مواصفات وسعر ومزايا وعيوب موبايل Oppo A9 2020
كتب: خالد عاصم
بعد مرور أكتر من سنة على توفره في السوق المصري هل لا يزال موبايل Oppo A9 2020 من بين الخيارات المناسبة للشراء، ده اللي هنعرفه في المقال ده، من خلال معرفتنا بمواصفات الموبايل كاملة ومراجعتنا ليها في ضوء ظهور موبايلات تانية كتير في نفس الفئة خلال السنة اللي فاتت، وهنتعرف على مميزات وعيوب الموبايل في ظل المنافسة الحالية في نفس الفئة السعرية، ولو الموبايل عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
موبايل Oppo A9 2020
المواصفات
- أبعاد الموبايل: ٩.١ × ٧٥.٦ × ١٦٣.٦ مم.
- وزن الموبايل: ١٩٥ جرام.
- شرائح الموبايل: بشريحتين.
- شاشة الموبايل: موبايل Oppo A9 2020 بييجي بشاشة IPS LCD بقطر ٦٫٥ بوصة وتصميم شق قطرة المياه ومعدل الشاشة ٢٠:٩. دقة شاشة الموبايل ١٦٠٠ × ٧٢٠ بيكسل بكثافة ٢٧٠ بيكسل لكل بوصة والشاشة بتشغل حوالي ٨١.٥ % من مساحة الموبايل الأمامية
- أداء الموبايل: الموبايل بيعتمد على بروسيسور كوالكوم سنابدراجون 665 وده بروسيسور بمعمارية ١١ نانوميتر وثماني النواة بسرعة ٢.٠ جيجا هيرتز لأربع شرائح Kryo 260 Gold وبسرعة ١٫٨ جيجا هيرتز لأربع شرايح Kryo 260 Silver والبروسيسور ده مدمج بيه بروسيسور جرافيكس Adreno 610 وبييجي الموبايل بإصدارين واحد بذاكرة عشوائية ٤ جيجابايت رام وبذاكرة داخلية ١٢٨ جيجابايت والتاني بذاكرة عشوائية سعتها ٨ جيجابايت رام بذاكرة داخلية سعتها ١٢٨ جيجابايت وبيقبل كروت الميموري لحد ٢٥٦ جيجابايت من خلال منفذ مستقل.
- نظام التشغيل: نظام تشغيل أندرويد ٩.٠ باي بواجهة مستخدم ColorOS 6.1
- الكاميرا: موبايل Oppo A9 2020 بييجي بكاميرا خلفية رباعية العدسات بقوة ٤٨ ميجا بيكسل بفتحة مستشعر f/1.8 للعدسة الأولى العريضة وبقوة ٨ ميجا بيكسل بفتحة مستشعر f/2.3 للعدسة التانية بالغة العرض وبقوة ٢ ميجا بيكسل بفتحة f/2.4 للعدسة التالتة الخاصة باستشعار عمق الصورة وبقوة ٢ ميجا بيكسل بفتحة f/2.4 للكاميرا الرابعة الخاصة بتصوير صور الماكرو وبتمتاز الكاميرا بتقنية التركيز التلقائي PDAF وتقنية HDR وبتقدر تصور صور بتأثير بوكيه وبتصور فيديو بجودة 2160p بجودة ٣٠ إطار في الثانية وبجودة 1080p بمعدل ٣٠ إطار في الثانية وتصوير الفيديو مدعومة بمثبت صورة إلكتروني ومدعومة بإضاءة فلاش ليد زوجية، الكاميرا الأمامية بقى قوتها ١٦ ميجا بيكسل وهي عدسة عريضة بفتحة f/2.0 وبتصور فيديو بجودة 1080p بمعدل ٣٠ إطار في الثانية.
- تقنيات صوتية: سماعتين بصوت ستيريو – دقة صوت ٢٤ بت/١٩٢ كيلو هيرتز – دعم تقنية دولبي أتموس
- مستشعرات الموبايل: الموبايل فيه ماسح بصمة خلفي وكمان فيه مستشعرات التقارب والتسارع والبوصلة والدوران.
- المنافذ: منفذ ٣٫٥ مم ومنفذ microUSB 2.0.
- البطارية: بيعتمد موبايل Oppo A9 2020 على بطارية سعتها ٥٠٠٠ مللي أمبير في الساعة.
مزايا وعيوب موبايل Oppo A9 2020
مزايا موبايل Oppo A9 2020
- الشاشة قطرها ٦.٥ بوصة وده بيدي مساحة رؤية ممتازة وكمان الشاشة بتعتمد على معدل ٢٠:٩ وده بيخلي استخدام الموبايل سهل رغم شاشته الكبيرة
- البروسيسور مقبول وإن كان مش الأفضل بكل تأكيد في الفئة السعرية دي بعد ما نزلت موبايلات تانية بتقدر تقدم أداء أفضل ولكن ده مش معناه إن الأداء وحش أو ضعيف
- الموبايل بيتميز بذاكرة عشوائية سعتها ٨ جيجابايت رام وده بيخليه من الموبايلات القليلة جدًا اللي بتتميز بالسعة دي للرامات في الفئة السعرية دي
- السعة التخزينية للموبايل كبيرة سعتها ١٢٨ جيجابايت
- الموبايل بيقبل كروت الميموري لحد ٢٥٦ جيجابايت ومن خلال منفذ مستقل مش بيأثر على استخدام شريحتين الاتصال
- الكاميرا الخلفية للموبايل رباعية العدسات وبتتميز بعدسة رئيسية قوية بدقة ٤٨ ميجا بيكسل وكمان بتوفر الكاميرا تعددية كويسة جدًا من حيث الوظائف.
- الكاميرا الخلفية مدعومة بإضاءة فلاش ليد زوجية.
- الكاميرا الخلفية بتقدر تصوير لفيديو بجودة 2160p بمعدل ٣٠ إطار في الثانية وكمان مدعمة بمثبت صورة دوراني.
- الكاميرا الامامية أداءها مقبول جدًا وكمان عدستها عريضة يعني بتقدر تلقط صور سيلفي بكادر كبير.
- الموبايل ممتاز على مستوى التقنيات الصوتية أولًا بسبب إنه بيتضمن سماعات ستريو وكمان بيدعم دقة صوتية ٢٤ بت/١٩٢ كيلو هيرتز ده غير إنه بيدعم تقنية دولبي اتموس وكل ده من خلال منفذ ٣٫٥ مم.
- إصدار بلوتوث ٥.٠.
- ماسح بصمة خلفي سريع ودقيق.
- مستشعر الدوران الداعم لتطبيقات وألعاب الواقع الافتراضي والواقع المعزز.
- الموبايل فيه راديو إف إم مدمج.
- بيدعم الموبايل خاصية USB On-The-Go اللي بتسمح بتوصيل الملحقات من خلال منفذ USB
- بطارية الموبايل ضخمة سعتها ٥٠٠٠ ميللي أمبير في الساعة.
عيوب موبايل Oppo A9 2020
- المواد المستخدمة في صناعة الموبايل مش أفضل حاجة ممكن تكون متوفرة في الفئة دي.
- الموبايل مش بيتمتع بأي حماية ضد الغبار والمياه.
- موبايل Oppo A9 2020 مش مدعوم بأي طبقة حماية من زجاج كورنينج جوريلا جلاس لا في الضهر ولا الشاشة.
- شاشة الموبايل من نوع IPS LCD مش Super AMOLED.
- اكتفت الشاشة بدقة عرض ١٦٠٠ × ٧٢٠ بيكسل وده أبرز عيب فيها لأن الفئة دي أغلب موبايلات بجودة 1080p.
- الشاشة بتستحوذ على نسبة ٨٢٫٥ في الميه من مساحة الموبايل الأمامية ودش مش أفضل نسبة في الفئة دي.
- الكاميرا الخلفية مفيهاش عدسة مقربة.
- الموبايل بيعتمد على منفذ microUSB وده عيب كبير في موبايل المفترض إنه متوسط الفئة واللي بتعتمد موبايلاتها بشكل أساسي على منفذ USB Type-C.
- بطارية الموبايل مش مدعومة بتقنية الشحن السريع من أي نوع وده كمان عيب أساسي خصوصًا إن سعة الموبايل كبيرة وبتحتاج لتقنية شحن سريع بشكل كبير.
اتعرف على عروض أسعار موبايل Oppo A9 2020 من هنا.
اتعرف على عروض أسعار مختلف موبايلات Oppo المتوفرة على ياقوطة من هنا.
اتعرف على عروض أسعار كل الموبايلات المتوفرة على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.