا الخلفية: 64 ميجابكسل.
• الكاميرا السيلفي: 20 ميجابكسل.
• حجم ذاكرة الرام: 6 جيجابايت
• الميموري الداخلي: 64 و 128 جيجابايت.
• البطارية: 4500 مللي أمبير.

التصميم.. تصميم أنيق جدا عبارة عن زجاج من الأمام والخلف وتصميمه بيشبه لحد كبير Xiaomi MI9T Pro بنفس الأناقة.

الشاشة.. شاشة ريدمي نوت 8 برو مصممة على هيئة نوتش صغير Water drop بحجم 6.53 بوصة بجودة FHD ودقتها 1080×2340 بكسل ومعدل كثافة البكسلات فيها 395 بكسل لكل بوصة بأبعاد 9:5:19،  ألوانها مشبعة وتباين IPS LCD واضح وبتعرض 16 مليون لون، مزودة بحماية من زجاج كورنينج غوريلا 5 المقاومة للتلف والخدوش، بتدعم اللمس المتعدد،  أداء الشاشة يعتبر جيد جدا والألوان جيدة والسطوع عالي.

أداء الموبايل.. يأتي بمعالج من شركة ميدياتك من نوع MediaTek Helio G90T ثماني الأنوية  (نواتين بتردد 2.05 جيجاهيرتز من نوع Cortex A76 و6 أنوية بتردد 2.0 جيجاهيرتز من نوع Cortex A55 المصنع بمعمارية 12 نانوميتر وبتعتبر تقنية موفرة للطاقة وبالرغم إنها مش أفضل التقنيات توفيرا للطاقة لكنها تعتبر جيدة جدا بالنسبة لهواتف الفئة المتوسطة وعوضت شاومي الموضوع دا بإنها وفرت نظام تبريد رائع للمعالج بيقلل درجة حرارته لأقل درجة ممكنة، بالنسبة للمعالج الرسومي فهو من نوع Mali-G76MC4 وبيعتبر مناسب جدا للألعاب زي Pubg وبجودة FHD.

يأتي الهاتف بمساحة تخزين داخلية 64 و 128 جيجابايت قابلة للزيادة عن طريق بطاقة تخزين خارجية حتى 256 جيجابايت مع ذاكرة وصول عشوائي 6 جيجابايت رام ودا بيعلي أداء الموبايل بشكل أفضل كتير في جميع النواحي وبيخليه منافس قوي واختيار أمثل للاستمتاع بالألعاب.

الكاميرا.. الكاميرا الخلفية تأتي بشكل رباعي، مستشعر Exmor-RS CMOS، الأربع كاميرات بشكل عمودي بارزين نوعا ما عن الموبايل، الكاميرا الأساسية بدقة 64 ميجابكسل زاوية واسعة بفتحة عدسةf/1.8  وبتستخدم مستشعر Samsung GW1 مع الذكاء الاصطناعي وبتحصل منه على صور دقيقة في تفاصيلها وطبيعية في ألوانها، والكاميرا التانية للتصوير الواسع بدقة 8 ميجابكسل بفتحة عدسة F/2.2 مع زاوية فائقة الإتساع، الكاميرا الثالثة للعزل تأتي بدقة 2 ميجا بكسل بفتحة عدسة f/2.4، الكاميرا الرابعة Macro للتصوير عن قرب بدقة 2 ميجا بكسل بفتحة عدسة f/2.4 مع دعم الأوتوفوكس و HDR والبانوراما مع العديد من أوضاع وخصائص التصوير، مزودة بفلاش أحادي بإضاءة ليد.

بيدعم تصوير الفيديوهات ال 4K بدقة 2160 بكسل بمعدل 30 إطار في الثانية بالإضافة لدعمه تصوير الفيديوهات ال FHD بدقة 1080 بكسل بمعدل التقاط 30 و60 و120 إطار في الثانية.

الكاميرا الأمامية تأتي بدقة 20 ميجابكسل بفتحة عدسة f/2.0 مع خاصية التعرف على الوجه بدقة وهتقدر تاخد بها صور سلفي متوازنة فيها كل التفاصيل اللي بتتمناها في الصورة.

نظام التشغيل.. موبايل شاومي ريدمي نوت 8 برو يأتي بأحدث نظام تشغيل Android 9.0 Pie مع واجهة شاومي ال MIUI 10 والإشعارات بتظهر فيه بجانب النوتش.

البطارية.. بيتميز ببطارية عملاقة 4500 ملي أمبير ليثيوم بوليمر بتدعم الشحن السريع بقوة 18 وات، بتقدر تعتمد عليها يوم كامل بدون ما تحتاج لإعادة شحن، وبتستمر معاك أكتر من يومين في وضع الاستعداد.

المستشعرات.. بيدعم معظم المستشعرات الأمان زي البصمة اللي مكانها في ظهر الموبايل وخاصية التعرف على الوجه Face Unlock، وبيدعم مستشعر التسارع والقرب والبوصلة والضوء والجيروسكوب.

بيدعم الواي فاي 802.11 بكل الترددات المتاحة له في الوقت الحالي a/b/g/n/ac وبيدعم كمان خاصيتي Dual-band, Wi-Fi Direct, Hotspot.

بلوتوث الإصدار الخامس أحدث إصدار مع دعمه لخاصيتي A2DP, LE

بيدعم GPS (التحديد الجغرافي للمواقع) وبيدعم كمان أنظمة الملاحة A-GPS, GLONASS, BDS.

منفذ سماعات 3.5 في أعلى الهاتف.

منفذ يو إس بي من أحدث إصدار Type-C اللي بيتميز بسرعته المضاعفة لنقل البيانات، مع دعمه لخاصية OTG لتشغيل أي USB Driver على موبايلك.

شريحتين إتصال.. الموبايل بيدعم شريحتين إتصال من نوع نانو سيم.

منفذ IR Blaster المنفذ اللي بيتحكم في الأجهزة الكهربائية.

الموبايل بيدعم جميع شبكات الإتصال بداية من الجيل التاني والتالت وصولا للجيل الرابع 4G.

بيدعم راديو FM

وزن الموبايل 200 جرام وأبعاده 161.3× 76.4× 8.8 ملم.

المميزات

• بيتميز بتصميم ممتاز، الشاشة كبيرة والحواف تكاد تكون معدومة.
• منفذ ال USB من نوع C، وبيشحن البطارية ل 90% في وقت قصير بفضل الشاحن السريع 18 واط.
• البطارية قوية جدا 4500 ملي أمبير وبتستمر فترة طويلة مهما كان الاستخدام على الهاتف مكثف.
• يدعم ال IR Blaster الخاص بالتحكم في الأجهزة الكهربائية.
• أول هاتف ينزل بمعالج ميديا تك G90T وبيعتبر أداؤه أعلى وأفضل كتير من سناب دراجون 710 في الألعاب خاصة مع وجود تقنية التبريد المائي.
• أداء الهاتف جيد جدا في الاستخدام اليومي وخاصة في الألعاب.
• كاميرا خلفية رباعية تعتبر الأفضل في نفس الفئة السعرية وتجربة التصوير معها ممتازة مع إضافة عدسة تانية للتصوير الواسع.
• دقة الشاشة كاملة وشكلها ممتاز وعليها طبقة حماية.
• يدعم وجود لمبة إشعارات.
• خامات تصنيعه من الزجاج عالية مع مقاومة طرطشة الماء.

العيوب

• عدم وجود منفذ منفصل خاص بكارت لزيادة حجم الذاكرة وده بيلغي إمكانية استخدام شريحتين الإتصال وكارت ميموري في نفس الوقت.
• التصميم الزجاجي للموبايل بيخليه معرض للخدوش والكسر.
• الصوت بيعتبر منخفض نسبيا ومش الأفضل بين المنافسين.
• بروز الكاميرا الخلفية بيعرضها للخدش والاحتكاك باستمرار لكن بيخف لو غطيت الموبايل بالجراب المرفق معاه.
• الموبايل بييجي بدون سماعات وبتحتاج تشتري سماعات خارجية.

تجربة المستخدم

• موبايل حلو جدا وسريع جدا وبتنسى معاه موضوع ان الموبايل بيشحن، رائع في الألعاب ومش بيسخن، أداء رائع وشاشة دقتها عالية وممتعة في الألعاب ومواصفاته حلوة جدا بالنسبة لسعره وفئته.

شوف موبايل Xiaomi Redmi Note 8 Pro  من هنا.

**قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من سنة ونص. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.