كتب: خالد عاصم

المنافسة في فئة الموبايلات متوسطة الفئة هي الأشرس والأقوى، وبقت السيطرة عليها هدف رئيسي لمختلف شركات تطوير الموبايلات، ففي الوقت اللي بتقدم فيه كل شركه موبايل أو اتنين بالكتبير في الفئة الرائدة، ممكن تقدم أربع أو خمس موبايلات في الفئة المتوسطة عشان تقدر تستحوذ على أكبر قدر ممكن من شرايح المستخدمين وتقدر تفرض سيطرتها على الفئة المتوسطة على قد ما تقدر.

من بين الشركات اللي ليها موبايلات كتير متميزة في الفئة المتوسطة، شركة Oppo اللي بتعتبر واحدة من أهم وأنجح الشركات حاليًا، ومن أهم المنافسين في مختلف فئات الموبايلات وخصوصًا المتوسطة، ومن بين موبايلات Oppo متوسطة الفئة، اخترنا موبايل Oppo A7 عشان نتكلم عنه النهارده ونتعرف على مواصفاته مميزاته وعيوبه وكمان متوسط سعره في السوق المصري، ولو عجبك الموبايل هتقدر تطلبه من خلالنا في ياقوطة وهيوصلك لحد باب البيت أو مكان ما تحب بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Oppo A7

المواصفات

• تاريخ الإعلان عن الموبايل: نوفمبر ٢٠١٨.
• تاريخ طرح الموبايل في الأسواق: نوفمبر ٢٠١٨
• أبعاد الموبايل: ٨.١ × ٧٥.٤ × ١٥٥.٩ مم
• وزن الموبايل: ١٦٨ جرام.
• شرائح الموبايل: ثنائي الشريحة.
• شاشة الموبايل: بيعتمد موبايل Oppo A7 على شاشة كاملة بشق قطرة المياه قطرها ٦.٢ بوصة بمعدل ١٩:٩ وبتشغل تقريبًا ٨١.٦ % من مساحة الموبايل الأمامية، دقة الشاشة ١٥٢٠ × ٧٢٠ بيكسل وكثافتها ٢٧١ بيكسل لكل بوصة، الشاشة معمولة من شرائح IPS LCD والشاشة محمية بزجاج كورنينج جوريلا جلاس الإصدار التالت
• أداء الموبايل: موبايل Oppo A7 بيعتمد على بروسيسور كوالكوم سنابدراجون ٤٥٠ وده بروسيسور مكون من تمن أنوية بسرعة 1.8 جيجا هيرتز لشرايح Cortex-A53 أما بروسيسور الجرافيكس فنوعه Adreno 506. الموبايل بيصدر بإصدارات مختلفة بتتراوح الذاكرة العشوائية فيها بين ٣ جيجابايت رام و٤ جيجابايت رام وبتتراوح الذاكرة الداخلية فيها بين ٣٢ جيجابايت و٦٤ جيجابايت وكل الإصدارات بتقبل كروت الميموري لحد ٢٥٦ جيجابايت.
• نظام التشغيل: أندرويد ٨٫١ أوريو.
• واجهة المستخدم: ColorOS 5.2
• الكاميرا: موبايل Oppo A7 بييجي بكاميرا خلفية مزدوجة بقوة ١٣ ميجا بيكسل وفتحة المستشعر f/2.2 للعدسة الأولى والعدسة دي مدعومة بتقنية التركيز التلقائي أما العدسة التانية فبقوة ٢ ميجا بيكسل بفتحة مستشعر f/2.4، الكاميرا الخلفية مدعومة بإضاءة فلاش ليد فردية وبتصور فيديو بجودة 1080p بمعدل ٣٠ إطار في الثانية. أما الكاميرا الأمامية فقوتها ١٦ ميجا بيكسل بفتحة مستشعر f/2.0 والكاميرا مدعومة بتقنية HDR
• منفذ توصيل سماعات الرأس: متوفر.
• منفذ الشحن ونقل البيانات: microUSB
• ماسح البصمة: خلفي
• مستشعرات الموبايل: التسارع والتقارب والبوصلة.
• البطارية: بطارية الموبايل غير قابلة للإزالة سعتها ٤٢٣٠ ميللي أمبير عن طريق منفذ microUSB.
• ألوان الموبايل المتاحة: الأزرق – الذهبي – الوردي.

مميزات وعيوب موبايل Oppo A7

مميزات Oppo A7

• الموبايل تصميمه عصري وجذاب جدًا بسبب اعتماده على شق قطرة المياه أعلى الشاشة وده الشق المتبع في عدد كبير من الموبايلات الجديدة بمختلف الفئات.
• الموبايل وزنه مقبول جدا مش تقيل ولا خفيف.
• بيدعم شريحتين اتصال ممكن استخدامهم في الوقت نفسه.
• شاشة الموبايل قطرها كبير وبتتميز بمساحة رؤية ممتازة بفضل المعدل اللي بتعتمد عليه للشاشات الطويلة وكمان بتحتل نسبة ممتازة من مساحة الموبايل الأمامية.
• شاشة Oppo A7 محمية بزجاج كورنينج جوريلا جلاس الإصدار التالت ودي حاجة مش متبعة في الفئة دي من الموبايلات بشكل كبير.
• إصدارات الموبايل متعددة وبتتيح اختيارات مختلفة.
• الموبايل بيدعم كروت الميموري لحد ٢٥٦ جيجابايت من خلال منفذ مستقل يعني مش محتاج تتخلي عن شريحة الاتصال التانية.
• الموبايل بيشتغل بنظام تشغيل أندرويد 8.1 أوريو مع احتمالية ترقيته بأندرويد 9 باي
• Oppo A7 بيعتمد على كاميرا خلفية مزدوجة بتقدر تصور الصور بتأثير بوكيه الرائع.
• الكاميرا الأمامية قوتها ممتازة وكمان مدعومة بتقنية HDR
• ماسح البصمة في الموبايل سريع ودقيق لحد كبير.
• الموبايل بيمتاز ببطارية ضخمة قادرة إنها تدعمه لحد يومين كاملين.

عيوب Oppo A7

• الموبايل مش مدعوم بأي حماية ضد الغبار والغمر في المياه.
• المواد المستخدمة في صناعته مش أفضل حاجة ممكنة.
• شاشة الموبايل دقتها ضعيفه حتى بالنسبة لفئته السعرية.
• الشاشة مش معمولة من شرائح AMOLED اللي بتعتبر أفضل الشاشات.
• بروسيسور Oppo A7 يعتبر من أقل معالجات فئته ودي حاجة مش مناسبة قوي للفئة السعرية.
• الكاميرا الخلفية أداءها مش ممتاز في الإضاءة المنخفضة.
• الموبايل بيعتمد على منفذ microUSB في الشحن وده منفذ ضعيف على مستوى سرعة نقل البيانات
• الموبايل مفيهوش مستشعر الدوران الخاص بتشغيل تطبيقات وألعاب الواقع الافتراضي.
• الموبايل مش بيدعم تقنيات الشحن السريع.

اتعرف على أفضل عروض أسعار موبايل Oppo A7 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.