كتب: خالد عاصم

أخيرًا بدأت تتوافر موبايلات شركة Vivo بشكل رسمي في السوق المصري، وده ليه مميزات متعددة أبرزها وصول عملاق من عمالقة الصين للسوق المصري، عملاق بيتميز بمجموعة كبيرة من الموبايلات المتميزة اللي هتوفر تنوع كبير في السوق المصري، ومن بين موبايلات Vivo اللي وصلت فعلًا للسوق المصري، موبايل Vivo Y15 اللي هنتكلم عنه النهاردة.

من خلال المقال ده هنتكلم عن موبايل Vivo Y15 وهنتعرف على مميزاته وعيوبه في ضوء مراجعتنا لمواصفاته الرسمية و كمان هنعرف متوسط أسعاره في السوق المصري، ولو عجبكم الموبايل هتقدروا تطلبوه من خلالنا في ياقوطة وهيوصلكم لحد باب البيت أو مكان ما تحبوا بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Vivo Y15

المواصفات

• تاريخ الإعلان عن الموبايل: مايو ٢٠١٩.
• تاريخ إصدار الموبايل: مايو ٢٠١٩.
• أبعاد الموبايل: ٨.٩ × ٧٦٫٨ × ١٥٩٫٤ مم.
• وزن الموبايل: ١٩٠ جرام.
• شرائح الموبايل: شريحتين.
• شاشة الموبايل: موبايل Vivo Y15 بييجي بشاشة IPS LCD بقطر ٦٫٣٥ وتصميم شق قطرة المياه ومعدل الشاشة ١٩.٥:٩. دقة شاشة الموبايل ١٥٤٤ × ٧٢٠ بيكسل بكثافة ٢٦٨ بيكسل لكل بوصة والشاشة بتشغل حوالي ٨١.٤ % من مساحة الموبايل الأمامية 
• أداء الموبايل: الموبايل بيعتمد على بروسيسور MediaTek Helio P22 وده بروسيسور ثماني النواة بسرعة ٢.٠ جيجا هيرتز لكل شرايحه اللي من نوع Cortex-A53 والبروسيسور ده مدمج بيه بروسيسور جرافيكس PowerVR GE8320 وبييجي الموبايل بإصدار واحد بذاكرة عشوائية ٤ جيجابايت رام وبذاكرة داخلية ٦٤ جيجابايت وبيقبل كروت الميموري لحد ٢٥٦ جيجابايت من خلال منفذ مستقل.
• نظام التشغيل: نظام تشغيل أندرويد 9.0 باي بواجهة مستخدم Funtouch 9
• الكاميرا: موبايل Vivo Y15 بييجي بكاميرا خلفية ثلاثية العدسات بقوة ١٣ ميجا بيكسل بفتحة مستشعر f/2.2 للعدسة الأولى وبقوة ٨ ميجا بيكسل بفتحة مستشعر f/2.4 للعدسة التانية بالغة العرض وبقوة ٢ ميجا بيكسل بفتحة f/2.4 للعدسة التالتة الخاصة باستشعار عمق الصورة وبتمتاز الكاميرا بتقنية التركيز التلقائي PDAF وتقنية HDR وبتقدر تصور صور بتأثير بوكيه وبتصور فيديو بجودة 1080p بمعدل ٣٠ إطار في الثانية ومدعومة بإضاءة فلاش ليد فردية، الكاميرا الأمامية بقى قوتها ١٦ ميجا بيكسل وهي عدسة عريضة بفتحة f/2.0 وبتصور فيديو بجودة 1080p بمعدل ٣٠ إطار في الثانية.
• مستشعرات الموبايل: الموبايل فيه ماسح بصمة خلفي وكمان فيه مستشعرات التقارب والتسارع والبوصلة.
• المنافذ: منفذ ٣٫٥ مم ومنفذ microUSB 2.0.
• البطارية: بيعتمد موبايل Vivo Y15 على بطارية سعتها ٥٠٠٠ مللي أمبير في الساعة مش مدعومة بأي نوع من أنواع تقنيات الشحن السريع.
• الألوان المتاحة من الموبايل: الأحمر – الأزرق.

مزايا وعيوب موبايل Vivo Y15

مزايا عيوب Vivo Y15

• تصميم الموبايل ممتاز جدّا سواء من حيث الضهر أو تصميم الشاشة واعتمادها على تصميم شق قطرة المياه.
• بيوفر الموبايل شاشة قطرها ٦٫٣٥ بوصة وده بيدي مساحة رؤية ممتازة وقطر الموبايل كمان متوسط بالنسبة للقياسات المتوفرة دلوقتي
• الموبايل بيدعم كروت الميموري لحد ٢٥٦ جيجابايت ومن خلال منفذ مستقل مش بيأثر على استخدام شريحتين الاتصالات.
• رامات الموبايل عالية بالنسبة للفئة السعرية ودي ميزة مهمة.
• مساحة التخزين الداخلية مقبولة جدًا وخصوصًا إن الموبايل بيقبل كروت الميموري.
• الموبايل بيشتغل بنظام تشغيل اندرويد ٩ باي وده بيدي احتمالية ترقيته لنظام اندرويد ١٠.
• بيتميز موبايل Vivo Y15 بكاميرا خلفية ثلاثية العدسات بتتميز بالتنوع من حيث الوظائف.
• الكاميرا الخلفية فيها عزل طبيعي بفضل العدسة المخصصة لاستشعار عمق الصورة.
• العدسة الرئيسية للكاميرا الخلفية مدعومة بتقنية التركيز التلقائي PDAF
• الكاميرا الأمامية قوية ومتميزة من حيث الدقة ومن حيث إنها عريضة.
• الموبايل فيه منفذ ٣٫٥ مم.
• الموبايل بيدعم تقنية البلوتوث بإصدار ٥.٠.
• الموبايل فيه إف إم راديو مدمج.
• ماسح البصمة الخلفي سريع وبيتميز بالدقة.
• الموبايل بيدعم خاصية USB On the Go
• بطارية الموبايل ضخمة سعتها ٥٠٠٠ ميللي أمبير في الساعة.

عيوب موبايل Vivo Y15

• المواد المصنوع منها الهاتف مش محددة بشكل رسمي بس على الأغلب بيعتمد على البلاستيك.
• الموبايل مش محمي ضد الغبار والغمر في المياه.
• لا ضهر الموبايل ولا الشاشة محميين بأي إصدار من إصدارات زجاج كورنينج جوريلا جلاس.
• شاشة الموبايل من نوع IPS LCD مش من نوع AMOLED
• دقة عرض الشاشة اقتصادية في الوقت اللي بينتمي فيه الموبايل على مستوى السعر للموبايلات المتوسطة.
• الموبايل بيعتمد على معالج ضعيف نسبيًا رغم إنه ثماني النواة بس سرعته ضعيفة وكمان الشرايح اللي بيعتمد عليها ضعيفة وده بينطبق على معالج الرسوميات كمان.
• الموبايل مش بيوفر إصدارات متعددة.
• الكاميرا الخلفية للموبايل كويسة بس مش بتتميز بإمكانيات متطورة.
• الموبايل مفيهوش تقنيات صوتية متطورة.
• الموبايل بيعتمد على منفذ microUSB وده مبقاش مقبول حتى في الفئة السعرية دي.
• الموبايل مفيهوش مستشعر الدوران يعني مش هيشغل تطبيقات وألعاب الواقع الافتراضي.
• بطارية الموبايل مش مدعومة بأي نوع من أنواع تقنيات الشحن السريع.

اتعرف على عروض أسعار موبايل Vivo Y15 المتوفر على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.