كتبت: أمنية عزمي

 Ultra من التليفزيونات اللي محققة مبيعات عالية في السوق رغم إنها مش واخدة حقها في الدعاية وناس كتير ما تعرفهاش، لكن قدرت تثبت نفسها بجودة منتجاتها وتوفيرها لشاشات بمواصفات عالية وأسعار منافسة جدا للسوق، هنعرض منهم شاشة سمارت اللي بيوسع دائرة الترفيه حواليك وبتستمتع معاه بكل مميزات الإنترنت من تواصل ومشاهدة أفلام وغيره بدقة عالية الوضوح على شاشة بحجم 49 بوصة اللي بتكون متعة في الأفلام والألعاب وماتشات الكرة بتفاصيلها الدقيقة وألوانها الحية وسطوعها المميز، دا غير إنك بتستمتع بتوصيله بالوسائط المتعددة وتشوف كل محتوياتك المفضلة على الشاشة الكبيرة.

تعالوا مع ياقوطة نتكلم بالتفصيل عن أهم مواصفات ومميزات وعيوب تليفزيون ألترا 49 بوصة- سمارت- FHD–  ليد- UT49SU ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• نوع التلفزيون: تليفزيون ذكي.
• حجن الشاشة: 49 بوصة.
• منافذ HDMI: 2
• منافذ يو إس بي: 2.
• إتصال الإنترنت: سمارت.
• تصميم الشاشة: مسطح.
• دقة الشاشة: 1920× 1080 بكسل.
• نوع الشاشة: LED
• رقم الموديل: UT49SU

المميزات

• بيتميز بتصميمه المسطح الرائع بإطار رفيع جدا وشاشة بحجم كبير 49 بوصة هتقدر معاها تستمتع بوضوح الصورة بدون حواف كبيرة.
• بتتمتع بدقة Full HD 1920× 1080 بكسل يعني ضعف دقة شاشات ال HD، بتعيش معاها تجربة المشاهدة والألعاب والأفلام ومتعة الماتشات بصورة نقية ووضوح عالي بشكل جديد ومختلف تماما.
• تلفزيون سمارت بتشغل من خلاله الإنترنت وتبقى على اتصال بكل وسائل التواصل الاجتماعي واليوتيوب وتقدر تستخدم جوجل بلاي في اختيار تطبيقاتك المفضلة.
• بتتميز شاشة ألترا بنسبة تباين عالية، نسبة التباين فيها 1:5000 سطوعها عالي ومميزة بتباين اللون الأسود بمعنى إنه بيكون داكن جدا في المشاهد المظلمة وبالتالي بيوفر صورة بوضوح عالي.
• الشاشة بإضاءة خلفية LED ومن مميزاتها ان استهلاكها للطاقة أقل بكتير من العادي وبتساعد في سطوع الشاشة بشكل أساسي.
• صوت قوي ورائع بيكمل جمال الصورة وإمكانيات الشاشة مع مكبرات صوت ثنائية القناة بقوة 20 وات.
• كمل متعة الترفيه من كل الجوانب واستمتع بتجربة من الوسائط المتعددة من خلال مدخلين USB ومدخلين HDMI علشان تقدر توصله بأكتر من جهاز زي البلاي ستيشن والريسيفر أو توصله بهارد ديسك تتفرج من خلاله على أفلامك المفضلة.
• مميز بسهولة التحويل مباشرة من مشاهدة قنواتك المفضلة إلى اليوتيوب أو الألعاب تماما كأنك بتغير قناة عادية.
• رفع حجم الشاشة بيديك فرصة انك تعلقها عالحائط وتستغل المكان بشكل أفضل.
• شكله أنيق بلونه الأسود وحجمه الكبير وإضافة رائعة لأي مكان.

العيوب

• مش بيدعم الترجمة بشكل سلس في الفيديوهات المعروضة على فلاش ميموري وبتضطر في الحالة دي إنك تحول الترجمة.
• الصور بتكون حركتها بطيئة أو مش سلسة خاصة عالقنوات الرياضية اللي بتكون فيها الحركة سريعة.
• الخامات المصنع منها الشاشة ضعيفة ومحتاج يكون في مكان يحميه من الصدمات.
• مش مذكور فترة ضمان ولو في ضمان في بعض الأماكن بتكون سنة واحدة ودي فترة قليلة على التليفزيونات وأقل حاجة بتكون 3 سنوات.

خدمة ما بعد البيع

• رقم مركز خدمة ألترا 01111500871
• الإصلاح والصيانة بيتم في المنازل على أيدي مهندسين وفنيين بخبرة عالية وبيدوا ضمان شهرين على الإصلاح وقطع الغيار.
• مراكز الخدمة والصيانة متوفرة في كل أنحاء الجمهورية.
• لو بتشتري من كارفور اتأكد من سلامة الجهاز وجربه وانت هناك واتأكد من الضمان خاصة لو نازل في عرض.

تجربة المستخدم

• رأي الناس اللي بتستخدمه: الشاشة دقتها عالية والصوت فيها قوي لكن جودة الألوان متوسطة لو قارنتها بالمنافسين.

شوف تليفزيون ألترا 49 بوصة- سمارت- FHD–  ليد- UT49SU من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من سنتين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.