ياقوطة هتساعدك تبقى يوتيوبر محترف مع أقوى الأدوات والمعدات
كتب: خالد عاصم
اليوتيوب مبقاش مجرد وسيلة بنقدر نتشارك عليها الفيديوهات أو نتفرج على مقاطع الفيديو من خلالها، ده بقى وسيلة عشان نعبر بيها عن اهتماماتنا وأفكارنا ونشارك الأخرين خبراتنا وكل ده من غير ما تحتاج تكون مذيع تليفزيون أو تشتغل في قناة، فمن خلال اليوتيوب أي حد يقدر يكون يوتيوبر ويشارك الناس اهتماماته سواء كانت بالتكنولوجيا أو الرياضة أو الثقافة، وكمان يقدر يكسب فلوس لو قدر يجذب عدد كبير من المتفرجين لفيديوهاته وقناته.
وعشان تكون يوتيوبر قادر يقدم محتوى متميز هتحتاج مجموعة حاجات، منها اللي بيعتمد عليك زي طبيعة المحتوى نفسه ومنها اللي بيعتمد على المعدات اللي هتحتاجها واللي هنتكلم عنها في المقال ده، في المقال ده هنستعرض مجموعة من المنتجات اللي هتساعد تكون يوتيوبر محترف وتقدر تطلع صورة متميزة، وأي منتج من اللي هنتكلم عنهم في المقال هتقدر تطلبه من خلالنا في ياقوطة وهيوصلك لحد باب البيت أو مكان ما تحب بأسرع وقت ممكن.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
دليلك للمعدات اللي محتاجها عشان تكون يوتيوبر
التصوير
أول حاجه لازم تهتم بيها من المعدات عشان تكون يوتيوبر ناجح هي الصورة، والصورة بالذات ماينفعش يكون في تنازل في وضوحها وجودتها، ولحسن الحظ إن دلوقتي به فيه موبلايات كتير تقدر من خلالها تصور الفيديو بجودة كويسة جدًا، وكل اللي هتحتاجه ساعتها إنك تجيب ترايبود زي اللي هنتكلم عنهم بعدين، ولحسن الحظ كمان إنك لو عايز جودة أفضل سواء كان عندك موبايل كويس أو لا، فالكاميرا الاحترافية DSLR بتخليك تقدر تصور الفيديو بجودة عالية وبوضوح ممتاز ومش لازم تكون كاميرا من الكاميرات الغالية جدًا، وعشان كده اخترنالك كاميرات سعرها مقبول وتقدر تفيدك جدا عشان تكون يوتيوبر محترف.
كاميرا Nikon D5300 DSLR
رغم إن سعرها منخفض مقارنة بباقي الكاميرات إلا أنها بتوفر إمكانيات ممتازة، فالكاميرا بتتميز بمستشعر بقوة ٢٤٫٢ ميجا بيكسل بيدعمه معالج تصوير EXPEED 4 المتميز اللي بيخليها تقدر تصوير الصور الثابتة الواضحة عالية الجودة وبتقدر تصور الفيديو بجودة Full HD Plus أو 1080p، الكاميرا فيها في العموم إمكانيات ممتازة زي الحساسية القوية والفلاش المتميز وكمان إمكانية تركيب فلا خارجي وميكروفون خارجي.
شوف عروض أسعار كاميرا Nikon D5300 DSLR من هنا.
كاميرا Canon EOS 750D
منافس كانون للكاميرا اللي فاتت من نيكون واللي بتتميز بنفس المميزات تقريبًا زي مستشعر ٢٤٫٢ ميجا بيكسل والقدرة الممتازة على امتصاص الضوء، وكمان بتتميز بمعالج قوي ودعم لتصوير الفيديو بجودة 1080p FullHD Plus الكاميرا كمان فيها حساسية عالية جدًا وشاشة للتحكم بتقبل كروت ميموري بمساحات كبيرة ومميزات تانية كتير.
شوف عروض أسعار كاميرا Canon EOS 750D من هنا.
شوف عروض أسعار مختلف الكاميرات المتوفرة على ياقوطة من هنا.
تسجيل الصوت
عشان تكون يوتيوبر ناجح لازم صوتك يوصل للي بيتفرجوا عليك بوضوح ونقاء، وعشان كده مينفعش تعتمد بس على ميكروفون الموبايل أو حتى الكاميرا، ويفضل إنك تعتمد على ميكروفون خارجي، والسوق مليان أنواع كتير من الميكروفونات اللي سعرها للآلاف، بس إحنا اخترنا مجموعة مش غالية وموفرة وكمان هتقدر تديلك الجودة والنقاء اللي محتاجهم.
ميكروفون Rode VideoMicro Compact
شركة Rode من أكبر الشركات في العالم في مجال تصنيع الميكروفونات وبتقدملنا ميكروفون VideoMicro المدمج المتميز اللي بيتميز بخفة وزنه وصلابته، الميكروفون بيعتمد على مكثف قلبي بيقدر يسجل الصوت بنقاء ووضوح وبيقدر كمان يركز على مصدر الصوت الأمامي مع إمكانية تجاهل وعزل أي صوت تاني مصدر جاي من ورا الميكروفون، كمان بيتميز بإنه مخصص للتركيب على الكاميرا من فوق يعني تقدر تركبه على الكاميرا وتوصل الميكروفون بيها للتسجيل، وكمان بييجي معاه محولات تخليك تقدر تستخدمه مع الموبايلات والتابلت.
شوف عروض أسعار ميكروفون Rode VideoMicro Compact من هنا.
ميكروفون Boya BY M1
نوع مختلف من الميكروفونات اللي ممكن يكون بديل كويس ورخيص لو كنت عايز تبقى يوتيوبر ومش عايز تتكلف مبالغ كبيرة في البداية، الميكروفون من ميكروفونات التعليق وبييجي بمشبك عشان يتركب في الهدوم وبيتوصل من خلال كابل ٣٫٥ مم بالكاميرات المختلفة وبالموبايلات وبكاميرا الفيديو والكومبيوترات، بيتميز كمان بطول الكابل اللي بيوصل لحد ٦ متر عشان يديلك مساحة كافية بين الميكروفون ومصدر التسجيل.
شوف عروض أسعار ميكروفون Boya BY M1 من هنا.
شوف عروض أسعار مختلف الميكروفونات المتوفرة على ياقوطة من هنا.
وسيط المونتاج ورفع الفيديو
بعد التصوير والتسجيل لازم يكون فيه وسيط تقدر من خلاله تعمل مونتاج للفيديو وكمان ترفعه على قناتك على يوتيوب، لو عندك حد يساعدك في ده ويقدر يمنتجلك فيديوهاتك يبقى مش هتحتاج كمبيوتر فوي يقدر على المونتاج بس لو ده مش موجود وعايز تعمل شغلك بنفسك يبقى لازم تجيب كمبيوتر يقدر يستحمل، ولحسن الحظ إن فيه كمبيوترات ممكن ماتكونش غالية أوي وتقدر تشغل تطبيقات المونتاج وتضمنلك جودة ممتازة.
لابتوب HP 16-DA1015ne
لابتوب ممتاز على أكتر من مستوى بتبدأ من الشاشة اللي قطرها ١٥٫٦ بوصة وبتدعم جودة عالية بتتميز بتقنية WLED اللي بتمنع الانعكاسات وده بيخليها في غاية الوضوح والحدة، اللاب توب بيعتمد على معالج انتل Core i7 بسرعة ١٫٨ جيجا هيرتز، أما راماته فسعتها ٨ جيجابايت رام وفيه هارد داخلي مساحته ١ تيرابايت، وكمان مدمج فيه كارت جرافيكس GeForce MX130 من إنفيديا سعة 4 جيجابايت رام.
شوف عروض أسعار لاب توب HP 16-DA1015ne من هنا.
لابتوب Dell Inspiron 15-3576
لاب توب ممتاز من ديل بيعتمد على بروسيسور انتل Core i7 بسرعة ١٫٨ جيجا هيرتز، راماته سعتها ٨ جيجابايت رام من فئة DDR4 وسعته التخزينية الداخلية ١ تيرابايت، وكمان فيه كارت فيجا AMD Radeon R5 M430 سعة ٢ جيجابايت رام، وكمان شاشته بوضوح وجودة ممتازة.
شوف عروض أسعار لابتوب Dell Inspiron 16-3576 من هنا.
شوف عروض أسعار مختلف اللابتوبات المتوفرة على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.