كتب: خالد عاصم

رغم سمعتها القوية ونجاحها الكبير في السوق المصري، إلا إن كتير من المستخدمين والمتابعين بيتهموا شركة Oppo بإن سياساتها السعرية مش كويسة وإن أسعار موبايلاتها عالية جدًا مقارنة بإمكانياتها ومقارنة بالمنافسين، وده بيخلينا كل فترة ناخد واحد من موبايلات Oppo في فئة سعرية معينة ونشوف مواصفاته ومميزاته وعيوبه عشان نقدر من خلالها نعرف إن كان الاتهام ده موضوعي ولا لا، والنهاردة هنطبق ده على موبايل Oppo A74 متوسط الفئة.

وما تنسوش إن لو الموبايل عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Oppo A74

المواصفات

• أبعاد الموبايل: ٨ مم × ٧٣٫٨ مم × ١٦٠٫٣ مم بوزن ١٧٥ جرام
• مواصفات الشاشة: شاشة AMOLED بتصميم الثقب أعلى اليسر قطرها ٦٫٤٣ بوصة بمعدل ٢٠:٩ تستحوذ على نسبة حوالي ٨٤٫٤ في الميه من مساحة الموبايل الأمامية، أما دقة عرض الشاشة ٢٤٠٠ × ١٠٨٠ بيكسل بكثافة ٤٠٩ بيكسل لكل بوصة
• أداء الموبايل والمواصفات الداخلية: الموبايل بيعتمد على بروسيسور كوالكوم سنابدراجون ٦٦٢ بمعمارية ١١ نانوميتر المكون من أربع شرايح Kryo 260 Gold بتردد ٢٫٠ جيجا هيرتز ومن أربع شرايح Kryo 260 Silver بتردد ١٫٨ جيجا هيرتز ومدمج فيه معالج رسوميات Adreno 610 والموبايل بيصدر عالميًا بإصدارات بذاكرة عشوائية سعتها ٤ أو ٦ أو ٨ جيجابايت رام بكرة داخلية سعتها ١٢٨ جيجابايت لكل الإصدارات دي والموبايل بيقبل كروت الميموري
• نظام التشغيل: اندرويد ١١ بواجهة مستخدم ColorOR 11.1
• الكاميرا الخلفية: كاميرا خلفية ثلاثية العدسات مكونة من عدسة رئيسية دقتها ٤٨ ميجا بيكسل بفتحة f/1.7 بمستشعر بقطر ١/٢.٠ بوصة بحجم بيكسل ٠٫٨ ميكروميتر مدعومة بتقنية التركيز التلقائي PDAF، بالإضافة لعدستين بدقة ٢ ميجا بيكسل بفتحة f/2.4 واحدة لصور البورتريه والتانية لصور الماكرو والكاميرا بتدعم تصوير الفيديو بجودة 1080p بمعدل ٣٠ إطار في الثانية
• الكاميرا الأمامية: بدقة ١٦ ميجا بيكسل بفتحة f/2.4 بمستشعر بقطر ١/٣.٠٦ بوصة بحجم بيكسل ١٫٠ ميكروميتر بتدعم تصوير الفيديو بجودة 1080p بمعدل ٣٠ إطار في الثانية
• تقنيات لاسلكية: واي-فاي – بلوتوث ٥.٠
• المستشعرات: ماسح بصمة مدمج أسفل الشاشة – التسارع – التقارب – الدوران – البوصلة
• البطارية: سعتها ٥٠٠٠ ميللي أمبير في الساعة مدعومة بتقنية الشحن السريع بقوة ٣٣ وات

مزايا وعيوب موبايل Oppo A74

مزايا موبايل Oppo A74

• الموبايل مش ضخم وقطره مناسب وده بيخلي أبعاده مقبولة جدًا مش سميك أوي ومش تقيل
• شاشة AMOLED ممتازة بتتمتع بنسب سطوع أكتر من متوسطة وبتتميز بدعمها لجودة عالية Full HD
• الشاشة بتعتمد على تصميم جذاب وهو التصميم اللي بتعتمد عليه Oppo في أغلب موبايلاتها باختلاف فئاتها وكمان بتستحوذ على نسبة مقبولة من المساحة الأمامية
• الإصدار المتاح في مصر من الموبايل قوي بيتميز برامات ٦ جيجابايت رام وذاكرة داخلية كبيرة سعتها ١٢٨ جيجابايت
• الموبايل بيقبل كروت الميموري
• بيعتمد على نظام تشغيل اندرويد ١١ وهيوصله تحديث اندرويد ١٢ في حالة توفره
• العدسة الرئيسية في الكاميرا الخلفية بفتحة واسعة نسبيُا يعني تقدر تصور صور كويسة في الإضاءة المنخفضة وأداء الكاميرا في المجمل مقبول
• كاميرا أمامية كويسة جدًا ومستوى التصوير بيها معقول جدًا
• الموبايل بيدعم صيغة الصوت اللاسلكي عالي الجودة aptX
• ماسح بصمة مدمج أسفل الشاشة
• بطارية قوية جدًا سعتها ٥٠٠٠ ميللي أمبير في الساعة مدعومة بتقنية الشحن السريع بقوة ٣٣ وات اللي بتقدر تشحن البطارية من صفر لحد نصها في نص ساعة بس

عيوب موبايل Oppo A74

• الموبايل بيعتمد على البلاستيك في صناعة الهيكل والضهر وشاشته حتى مش محمية بأي طبقة من طبقات كورنينج جوريلا جلاس
• الموبايل مش محمي ضد الغبار أو المياه من أي نوع
• شاشة الموبايل مش بتدعم أي معدل تحديث مرتفع وموبايلات كتير في الفئة السعرية بقت بتدعم على الأقل معدل تحديث 90 هيرتز
• الموبايل بيعتمد على بروسيسور كويس ولكنه مش ملائم للفئة السعرية دي وهيلاقي منافسة قوية جدًا من موبايلات كتير
• الكاميرا الخلفية كمان رغم إن أدائها جيد إلا إنها برضه هتلاقي منافسة قوية جدًا في الفئة دي لأنها بدقة منخفضة نسبيًا بالمقاييس الحالية ومفيهاش عدسة بالغة العرض ومش بتصور الفيديو بجودة 4K
• مفيش سماعات ستريو أو دقة صوت عالية
• مفيش تقنية NFC

اتعرف على عروض أسعار موبايل OPPO A74 من هنا.

اتعرف على عروض أسعار مختلف موبايلات Oppo على ياقوطة من هنا.

اتعرف على عروض أسعار مختلف الموبايلات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.