كتبت: أمنية عزمي

اطبع مستنداتك عن بعد عن من الموبايل أو اللاب توب لاسلكيا عن طريق الواي فاي بدون ما ترتبط بوجودك جنب الطابعة،  مش بس كده، مع اتش بي ليزر جيت برو أصغر طابعة بتتميز بتعدد وظائفها، استخدمها في الطباعة والنسخ والمسح الضوئي وإننك تحتفظ بأي شيئ بسهولة وتقدر كمان تستخدم وظيفة الفاكس وتوفر في الطاقة من خلال جهاز واحد متعدد الاستخدامات وبالتالي توفر في الموارد، مع خراطيش حبر Jet intelligence اللي بتحس بالسلاسة معاها في الطباعة وبتحميك من مشاكل الجودة اللي بتتسبب فيها الأنواع التانية واللي بدورها بيأثر على عمر الطابعة وعلى جودة مستنداتك.

تابعونا في المراجعة دي مع ياقوطة هنتكلم عن طابعة إتش بي ليزر جيت برو MFP– M130nw– لاسلكية متعددة الاستخدامات وهنتعرف على أهم مواصفاتها ومميزاتها وكمان عيوبها ورأي الناس اللي بتستخدمها، ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• اللون: أبيض.
• الإتصال: واي فاي Wi-Fi
• الموديل: G3Q58A
• الكود التعريفي للمنتج: HP017EL1FXEAWNAFAMZ
• فترة الضمان: 1 سنة.

المميزات

• لاسلكية وبتدعم Wi-Fi Direct، بتقدر تطبع بحرية من أي مكان من الهواتف الذكية سواء من أجهزة iPhone و iPad أو أندرويد عن طريق الواي فاي بدون أسلاك ومستشعر وجود مواد الطباعة Air print.
• جهاز مصمم بحجم صغير يتناسب مع جميع المساحات لأنه مش بياخد حيز من المكان، وبيجمع مهام الطباعة والمسح الضوئي والنسخ والفاكس في جهاز واحد شامل.
• نتائج يعتمد عليها، خراطيش الحبر الأصلية من HP مصممة بتقنية Jet Intelligence اللي بتعمل بسلاسة مع طابعة إتش بي ليزر جيت برو، وhp بتنصح دايما إنك تستخدم خراطيش الحبر الأصلية علشان تحمي الطابعة من مشاكل الجودة وعمليات إعادة الطباعة المكلفة.
• متعددة الإستخدامات وبتوفر في الطاقة، بتوفر إمكانيات الطباعة والمسح الضوئي والنسخ ووظائف الفاكس، ودا بيوفر في الطاقة عن طريق تقديم خدمات متكاملة من جهاز واحد وبالتالي بتساعدك توفر في الموارد.
• بتوفر في الطاقة عن طريق تقنية الفتح والغلق التلقائي Auto on/ Auto off اللي بتساعد على توفير الطاقة لأنها بتفصل تلقائي في حالة عدم استخدامها.
• سرعة طباعة الصفحة الأولى من وضع الاستعداد، وفر وقتك مع طباعة تصل سرعتها ل 22 صفحة في الدقيقة مع خروج أول صفحة في 7.3 ثانية.
• تصل سرعة النسخ بالأسود جودة عادية A4 ما يصل ل 7.3 ثانية ومن وضع النوم ل 8.9 ثانية.
• قدرة إنتاج عالية، بتنتج شهريا حتى 10000 صفحة بدقة عالية وجودة الطباعة باللون الأسود تصل ل 600×600 نقطة في البوصة.
• الحبر الأسود فيها دقيق، إتش بي بتطور في أحبارها على مدار 20 سنة علشان تكون حريصة إنها تقدملك مطبوعات بأعلى جودة سواء كان نص أو رسومات بالأسود.
• بتقدر تتبع مستوى مسحوق الحبر باستخدام تقنية استخدام الطباعة وبتطبع أقصى عدد ممكن.
• الخراطيش سهل الاستبدال عن طريق استخدام أدوات الغلق والفتح الأتوماتيكي.
• دقة المسح الضوئي تصل ل 300 تقطة في البوصة (بالنسبة للألوان واللون الواحد) وتصل ل 600 نقطة في البوصة (ألوان ومسطحة) وتص ل 1200 نقطة في البوصة (لون واحد ومسطحة).
• HP بتمنحك جودة عالية من خلال نصوص ورسومات واضحة باستخدامهم مسحوق حبر أسود عالي الدقة.
• مزودة بشاشة ليد عبارة عن سطرين بتتابع من خلالهم الحالة.

العيوب

• غير مناسبة لطباعة الصور.
• طباعة الوجهين بتم فيها بشكل يدوي.
• تكاليف تشغيلها عالية لحد ما.

خدمة العملاء

• مراكز الخدمة متوفرة وتقدر تحصل كمان على المساعدة أون لاين لو عندك أي استفسار.

تجربة المستخدم

• أهم ميزة فيها انها وايرلس وسريعة ووضوحها عالي وإمكانياتها بتوفر كل حاجة في نفس الجهاز، عيبها انها لما بتفصل بتاخد وقت طويل علشان تشتغل تاني وتطبع، ومش حلوة في طباعة الصور.

شوف طابعة إتش بي ليزر جيت برو MFP- M130nw- لاسلكية متعددة الاستخدامات من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

أمنية عزمي، بكتب من سنة ونص. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون كويس جدا.