كتب: خالد عاصم

موبايلات Tecno من بين أكتر الموبايلات المفضلة عند المستهلك المصري وده لأنها بتركز على فئة مهمة ومن بين أكتر الفئات المنتشرة وهي الفئة الاقتصادية، وبتقدر تقدم موبايلات شكلها حلو وإمكانياتها كويسة وفي نفس الوقت سعرها أرخص من سعر أي موبايل تاني تقريبًا، ويعتبر موبايل Tecno Spark 2 دليل كبير على ده بسبب سعره المنخفض وإمكانياته المقبولة جدًا اللي بتخليه تقريبًا بعيد عن المنافسة مع أي موبايل تاني.

في المقال ده هنتكلم عن واحد من موبايلات Tecno الاقتصادية المتميزة Tecno Spark 2 وهنتعرف على مميزاته وعيوبه ونقاط قوته وضعفه وكمان متوسط سعره في السوق، ولو عجبك الموبايل هتقدر تطلبه من خلالنا في ياقوطة وهيوصلك لحد باب البيت أو مكان ما تحب بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Tecno Spark 2

المواصفات

• تاريخ الإعلان عن الموبايل: يونيو ٢٠١٨.
• تاريخ طرح الموبايل في الأسواق: يونيو ٢٠١٨.
• أبعاد الموبايل: ٧.٨ × ٧٦.٢ × ١٥٩.٤ مم.
• وزن الموبايل: ١٧٥ جرام.
• شرائح الاتصال: ثنائي الشريحة.
• شاشة الموبايل: شاشة الموبايل كاملة قطرها ٦.٠ بوصة ومعدلها ١٨:٩ وده بيخليها تشغل حوالي ٧٦.٥ % من مساحة الموبايل الأمامية. والشاشة بتقدم دقة عرض ١٤٤٠ × ٧٢٠ بيكسل بكثافة ٢٦٨ بيكسل لكل بوصة والشاشة مصنوعة من شرائح IPS LCD ومحمية بزجاج كورنينج جوريلا جلاس مش محدد الإصدار.
• أداء الموبايل: معالج MediaTek MT6580 رباعي النواة وسرعته ١.٣ جيجا هيرتز لأربع شرائح من Cortex-A7 والمعالج مدمج بمعالج جرافيكس Mali-400MP2. والموبايل بيصدر بإصدار بذاكرة عشوائية سعتها ١ جيجابايت وبذاكرة عشوائية سعتها ١٦ جيجابايت وممكن زيادة مساحة الموبايل التخزينية بكروت الذاكرة الخارجية لحد ٣٢ جيجابايت.
• نظام التشغيل: الموبايل بيشتغل بنظام تشغيل أندرويد ٨٫١ أوريو إصدار اندرويد جو.
• الكاميرا: الموبايل الكاميرا الخلفية بتاعته بقوة ١٣ ميجا بيكسل وفتحة مستشعر f/2.0  والكاميرا مدعومة بتقنية HDR ومدعومة بإضاءة فلاش ليد ثلاثية وبتقدر تصور الفيديو بجودة 1080p بمعدل ٣٠ إطار في الثانية، أما الكاميرا الأمامية فقوتها ٨ ميجا بيكسل وكاميرا الموبايل الأمامية مدعومة بإضاءة فلاش ليد زوجية.
• منفذ توصيل السماعات السلكية ٣٫٥ مم: متوفر.
• منفذ الشحن ونقل البيانات: microUSB 2.0.
• ماسح البصمة: خلفي.
• المستشعرات: التسارع – التقارب.
• البطارية: بطارية الموبايل غير قابلة للإزالة سعتها ٣٥٠٠ مللي أمبير في الساعة. 
• إصدارات ألوان الموبايل: أسود – ذهبي – أحمر – أزرق.

مزايا وعيوب موبايل Tecno Spark 2

مزايا Tecno Spark 2

• لو لسا مش مقتنع بالموبايلات اللي فيها شق أو ثقب للكاميرا الأمامية وبتحب تصميم الشاشات الكاملة يبقى ده أنسب موبايل ليك في الفئة دي لأن Tecno Spark 2 بيعتمد على تصميم الشاشة الكاملة من غير أي إضافات
• بتعتمد شاشة الموبايل على معدل ١٨:٩ للشاشات الكاملة الطويلة
• بيتميز الموبايل بوزن مقبول جدًا وقريب من الموبايلات الأعلى في الفئة السعرية يعني مش خفيف أوي على الرغم من اعتماده على البلاستيك بشكل كلي
• قطر الشاشة كبير ومساحة الرؤية كويسة جدًا وعلى الرغم من أن تصميمها مفيهوش وسائل جديدة للتعامل مع الكاميرا الأمامية إلا أن المساحة اللي بتشغلها كويسة جدا وبتوصل لنسبة مقبولة جدًا
• الشاشة محمية بزجاج كورنينج جوريلا جلاس ودي نقطة تفوق واضحة للموبايل
• الموبايل بيقبل كروت الميموري
• الموبايل بيشتغل بإصدار اندرويد جو اللي بيوفر تجربة استخدام خفيفة لنظام تشغيل اندرويد ٨٫١ أوريو حتى مع الأجهزة منخفضة الإمكانيات
• الكاميرا الخلفية قوتها مقبولة جدًا وأداءها جيد كمان في الإضاءة المرتفعة اما الإضاءة المنخفضة فالموبايل حاول يساعد على تحسين التصوير فيها من خلال توفير إضاءة فلاش ليد ثلاثية
• الكاميرا الأمامية كمان أداءها مقبول بالنسبة للفئة السعرية دي
• الكاميرا الأمامية فيها إضاءة فلاش ليد زوجي عشان توفر قدرة تصوير صور واضحة في الإضاءة المنخفضة
• الموبايل فيه منفذ ٣٫٥ مم
• بيتميز براديو إف إم بصوت ستيريو
• فيه ماسح بصمة خلفي
• بطارية موبايل Tecno Spark 2 ممتازة وسعتها كبيرة وأداءها أكتر من ممتاز بفضل سعتها وبفضل إن الشاشة والمعالج مش بيستهلكوا طاقة عالية

عيوب موبايل Tecno Spark 2

• الموبايل بيعتمد على البلاستيك بشكل كامل في صناعة الهيكل والضهر
• ضهر الموبايل مش محمي بأي نوع من أنواع الزجاج المقوى
• شاشة الموبايل أداءها ضعيف شوية خصوصاً مع استخدامها في الإضاءة المنخفضة
• دقة عرض شاشة Tecno Spark 2 هو المعتاد في الموبايلات الاقتصادية واللي بيعتبر ضعيف بطبيعة الحال
• معالج الموبايل بدائي جدًا وماتتوقعش منه أداء متميز حتى مع المهام المتوسطة
• الذاكرة العشوائية ١ جيجابايت رام بس ودي منخفضة بشكل واضح
• المساحة التخزينية للموبايل محدودة
• كروت الميموري اللي بيدعمها الموبايل أقصى سعة ليها ٣٢ جيجابايت وده صحيح بيزود المساحة التخزينية بس بقدر محدود جدا
• الموبايل مش بيقدر ياخد صور بوكي طبيعية من خلال الكاميرا الخلفية لعدم توافر عدسة تانية لاستشعار عمق الصورة
• بيعتمد على منفذ microUSB 2.0.
• الموبايل مستشعراته محدودة وأساسية بس.
• الموبايل مش بيدعم أي تقنية من تقنيات الشحن السريع.

شوف عروض أسعار موبايل Tecno Spark 2 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.