كتبت: أمنية عزمي

2018 كانت السنة اللي تميزت فيها الموبايلات بالنوتش، و2019 بيميزها الكاميرا ال 48 ميجابكسل وكل الشركات المنتجة بتسعى للاستفادة والمنافسة في الجزئية دي، وشاومي طبعا كانت من الأسماء اللي أصدرت أجهزة مختلفة فيها عدد بكسلات كبير من بينهم موبايل ريدمي نوت 7 بطل الميزانية، لكن المنافسة مش بتنتهي عند الكاميرا وبس، دي بتستمر لمواصفات أقوى زي بطارية 4000 ملي أمبير ومجموعة سناب دراجون 660 ثماني النواة وخلفية زجاجية وشاشة بسطوع عالي ومحاولات كتير من شاومي للتنافس بشدة في ظل سعر في متناول الجميع.

تعالوا مع ياقوطة نستعرض بالتفصيل أهم مواصفات ومميزات وعيوب موبايل Xiaomi Redmi Note 7 اللي بينافس بها فئته بقوة علشان تقدر تكون فكرة كاملة عنه، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• حجم الشاشة: 6.3 بوصة.
• عدد مداخل SIM: شريحتين
• سعة التخزين: 32  و 64 و 128 جيجابايت
• الكاميرا الأمامية: 13 ميجابكسل
• حجم ذاكرة الرام: 3 و 4 و 6 جيجابايت
• قدرة البطارية: 4000 ملي أمبير
• دقة الكاميرا الخلفية: 48 ميجابكسل+ 5 ميجابكسل

المميزات

• الشاشة والتصميم.. الضهر مصمم من البلاستك المصنوع بخامات عالية وبيشبه الزجاج في شكله اللامع المنزلق، والشاشة الأمامية تغطي المساحة كاملة تقريبا بحجم 6.3 بوصة بدقة 1080× 2340 بتكون رائعة في مشاهدة الفيديوهات لكن بالرغم من ان سطوع الشاشة عالي إلا انها مش بتكون واضحة تحت ضوء الشمس القوي وممكن تتغلب على المشكلة نوعا ما بإنك تخلي إضاءة الشاشة زرقاء لأنها بتكون أوضح، الشاشة فيها نوتش صغير بداخله الكاميرا الأمامية بدقة 13 ميجابكسل مع سماعة المكالمات ومستشعر القرب، والجوانب مصنوعة من البلاستيك اللامع وطبعا بتكون أقل في متانتها من المعدن، وبالرغم من إنه سميك نوعا ما ويعتبر وزنه من أثقل الهواتف في الفئة الاقتصادية لكن حجمه مريح في قبضة اليد الواحدة خاصة مع الحواف المستديرة، لمبة الإشعارات مكانها أسفل الشاشة باللون الأبيض فقط،على جانب الشاشة الأيمن فيه زر التشغيل وأزرار التحكم في مستوى الصوت، والجانب الأيسر فيه منفذ ثلاثي لشريحتين إتصال وكارت ذاكرة خارجي، أعلى الهاتف ميكروفون إضافي لإزالة الضوضاء ومنفذ 3.5 ملي للسماعات ومستشعر IR، أسفل الهاتف ميكروفون المكالمات والسماعة الخارجية على اليمين ومنفذ كابل الشحن Micro USB 2.0، الكاميرا الخلفية مكانها في أعلى ضهر الهاتف على اليسار 48+ 5 ميجا بكسل بشكل عمودي وأسفلهم فلاش ليد أحادي، الكاميرا بارزة عن الهاتف بشكل خفيف بيختفي مع جراب الحماية، مستشعر البصمة موجود في منتصف ضهر الهاتف وفي الأسفل شعار سلسلة الهاتف REDMI.
• الشاشة IPS LCD بتعرض 16 مليون لون بدقة FHD بحماية من زجاج كورنينج غوريلا 5 المقاومة للتلف والخدوش، بتدعم اللمس المتعدد مع نوتش صغير وللأسف لا يمكن إلغائه من الإعدادات حتى الآن وفي انتظار تحديث، أداء الشاشة يعتبر جيد جدا والألوان جيدة والسطوع عالي.
• أداء الموبايل.. المعالج الرئيسي Qualcomm Snapdragon 660 ثماني النواة بتكنولوجيا 14 نانو وبيعمل بكامل تردده 2.2 جيجاهرتز، والمعالج مدمج بمعالج رسومي من نوع Adreno 512 اللي بيعتبر مناسب جدا للألعاب والألعاب التقيلة زي ال Pubg على إعدادات رسومات بجودة عالية، مع ذاكرة وصول عشوائي سعتها 3 و 4 و 6 جيجابايت ومساحة تخزين داخلية بسعة 32 و 64 و 128جيجابايت وفيه إمكانية زيادة المساحة حتى 256 جيجابايت عن طريق كارت ميموري وكل ده بيخلي الموبايل يقدم أداء أفضل في جميع النواحي وبيخليه منافس قوي واختيار أمثل للاستمتاع بالألعاب.
• الكاميرا.. الكاميرا الخلفية تأتي مزدوجة بشكل عمودي بارز نوعا ما عن الهاتف، الكاميرا الأولى بدقة 48 ميجابكسل بفتحة عدسةf/1.8 وبتتميز بوجود أحدث مستشعر Samsung GM1 بقياس1/2 بوصة ويأتي بتكنولوجيا ISOCELL Plus المذهلة والمستشعر بيستخدم تقنية in-1 Super Pixel-4 اللي بيقوم بدمج 4 بكسلات في بكسل واحد ودا بينتج عنه صور رائعة بأدق تفاصيلها، والكاميرا التانية بدقة 5 ميجابكسل بفتحة عدسة F/2.4 مع فلاش ثنائي بإضاءة ليد وبتدعم الذكاء الاصطناعي و ال HDR وبتدعم وضع التصوير الليلي بشكل مميز يوفرلك صور بتفاصيلها الواضحة بشكل ممتاز حتى في ظروف الإضاءة المنخفضة.
• الكاميرا الأمامية تأتي بدقة 13 ميجابكسل بفتحة عدسة f/2.2 مع خاصية التعرف على الوجه بدقة وهتقدر تاخد بها صور سلفي متوازنة فيها كل التفاصيل اللي بتتمناها في الصورة.
• الموبايل بيدعم تصوير الفيديو بجودة FHD بدقة 1080 بكسل بمعدل 30 و60 إطار في الثانية، وبيدعم التصوير بجودة HD بدقة 720 بكسل بمعدل 30 إطار في الثانية وبيدعم التصوير البطيئ Slow motion بجودة HD بدقة 720 بكسل بمعدل إلتقاط 120 إطار في الثانية، بالإضافة إن الكاميرات بتدعم المثبت الإلكتروني ال EIS.
• نظام التشغيل.. موبايل شاومي ريدمي نوت 7 يأتي بأحدث نظام تشغيل Android 9.0 Pie مع أحدث واجهة نزلت من إصدارات شاومي حتى الآن ال MIUI 10 والإشعارات بتظهر فيه بجانب النوتش.
• البطارية.. من أقوى مميزات موبايل شاومي ريدمي نوت 7 هو قوة البطارية اللي مميزة بقدرة 4000 ملي أمبير وبتدعم الشحن السريع بتقنية Quick Charge 4 اللي بتقصر فترة الشحن بفضل نظامها الذكي لتخفيض الطاقة وبتدوم معاك وقت أطول.
• المستشعرات.. بيدعم معظم المستشعرات زي البصمة اللي مكانها في ظهر الموبايل، وبيدعم مستشعر التسارع والقرب والبوصلة والضوء والجيروسكوب.
• بيدعم الواي فاي بكل الترددات المتاحة له في الوقت الحالي a/b/g/n/ac وبيدعم كمان خاصيتي Dual-band, Wi-Fi Direct, Hotspot.
• بلوتوث بالإصدار الخامس أحدث إصدار مع دعمه لخاصيتي A2DP, LE
• بيدعم GPS (التحديد الجغرافي للمواقع) وبيدعم كمان أنظمة الملاحة A-GPS, GLONASS, BDS.
• منفذ سماعات5 في أعلى الهاتف.
• منفذ يو إس بي من أحدث إصدار Type-C اللي بيتميز بسرعته المضاعفة لنقل البيانات.
• لمبة الإشعارات تأتي في الحافة السفلية ورغم إنها ضعيفة لكن أحسن من عدم وجودها.
• شريحتين إتصال.. الموبايل بيدعم شريحتين إتصال من نوع نانو سيم.
• منفذ IR Blaster المنفذ اللي بيتحكم في الأجهزة الكهربائية.
• الموبايل بيدعم جميع شبكات الإتصال بداية من الجيل التاني والتالت وصولا للجيل الرابع 4G.
• بيدعم راديو FM
• وزن الموبايل 186 جرام وأبعاده 159.21× 75.21× 8.1.

المميزات

• دقة الشاشة عالية وشكلها ممتاز وعليها طبقة حماية.
• وجود منفذ منفصل خاص بكارت لزيادة حجم الذاكرة وده بيديك إمكانية استخدام شريحتين الإتصال وكارت ميموري في نفس الوقت.
• يأتي بأحدث نظام تشغيل مع أحدث واجهة MIUI 10.
• سرعة استجابة مستشعر البصمة وال Face unlock عالية.
• يدعم ال IR Blaster ودي ميزة مش هتلاقيها في أي هاتف من نفس الفئة المنافسة.
• يدعم وجود لمبة إشعارات أسفل الهاتف.
• الكاميرا الأمامية تم تطويرها وأصبحت أفضل من Redmi 6
• البطارية قوية جدا 4000 ملي أمبير وبتستمر فترة طويلة مهما كان الاستخدام على الهاتف مكثف.

العيوب

• لا تزال الكاميرا الأمامية في هاتف Y7 Prime 2019 متفوقة عليه لكن Redmi 7 بيتفوق في السعر الأقل والأداء الأفضل.
• وزن الهاتف ثقيل وبيقدر وزنه ب 186 جرام.
• الخامة المصنع منها الهاتف لامعة وبيظهر فيها البصمات بشكل كبير وبالتالي بيبان شكله متسخ طول الوقت.
• لا يدعم جيروسكوب.
• الإشعارات لا تظهر بجانب النوتش ومتوقع أن يتم تحديث المشكلة دي.
• الكاميرا الخلفية البروز فيها مبالغ فيه حتى بعد ما تركب الجراب الخاص به اللي بييجي معاه.
• الموبايل بييجي معاه شاحن بطيء وبالتالي لو محتاج تستفاد من سرعة الشحن السريع هتشتري شاحن سريع بشكل منفصل.
• الموبايل بييجي بدون سماعات وبتحتاج تشتري سماعات خارجية.

تجربة المستخدم

• مواصفاته رائعة بالنسبة لسعره وفيه مميزات قوية جدا زي حجم البطارية اللي بيستمر وقت طويل حتى مع الألعاب التقيلة أو الاستخدام العالي وبيعتبر من أفضل الهواتف في فئته، اشتريته بكل ثقة لأن كان عندي ريدمي تاني واستمر معايا لمدة 3 سنوات بأفضل أداء علشان كده ما اتردتش اني اجيب ريدمي 7.

شوف موبايل Xiaomi Redmi Note 7  من هنا.

**قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال

أمنية عزمي، بكتب من سنة ونص. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.