كتب: خالد عاصم

خلال الفترة اللي فاتت انتشرت مجموعة كبيرة من موبايلات الفئة المتوسطة اللي بتدعم تقنية 5G ومنها موبايل Realme 8 5G واللي هنتكلم عنه النهاردة وهنتعرف عليه عن قرب وهنتعرف كمان على مميزاته وعيوبه ومتوسط سعره الحالي في السوق المصري.

ولو الموبايل عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Realme 8 5G

• أبعاد الموبايل: ٨.٥ × ٧٤.٨ × ١٦٢.٥ مم.
• وزن الموبايل: ١٨٥ جرام.
• شاشة الموبايل: شاشة IPS LCD كاملة بثقب أعلى اليسار قطرها ٦.٥ بوصة ومعدلها ٢٠:٩ وده بيخليها تشغل حوالي ٨٣.٩ في الميه من مساحة الموبايل الأمامية. والشاشة بتقدم دقة عرض ٢٤٠٠ × ١٠٨٠ بيكسل بكثافة ٤٠٥ بيكسل لكل بوصة والشاشة بتدعم معدل تحدي شاشة ٩٠ هيرتز 
• أداء الموبايل: معالج MediaTek Dimensity 700 5G بمعمارية ٧ نانوميتر ثماني النواة والمعالج مدمج بمعالج جرافيكس Mali-G57 MC2. والموبايل متوفر في مصر بإصدار بذاكرة عشوائية سعتها ٦ جيجابايت رام بذاكرة داخلية سعتها ١٢٨ جيجابايت وممكن زيادة مساحة الموبايل التخزينية بكروت الذاكرة الخارجية من خلال منفذ مستقل.
• نظام التشغيل: الموبايل بيشتغل بنظام تشغيل أندرويد ١١ بواجهة مستخدم Realme UI 2.0
• الكاميرا: الموبايل الكاميرا الخلفية بتاعته ثلاثية العدسات بقوة ٤٨ ميجا بيكسل وفتحة مستشعر f/1.8 للعدسة الأولانية العريضة المدعومة بتقنية PDAF وبقوة 2 ميجا بيكسل بفتحة مستشعر f/2.4 للعدسة التانية الخاصة بتصوير صور الماكرو وبقوة ٢ ميجا بيكسل بفتحة f/2.4 للعسة الخاصة باستشعار عمق الصورة والكاميرا مدعومة بإضاءة فلاش ليد فردية وبتقدر تصور الفيديو بجودة 1080p بمعدل ٣٠ إطار في الثانية، أما الكاميرا الأمامية فعدستها عريضة بقوة ١٦ ميجا بيكسل وفتحة مستشعر f/2.1 والكاميرا مدعومة بتقنية HDR وبتقدر تصور الفيديو بجودة 1080p بمعدل ٣٠ إطار في الثانية.
• ماسح البصمة: جانبي.
• المستشعرات: التسارع – الدوران – التقارب – البوصلة.
• البطارية: بطارية الموبايل غير قابلة للإزالة سعتها ٥٠٠٠ مللي أمبير في الساعة وبتدعم تقنية الشحن السريع بقوة ١٨ وات.

مزايا وعيوب هاتف Realme 8 5G

مزايا هاتف Realme 8 5G

• أبعاد الموبايل مناسبة جدًا فه مش ضخم ومش تقيل واستخدامه سهل مش مزعج
• تصميم جذاب جدًا وهو المعتمد في تصميم موبايلات Realme في المطلق وكمان عدد كبير من موبايلات الشركات التانية زي Oppo
• الشاشة قطرها مقبول جدًا وبتدعم معدل تحديث ٩٠ هيرتز وإمكانياتها كويسة وإن كانت مش الأفضل في الفئة السعرية دي برضه
• الموبايل بيدعم تقنية 5G بفضل المعالج المركزي الجيد اللي بيعتمد عليه وهو مش الأفضل في الفئة السعرية دي ولكنه من بين الأفضل في الفئة السعرية من معالجات 5G وإمكانياته وقدراته مقبولة وبيقدر يشغل عدد كبير من الألعاب الشهيرة بإعدادات كويسة
• الموبايل بيتوفر بإصدارات قوية وكمان بيعتمد على ذاكرة داخلية بإصدار سريع وقوي
• الموبايل بيقبل كروت الميموري من خلال منفذ مستقل مش بيأثر على استخدام شريحتي الاتصال
• الموبايل هيحصل على ترقية اندرويد ١٢ بمجرد توفرها
• الموبايل بيدعم دقة صوت ٢٤ بت/١٩٢ كيلو هيرتز
• بيعتمد الموبايل على تقنية بلوتوث إصدار ٥.١
• الموبايل بيدعم تقنية الاتصال اللاسلكي قريب المدى NFC
• بطارية قوية سعتها ٥٠٠٠ ميللي أمبير في الساعة وبتدعم تقنية الشحن السريع

عيوب موبايل Realme 8 5G

• الموبايل بيعتمد على البلاستيك بشكل كامل سواء على مستوى صناعة الهيكل أو الضهر
• الموبايل مش بيتمتع بأي طبقة حماية من أي إصدار من زجاج كورنينج جوريلا جلاس سواء على الضهر أو الشاشة
• الموبايل مش بيتمتع بأي حماية ضد الغبار أو المياه
• الشاشة كويسة بس فيه موبايلات تانية في الفئة دي بشاشات AMOLED وبمعدل تحديث أعلى
• الكاميرا الخلفية محبطة شوية لأنها ثلاثية العدسات وعدستها الرئيسية الفعالة بدقة ٤٨ ميجا بيكسل وكمان مفيهاش عدسة بالغة العرض ومش بتدعم تصوير الفيديو بأكثر من جودة 1080p
• الكاميرا الأمامية كويسة ولكنها مش الأفضل في الفئة دي
• مفيش سماعات ستريو
• الموبايل مش بيدعم أحدث تقنيات واي-فاي وهي Wi-Fi 6
• البطارية بتدعم تقنية الشحن السريع بس بقوة ١٨ وات بس

اتعرف على عروض أسعار موبايل Realme 8 5G من هنا.

اتعرف على عروض أسعار مختلف موبايلات Realme المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.