كتبت: أمنية عزمي

بنحتاج أجهزة دايما تساعدنا في تقليل الوقت والمجهود في المطبخ زي قطاعة الخضروات أو الكبة وغيرها، الكبة من الأجهزة اللي بتتحدد وظائفها حسب مواصفاتها وقوة موتورها وفي منها بتقدر تستخدمه في فرم اللحوم ومنها بتكون عملية أكتر مع الخضروات فقط، كبة البصل Sarikaya استخدامها الأساسي لتقطيع البصل وبتقدر تتحكم في حجمه وخشونته حسب قوة وفترة التشغيل، بتقدر كمان تستخدمها في تقطيع الخضار بأحجام وبتوفر وقت ومجهود كبير، تعالوا مع ياقوطة نتعرف أكتر على أهم مواصفات ومميزات وعيوب كبة بصل Sarikaya Group– ٥٠٠ وات ونعرف رأي المستخدم فيها ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات الفنية

• الكود التعريفي للمنتج: SA767HL04BOWYNAFAMZ
• اللون: أبيض.

المميزات

• حجمها صغير ومثالية في تجهيز الخضروات بسرعة وبدون مجهود.
• تم تصميمها بمواصفات تعبر عن القوة متمثلة في موتور بقوة ٥٠٠ وات مثالي في تقطيع البصل والخضروات بشكل رائع.
• مصنعة من خامات بلاستيك بجودة عالية يتحمل الصدمات والفرم وخفيفة في حملها من مكان لمكان.
• سعة الدورق ١ لتر، بيقدر ياخد كمية خضروات معقولة في المرة الواحدة.
• مميزة بسلاح فولاذ قوي ضد الصدأ وسهل في تنضيفه بيفرم ويقطع في وقت قليل ومثالي لتقطيع البصل الخضروات.
• حجمها صغير ومناسب للتخزين في أي مكان.
• متعددة الاستخدامات، بتقدر تستخدمها في تقطيع الجبن والأعشاب والمكسرات والشوكولاتة بالإضافة طبعا للخضروات والبصل، وتوفر استخدام الكيتشن ماشين بحجمه الكبير.
• سهلة في استخدامها بمجرد تركيب الغطاء في وضعه السليم والضغط على الزر في أعلى الغطاء.
• الدورق مرقم بشكل بارز علشان يساعدك في تحديد المقادير لو ليها احتياج.
• الغطاء ملصق عليه أنواع الخضراوات اللي تقدر تفرمها أو تستخدم الكبة في تقطيعها.

العيوب

• لو عيلة كبيرة وبتستخدم كمية خضروات كبيرة هتحتاج تقطعها على كذا مرحلة لأن سعة الكبة 1 لتر فقط.
• مش معاها ملحقات تانية زي اللي بنحتاجها للخفق والعصائر.
• طريقة التشغيل بالضغط مش بتكون عملية لأنك بتضطر تستمر بالضغط عليها بإيدك طول الوقت ومع كتر الاستخدام بيبوظ.
• ما تقدرش تستخدمها لفرم أو تقطيع مواد صلبة زي اللحوم أو جرش التلج.

خدمة العملاء

• للأسف مفيش ليهم خدمة عملاء أو توكيل في مصر وبتضطر تتعامل مع أي حد بيصلح أدوات كهربائية لو حصل فيها أعطال.

تجربة المستخدم

• الحقيقة ان في واحدة بش من اللي جربوها قالت انها كويسة في تقطيع البصل ومش بتفرم الملوخية بشكل جيد، وبتقطع الخضار زي الخيار بشكل معقول.
• باقي الناس أو ما سألنا وسمعوا اسم SARKAYA اشتكوا ان كل المنتجات اللي اشتروها منها جت فيها مشاكل ومش بتشتغل أصلا من الأول ومنهم الكبة وكانت شكوى من ٣ أشخاص إن الكبة فيها عطل في الموتور ومش بتشتغل، بالإضافة لشكواهم من باقي المنتجات من نفس الشركة زي الهاند بليندر انه بيفوت ومش بيشتغل ومنهم مكنسة والكل بيشتكر ان مفيش ضمان ولا لاقيين مراكز صيانة مختصة للشركة.

شوف كبة بصل Sarikaya Group– ٥٠٠ وات من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال

أمنية عزمي، بكتب من سنتين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.