كتبت: أمنية عزمي

SPRINT من أنواع المشايات الكهربائية المتواجدة في السوق وبتتميز بمواصفات متعددة تخليها من الأنواع اللي بيتجه لشرائها كتير من الناس خاصة للاستخدام المنزلي، وزي ما احنا عارفين انه مع ازدياد وعي الناس بأهمية الرياضة للصحة العامة ولتقوية العضلات والمساعدة على التخسيس مع نظام غذائي لكن كتير بتواجههم مشكلة ضيق الوقت اللي يسمحلهم إنهم يروحوا صالات الجيم لممارسة الرياضة وكتير منهم بيفضلوا يشتروا المشاية الكهربائية في البيت علشان تساعدهم في الرياضة بدوون وقت مهدور، وبكلامنا عن الشراء لازم تعرف المواصفات اللي تحدد على أساسها النوع اللي هتشتريه زي قوة الموتور وده اللي بيتوقف عليه مدة تشغيل المشاية، وفي نوعين من المحركات: نوع AC وهي الفئة الأعلى وبتمتاز بطول فترة التشغيل، و DC بتكون محركاتها أضعف ومدة تشغيلها أقصر، ومواصفات تانية زي تعدد البرامج فيها والشاشة ال LCD ونظام الأمان وغيرها.

هنتكلم في المراجعة دي مع ياقوطة عن المشاية الكهربائية Sprint Sports – موتور DC– ١٢٠ كيلو وهنتعرف على أهم مواصفاتها ومميزاتها وكمان عيوبها ورأي المستخدم فيها علشان تقدر تكون فكرة كاملة عنها، ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• الكود التعريفي للمنتج: SP226SP120ZZDNAFAMZ
• اللون: أبيض.
• بلد الصنع: الصين.
• الموديل: YG6699/4
• أبعاد المنتج: 123×68×150 سم.
• الخامات الأساسية: معدن.
• فترة الضمان: 18 شهر.
• الميزات: قابلة للطي.

المميزات

• أحد أفضل المشايات الكهربائية المعروفة والمضمونة في السوق اللي بتهتم بصحة الإنسان عن طريق المشي والجري وانت في مكانك بدون ما تحتاج تنزل وقوة تحملها 120 كيلو للجسم لكن دائما بتنقص 10 كيلو من الوزن المكتوب علشان تقدر تحافظ على عمر المشاية.
• مصممة بنظام ماص للصدمات عن طريق استخدام وسائد لينة جدا بتمتص الصدمة من المفاصل مع حركة المشي أو الجري ودي نقطة مهمة جدا تم تلافيها في مشاية سبرينت لأن من الأضرار الشائعة اللي بتسببها المشايات هي خشونة المفاصل.
• مزود بمحرك من نوع DC من محركات التيار المستمر وقوته تتراح بين 1,2 – 2.2 حصان، بتقدر تستخدمها لمدة ساعة في التمرين لو وزنك أقل من 120.
• مزود بشاشة LCD حجمها كبير بخلفية إضاءة زرقاء بتعرض السرعة والوقت والمسافة والسعرات الحرارية وحساسات لمتابعة قياس النبض وقت التمرين وأزرار للتحكم في سرعة المشي أو الجري بالإضافة ل 8 برامج بتتحكم من خلالها في قوة التمرين وسرعته.
• تصميمها أنيق بأبعاد سير 41 – 121 سم علشان يتناسب مع كل الأجسام بشكل مريح.
• مزودة بالجزء المخصص لعمل تمارين البطن والمساج لتخسيس للبطن والأرداف.
• مزودة بمدخل لتشغيل mp3 توصلها بموبايلك أو مشغل الموسيقى وتستمتع أثناء تمرينك وتأديه بشكل حيوي أكبر.
• الجهاز آمن للاستخدام وبيوفر عامل الأمان عن طريق سلك أو حبل آخره مشبك موصل بزر التشغيل وبتشبكة في ملابسك وبيوقف المشاية أتواماتيك عن الحركة فورا لو الشخص وقع من عليها.
• مزودة بأزرار للتحكم في التشغيل والإيقاف والسرعة المطلوبة وبتغيرها أثناء المشي حسب الرغبة من الأبطأ للأسرع والعكس.
• بتساعدك في الحصول على جسم رشيق وحرق السعرات وانت في مكانك بدون تضييع وقت للنزول.
• مزودة بفتحات لحفظ الأكواب أو زجاجة المياه وقت التمرين.
• ضمان 18 شهر على الأجزاء الكهربائية وسير المشي وضمان 5 سنوات على باقي أجزاء المشاية.
• هدية مع المنتج عبارة عن عبوة زيت سيليكون سبراي للصيانة الدورية للمشاية.
• قابلة طي المشاية مفيد جدا في المنازل علشان ما تشغلش مساحة في المكان، وسهلة في طيها وتخزينها.

العيوب

• طول المشاية 150 سم أقصر من مثيلاتها، وده ممكن يكون ميزة للناس اللي المساحة عندهم ضيقة، وممكن يكون عيب للبعض إن مساحة الحركة مش كافية وفي العادي بتكون 168 سم.
• المحركات من نوع DC بتكون ضعيفة ومدة تشغيلها قصيرة لا تتعدى 20 دقيقة في المرة وأعطالها كتير بتحتاج صيانة مستمرة.
• فترة الضمان سنة ونص على المحرك قليلة لأن المحركات ال DC بتكون فترة ضمانها من سنة ل 4 سنوات.
• بتاخد مساحة كبيرة في المكان ومساحة كبيرة في التخزين.
• دايما بتقلل من الوزن اللي بتحمله المشاية 10 كيلو يعني لو مفروض بتتحمل 120 كيلو يبقى اللي بيستخدمها مفروض وزنه ما يزيدش عن 110 كيلو جرام.

تجربة المستخدم

• أنا اشتريتها من فترة ليا أنا ومراتي لاستخدامنا في البيت والحقيقة ماشية معانا كويس وبنمشي عليها في اوقات مختلفة ومفيش منها مشاكل.
• هي جميلة ومفيدة، لكن محتاجة حماس جامد. وأنا بعد فترة بقيت بكسل، ودي مشكلتي.

شوف المشاية الكهربائية Sprint Sports – موتور DC- ١٢٠ كيلو من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

أمنية عزمي، بكتب من سنتين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها علشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.