كتب: محمد عبد الرحمن

هنتكلم النهارده على اتنين من أهم وأكتر الموبايلات اللي بييجي عليها أسئلة على السوشيال ميديا ومواقع التواصل الاجتماعي، وهم موبايل Oppo F5 وموبايل Huawei Mate 10 Lite، واللي بيتميزوا بشاشة بحجم الواجهة تقريبًا وكمان زوايا عرض الأفلام بالأبعاد الجديدة ١٨:٩، وسعرهم تقريًبا زي بعض. هنتعرف في المقال ده على أهم المواصفات الخاصة بكل موبايل وكمان جوانب القوة اللي بتميز كل موبايل منهم على التاني.

ولو عجبك موبايل منهم وعاوز تشتريه تقدر من خلال ياقوطة تعرف أحسن الأسعار ليه وتقارن بينهم وكمان تطلبه من خلالنا وهيوصل لغاية عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

أولًا: التصميم

• تصميم الموبايلين بيكون من الزجاج والجوانب من الألومنيوم علشان يتحملوا الصدمات، هنلاحظ عن ضهر موبايل Huawei Mate 10 Lite بيكون مصنوع من المعدن وده بيديه قوة وشكل جمالي أكتر من موبايل Oppo F5  واللي الضهر بتاعه واخد شكل المعدن، في حين إنه مصنوع من مادة البولي كربونايت.
• وزن موبايل Oppo F5 هو ١٥٢ جرام، واللي بيكون أخف من موبايل Huawei Mate 10 Lite لإن وزنه ١٦٢ جرام.

ثانيًا: الشاشة

• موبايل Oppo F5 بييجي بشاشة أكبر واللي بتكون بحجم ٦ بوصة، بدقة عرض ١٠٨٠ × ٢١٦٠ بكسل، مع كثافة بكسلات ٤٠٢ بكسل، والشاشة بتكون مزودة بطبقة حماية ضد الكسر Corning Gorilla Glass 5، وطبعًا الشاشة بتيجي بزوايا العرض الجديدة ١٨:٩.
• أما موبايل Huawei Mate 10 Lite فبييجي بشاشة بحجم ٥٫٩ بوصة، بدقة عرض ١٠٨٠ × ٢١٦٠ بكسل، مع كثافة بكسلات ٤٠٩ بكسل، وللأسف الشاشة مش مزودة بأي طبقة حماية والشاشة بتيجي بزوايا العرض الجديدة ١٨:٩.
• هنلاحظ إن شاشة موبايل Huawei Mate 10 Lite درجة سطوعها القصوى أعلى من موبايل Oppo F5، وده مش معناه طبعًا إن شاشة موبايل Oppo F5 وحشة.

ثالثًا: الأداء

• موبايل Oppo F5 بييجي ببروسيسور ثماني النواة Mediatek MT6763T Helio P23 بتردد 2.5 جيجاهرتز، ومزود بميموري داخلي بسعة ٣٢ جيجابايت، مع رام داخلي بسعة ٣ جيجابايت، (وقريب هينزل في مصر إصدار برام داخلي ٦ جيجابايت مع ميموري داخلي بسعة ٦٤ جيجابايت) وممكن تضيف ميموري خارجي لغاية ٢٥٦ جيجابايت في منفذ منفصل.
• موبايل Huawei Mate 10 Lite بييجي ببروسيسور ثماني HiSilicon Kirin 659 النواة أربعة أنوية بتردد 2.36 جيجاهرتز، وأربعة أنوية بتردد 1.7 جيجاهرتز، ومزود بميموري داخلي بسعة ٦٤ جيجابايت، مع رام داخلي بسعة ٤ جيجابايت، وممكن تضيف ميموري خارجي لغاية ٢٥٦ جيجابايت بنفس منفذ استخدام الشريحة التانية.
• أداء بصمة موبايل Huawei Mate 10 Lite فيها مميزات إضافية زي إنك تقدر تقفل بيها برامجك المختلفة، وتقدر تاخد بيها صورك الشخصية، وتقدر كمان تتنقل بين الصور من خلالها، وتفتح وتقفل المنبه بيها.
• أما أداء بصمة موبايل Oppo F5 فهي سريعة جدًا جدًا.
• هنلاحظ تعدد وتنوع أداء بصمة Huawei Mate 10 Lite متنوع عن أداء بصمة موبايل Oppo F5.
• لكن Oppo F5 بتتفوق في إمكانية إضافة ميموري خارجي بمنفذ منفصل، وكمان شريحتين الاتصال في موبايل  Oppo F5 واحدة منهم بتشتغل 3G ، والتانية 4G، يعني تقدر تشغل إنترنت عليهم وبسرعة عالية جدًا، وده عكس Huawei Mate 10 Lite واللي بتشغل إنترنت على شريحة واحدة بس واللي بتكون 4G، والشريحة التانية 2G.
• موبايل Oppo F5 بيدعم تشغيل نضارات الواقع الافتراضي VR، وموبايل Huawei Mate 10 Lite مش بيدعم التقنية دي.
• أما عن أهم ميزة في موبايل Oppo F5 واللي مش بتتوفر في موبايل Huawei Mate 10 Lite، فهي ميزة غلق وفتح الموبايل عن طريق بصمة الوجه (شكل الوجه) واللي بيوفرها  Oppo F5 من خلال تقنية الذكاء الاصطناعي الموجودة في الكاميرا الأمامية.
• ميزة تانية كمان في موبايل Oppo F5 وهي إنه بيسمح بتوصيل فلاشة خارجية عن طريق دعمه للـ OTG واللي مش بيوفره موبايل Huawei Mate 10 Lite.

ثالثًا: الكاميرا

• موبايل Oppo F5 بييجي بكاميرا خلفية بدقة ١٦ ميجابكسل بفتحة عدسة F1.8، وفلاش أحادي، والكاميرا السيلفي ليه بدقة ٢٠ ميجابكسل مزودة بتقنية الذكاء الاصطناعي.
• أما موبايل Huawei Mate 10 Lite فبييجي بكاميرا خلفية مزدوجة واحدة منهم بدقة ١٦ ميجابكسل، والتانية بدقة ٢ ميجابكسل، والكاميرا السيلفي ليه مزدوجة واحدة منهم بدقة ١٣ ميجابكسل والتانية بدقة ٢ ميجابكسل (والكاميرا التانية بتسمح بالتصوير البورتريه).
• موبايل Huawei Mate 10 Lite بيسمح للمستخدم بعمل عزل أو بروتريه في الكاميرا الأمامية والخلفية، في حين إن موبايل Oppo F5 بيسمح بكده في الكاميرا السيلفي بس، لكن ميزة الذكاء الاصطناعي للكاميرا السيلفي بتدي نتايج في الصور أحلى من Huawei Mate 10 Lite.
• Huawei Mate 10 Lite بيسمح بالتعديل في العزل بعد التقاط الصورة، وتقدر كمان تغير الخلفية، أما موبايل Oppo F5 مش بيسمح بالميزة دي.
• لكن الكاميرا السيلفي لموبايل Oppo F5 أفضل بكتير من الكاميرا السيلفي لموبايل Huawei Mate 10 Lite.
• أما عن أداء الكاميرا الخلفية بهنلاحظ إن التفاصيل لكاميرا Oppo F5 أحسن من Huawei Mate 10 Lite والاهتزاز مش واضح قوي، لكن مجملًا أداء الكاميرتين قريب من بعض.

رابعًا: البطارية

• موبايل Oppo F5 بييجي ببطارية بسعة ٣٢٠٠ مللي أمبير، واللي مش بتدعم الشحن السريع.
• أما موبايل Huawei Mate 10 Lite فبييجي ببطارية بسعة ٣٣٤٠ مللي أمبير، وبرضه مش بتدعم الشحن السريع.
• هنلاحظ ورغم زيادة أمبير بطارية موبايل Huawei Mate 10 Lite، فإن الأداء العام لبطارية Oppo F5 أعلى وأفضل.

تقدر تشوف موبايل Oppo F5 من هنا.

وتقدر تشوف موبايل Huawei Mate 10 Lite من هنا.