كتبت: أمنية عزمي

لو بتفكر تشتري ريسيفر جديد يبقى مهم تدور على صورة بدقة عالية وصوت قوي تتناسب مع إمكانيات شاشة التليفزيون، ريسيفر HD بتقنياته الحديثة عمل فرق كبير في عالم الصوت والصورة والبث التلفزيوني، اتش دي يعني صورة بدقة عالية الوضوح تشوف فيها التفاصيل الصغيرة، اتأكد من جود تيونر في الريسيفر قبل ما تشتريه لأنه بيفرق كتير في سرعة تحميل القنوات، وطبعا كل ما يكون السوفت وير فيه قوي وخصائص الجرافيكس عالية هتكون الصورة أفضل والبرمجة يكون فيها خاصية التقاط الواي فاي علشان تقدر توصله بالإنترنت عن طريق الراوتر، بالإضافة للذاكرة وعدد القنوات اللي ممكن يستوعبها وكل ما بتزيد بيكون أفضل، وبالنسبة للحجم غالبا كله بقى ميني لكن اتأكد من وجود مروحة داخلية للتبريد وتوفر المنافذ اللي بيحتوي عليها لأنها بتختلف من نوع لآخر، دي بعض الخصائص المهمة اللي بتحتاجها في الرسيفر.

هنتكلم في المراجعة دي مع ياقوطة عن ريسيڨر Discovery X6 (DR-555HD)– إتش دي ميني- USB/ Youtube وهنتعرف على أهم مواصفاته ومميزاته وعيوبه ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• اللون: أحمر.
• موديل: DR-555HD
• الكود التعريفي للمنتج: DI963EL0PNPX4NAFAMZ
• أبعاد المنتج: 2.0.
• بلد المنشأ: الصين.

المميزات

• من أفضل أنواع الرسيفرات اللي بتحتوي على IPTV اللي بيغنيك تماما عن تركيب طبق الاستقبال وبتستقبل القنوات عن طريق الإنترنت وتشاهد كافة القنوات العالمية والعربية بوضوح وجودة عالية.
• بيفتح حوالي 800 قناة مشفرة لمدة سنة مجانا، معالج Sun plus.
• بيحتوي على أكتر من جودة للصورة وبتتحدد حسب سرعة الإنترنت الخاص بك: سرعة 4 ميجا بتكون الصورة بجودة Full HD، سرعة 2 ميجا بتديك جودة صورة HD، الإنترنت 1 ميجا بيديك جودة SD.
• بتقدر تستخدمه مع التليفزيونات الليد والتلفزيونات ال LCD وطبعا لازم يكون التلفزيون إتش دي أو Full HD علشان يدعم الدقة المطلوبة.
• Full HD بدقة 1080 بكسل، بيعرض القنوات الفضائية بأعلى دقة وبيتميز بصور كاملة الوضوح خاصة اذا كان التلفزيون بيدعم نفس الدقة.
• Super Tuner بحساسية عالية لالتقاط القنوات بدقة.
• عنده القدرة على تخزين عدد قنوات كبير، بيعرض لحد 8000 قناة تلفزيون وراديو.
• فيه ميزة البحث الذاتي عن القنوات وكمان البحث اليدوي.
• بيحتوي على سيرفر الشيرنج الأقوى DCAM لمدة سنة مجانا.
• بيدعم التعامل مع كل السرفرات المدفوعة بدون ما يتعارض مع السرفرات المجانية.
• بيدعم إمكانية تجديد السرفر ل IPTV أو للشيرنج سنويا.
• الرسيفر مبرمج لالتقاط الواي فاي وتقدر توصله بالإنترنت عن طريق الراوتر (وايرلس).
• مزود بخدمة الإتصال باليوتيوب وتقدر تشوف منها أفلام أو برامج.
• مزود بخاصية DLAN بتقدر تعرض من خلالها كل اللي عندك على الموبايل على شاشة الريسيفر والعكس صحيح تعرض اللي على الريسيفر على شاشة الموبايل.
• بيدعم منيو أنيق بخلفيات رائعة وسلس في التعامل وبيقبل السوفتات الأصلية.
• بيدعم راديو الإنترنت، وبيدعم خرائط جوجل بالإضافة لقنوات أفلام عربية وأجنبية مترجمة وقنوات كرتون تعمل لمدة 24 ساعة.
• مزود بمخارج HD و وصلة AV اللي بتقدر من خلالها تعرض على أي نوع تليفزيونات، بالإضافة لمنفذ USB ومنفذ HDMI.
• فيه إمكانية ترتيب القنوات في قائمة المفضلة وده بيسهلك تجمع كل القنوات اللي بتحبها وتلاقيها في مكان واحد.
• الجهاز بيقدم لغات عرض متعددة منها اللغة العربية.
• بيدعم ميزة النقل السريع المتعدد للقنوات.
• حجمه صغير وسعره حلو جدا بالنسبة لمواصفاته وسهل تثبيته وتوصيله.
• فيه خاصية EPG اللي بتعرف من خلالها جدول برامج القنوات بالكامل، وخاصية القفل الأبوي.

العيوب

• بيسخن بعد فترة من الاستخدام وده طبيعي في كل الريسيفرات بشكل عام خاصة الميني.

خدمة ما بعد البيع

• مالوش مراكز صيانة خاصة به وبتتعامل مع أي حد متخصص في الرسيفرات.

تجربة المستخدم

• إمكانياته عالية جدا وهايل بالنسبة لسعره والقنوات صورتها حلوة جدا وصافية.

شوف ريسيڨر Discovery X6 (DR-555HD)– إتش دي ميني- USB/ You tube– أحمر من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

 أمنية عزمي، بكتب من سنة ونص. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.