كتبت: أمنية عزمي

الكبة بتنفعنا في المطبخ في تحضير أكلات كتير زي فرم الخضروات واللحوم والرز كمان لتحضير كفتة الرز وممكن تقطع بها الخضار للسلطة والفاكهة لسلطة الفواكه بحجم قطع تتحكم فيها بمدة التدوير للكبة، بنفرم فيها البصل ودي أهم حاجة لأن استخدامه يومي في كل الأكل، ممكن كمان تجرش فيها تلج، يعني نقدر نعمل فيها كب حاجة بالحجم اللي يناسبنا من أول التقطيع لقطع لحد الفرم الناعم، والأنواع الموجودة في السوق كتير بأسماء متعددة وأسعار متفاوتة لكن أهم حاجة بنختار على أساسها هي قوة الموتور وبعدها بييجي السعة وعدد الشفرات والإمكانيات اللي بتفاضل بينها حسب احتياجك.

هنعرض في المراجعة دي مع ياقوطة على كبة Media Tech MT-CR20– ٧٠٠ وات وهنتكلم عن أهم مواصفاتها ومميزاتها وعيوبها ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• الكود التعريفي للمنتج: ME660HL0QNZNJNAFAMZ
• بلد المنشأ: مصر.

المميزات

• متعددة الاستخدامات بيستخدم لتقطيع الخضروات والفاكهة وفرم البصل وعمل عصائر وجرش التلج يعني ممكن تعمل به عصائر سموزي بالإضافة لفرم اللحوم والدواجن.
• قدرة الموتور ٧٠٠  وات، أقوى من مثيلاتها في السوق لأن معظمهم ٤٠٠ وات وقدرتها عالية جدا خاصة في فرم اللحوم.
• خامة الدورق زجاج قوي يتحمل الصدمات والفرم وجرش التلج وليه غطاء محكم فيه فتحة بغطاء منفصل بتستخدمها لتفريغ العصائر.
• مميزة بعدد ٦ شفرات من الاستانلس ستيل القوي بمستويات مختلفة بيفرم ويقطع في وقت قصير ومثالي لتقطيع الخضروات وجرش الثلج وفرم اللحمة تقدر تستخدم واحد أو الاتنين مع بعض لفرم أسرع.
• خاصية حماية، الشفرات مزودة بغطاء بلاستيك بيعطي كل شفرة على حدة علشان يحميك من الجروح ويحافظ عالشفرات.
• سعة الدورق ١٫٥ لتر، بياخد كمية لحوم وخضروات كبيرة.
• بتقدر تستخدمها كمان في فرم المكسرات.
• مزودة بسرعتين سهل التحكم فيهم في الغطاء، سرعة متوسطة وسرعة عالية حسب احتياجك للاستخدام.
• مصممة بيد ذكية بتمكنك من التحكم الكامل في الدورق أثناء التقطيع أو الفرم.
• سهلة التنضيف والتركيب والتحكم فيها.
• مزودة بأرجل مطاطية مضادة للانزلاق بتحافظ على ثباتها وقت الاستخدام.
• عليها ضمان شامل لمدة سنتين.
• سعرها حلو جدا وبتوفر عليك أجهزة تانية كتير سعرها عالي.
• وزنها خفيف وحجمها مناسب تقدر تخزنها في أي مكان وتقدر تاخدها معاك في السفريات.

العيوب

• غير مرفق معها ملحقات زي مضرب البيض.
• الدورق الزجاج محتاج عناية في الاستخدام لأنه لو وقع قابل للكسر.
• لو بتحضر أي كميات كبيرة بتحتاج تعملها على كذا مرة لكن دا طبيعي لان كلهم حجم واحد تقريبا.

خدمة العملاء

• مفيش ليهم مراكز خدمة عملاء وصيانة وفي حالة وجود أي عطل بتتواصل مع أي مركز صيانة للأدوات الكهربائية.

تجربة المستخدم

• قوية ورائعة في فرم اللحوم وبعتمد عليها في تقطيع أي حاجة وسريعة جدا وخامتها حلوة.

شوف كبة Media Tech MT-CR20– ٧٠٠ وات من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من سنة ونص. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.