كتب: خالد عاصم

من ساعة ما موبايلات Infinix دخلت مصر وهي بتحاول تحقق المعادلة الأهم واللي بيحبها وبيفضلها المستخدم المصري وهي تقديم موبايلات بتجميع بين الشكل والتصميم المميز والجديد دايما و في نفس الوقت بتقنيات معقولة بتخلي سعر الموبايل مناسب جدًا للمستهلك المصري، ومن بين أبرز موبايلاتها اللي بتحقق المعادلة دي وأكتر، موبايل Infinix X622 Hot S3X واللي مش بس بيعتمد على تقنيات معقولة ده بيحاول يجمع أكبر قدر ممكن من التقنيات المتميزة واللي تسمح في النهاية بتقديم موبايل في مجمله رائع جدًا.

المقال ده مخصص لموبايل Infinix X622 Hot S3X وهنتكلم فيه عن مواصفات الموبايل وهنراجع المواصفات دي عشان نقدر نحدد مميزات وعيوبه وكمان هنعرف سعره في السوق المصري. وماتنسوش في حالة إنه عجبكم الموبايل وحبيتوا تشتروه، تقدروا تطلبوه على طول من خلالنا في ياقوطة وهيوصلكم لحد باب البيت أو مكان ما تحبوا في أسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Infinix X622 Hot S3X

المواصفات

• أبعاد الموبايل: ٧٫٩٩ × ٧٥٫٣ × ١٥٦٫٧ مم.
• وزن الموبايل: ١٥٠ جرام.
• شرايح الاتصال: شريحتين.
• شاشة الموبايل: موبايل Infinix X622 Hot S3X بييجي بشاشة كاملة وفيها شق في الأعلى شبه الشق نفسه اللي بنشوفه في موبايلات كتير أولها طبعًا iPhone X، قطر شاشة الموبايل ٦٫٢ بوصة ودقتها ١٥٠٠ × ٧٢٠ بيكسل وكثافتها ٢٦٨ بيكسل لكل بوصة والشاشة مصنوعة من شرائح IPS LCD.
• الإمكانيات الداخلية: الموبايل بيعتمد على بروسيسور كوالكوم سنابدراجون ٤٣٠ وده بروسيسور ثماني النواة سرعته ١٫٤ جيجا هيرتز ومدمج فيه بروسيسور جرافيكس Adreno 505، الموبايل بييجي بذاكرة عشوائية سعتها ٣ – ٤ جيجابايت رام وذاكرته الداخلية ٣٢ – ٦٤ جيجابايت، وبيقبل الموبايل كروت الميموري لحد ١٢٨ جيجابايت
• نظام التشغيل: الموبايل بيشتغل بنظام تشغيل أندرويد ٨٫١ أوريو
• الكاميرا الخلفية: الكاميرا الخلفية مزدوجة ودقة العدسة الأولى ١٣ ميجا بيكسل وقوة العدسة التانية ٢ ميجا بيكسل والكاميرا الخلفية بتقدر تصور الصور بتأثير بوكيه وكمان بتقدر تصور الفيديو بجودة 1080p بمعدل ٣٠ إطار في الثانية ومدعومة بفلاش ليد.
• الكاميرا الأمامية: أما الكاميرا الأمامية لموبايل Infinix X622 Hot S3X فهي بعدسة واحدة قوتها ١٦ ميجا بيكسل وفتحة العدسة f/2.0 وهي كمان مدعومة بإضاءة فلاش ليد فردي والكاميرا الأمامية بتستخدم في فتح الموبايل عن طريق التعرف على وجه المستخدم.
• منفذ ٣٫٥ مم: الموبايل بيقبل توصيل السماعات عن طريق منفذ ٣٫٥ مم.
• منفذ يو إس بي: نوعه microUSB
• ماسح البصمة: خلفي.
• مستشعرات الموبايل: مستشعر الإضاءة والتقارب والدوران والبوصلة.
• البطارية: نوعها ليثيوم آيون وهي بطارية غير قابلة للإزالة سعتها ٤٠٠٠ مللي أمبير في الساعة.

مميزات وعيوب Infinix X622 Hot S3X

مميزات Infinix X622 Hot S3X

• موبايل Infinix X622 Hot S3X بيمتاز بتصميم رائع جدًا وحديث وعصري جدا لدرجة بتخليه شبه الموبايلات الرائدة أو على الأقل فوق المتوسطة اللي بتعتمد على تصميم الشاشات الكاملة والشق أعلى الشاشة.
• شاشة الموبايل طويلة وبتدي مساحة رؤية ممتازة.
• الذاكرة العشوائية للموبايل ممتازة جدا بالنسبة للفئة السعرية دي.
• الموبايل بيشتغل بنظام تشغيل أندرويد ٨٫١ أوريو.
• الموبايل بيقبل كروت الميموري يعني ممكن زيادة مساحته التخزينية.
• الكاميرا الخلفية لموبايل Infinix X622 Hot S3X بتقدر تصور الصور بتأثير بوكيه يعني ممكن تاخد نفس صور البورتريه اللي بتقدير تصورها من أي موبايل أغلى في السعر.
• الكاميرا الأمامية للموبايل ممتازة بأكتر من نفطة زي قوتها الممتازة وكمان وجود إضاءة فلاش ليد بتساعد الكاميرا على تصوير واضح في الإضاءة الضعيفة.
• الكاميرا الأمامية في تقنيات الذكاء الصناعي بس مش بالقوة اللي موجودة طبعًا في الهواتف الأعلى.
• الموبايل فيه ماسح للبصمة.
• الموبايل بيتميز بتقنية تأمين الموبايل من خلال التعرف على وجه المستخدم.
• الموبايل فيه مستشعرات مختلفة مهمة زي مستشعر الدوران يعني ممكن تجرب بيه عدد من تطبيقات وألعاب الواقع الافتراضي اللي بيقدر طبعًا يشغلها البروسيسور.
• بطارية الموبايل ممتازة وسعتها كافية إن الموبايل يشتغل معاك لفترة طويلة قبل ما تحتاج تشحنه والبطارية كمان بتدعم تقنية الشحن السريع في أول فئة ليها.

عيوب Infinix X622 Hot S3X

• الموبايل خفيف جدًا وده مش ميزة على قد ما دليل على إن الموبايل معمول من مواد ممكن تكون ضعيفة شوية.
• الموبايل مش بيتميز بأي شكل من أشكال الحماية للهيكل.
• شاشة Infinix X622 Hot S3X كبيرة ودي بتحتاج إن تكون دقتها عالية عشان تقدر توفر جودة كويسة للمستخدم بس للأسف دقة عرض شاشة الموبايل قليلة جدًا بالنسبة لموبايل شاشته أكبر من ٦ بوصة وده بيوضح من كثافة الشاشة اللي موصلتش حتى لحد ٣٠٠ بيكسل.
• وضوح الشاشة في ضوء الشمس المباشر بيقل وبيضعف جدًا.
• الشاشة مش محمية بأي زجاج مقوى ويفضل إن المستخدم يجيبلها سكرين قوي لحمايتها.
• على الرغم من أن البروسيسور ثماني النواة إلا أنه مش قوي كفاية ويعتبر من البروسيسورات اللي بقى صعب استخدامها حتى في الموبايلات متوسطة الفئة.
• الموبايل بيعتمد على منفذ microUSB ورغم إن ده متوقع لموبايل في الفئة السعرية دي إلا إن ده ماينفعش مانتكلمش عنه كعيب.

شوف موبايل Infinix X622 Hot S3X من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.