كتب: خالد عاصم

النهاردة هنتكلم عن واحد من أفضل موبايلات الفئة المتوسطة الداعمة لتقنية 5G، موبايل Samsung Galaxy A52s 5G اللي هنعرف مواصفاته ومميزاته وعيوبه وسعره في السوق المصري.

ولو الموبايل عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Samsung Galaxy A52s 5G

• أبعاد الموبايل: ٨.٤ × ٧٥.١ × ١٥٩.٩ مم.
• وزن الموبايل: ١٨٩ جرام.
• البناء والصناعة: هيكل وظهر من البلاستيك بزجاج أمامي محمي بطبقة من زجاج كورنينج جوريلا جلاس الإصدار الخامس.
• حماية الهاتف: يتمتع الهاتف بحماية ضد الغبار والغمر في المياة طبقًا لمعيار IP67.
• شاشة الموبايل: شاشة Super AMOLED كاملة بثقب في المنتصف قطرها ٦.٥ بوصة ومعدلها ٢٠:٩ وده بيخليها تشغل حوالي ٨٤.٩ في الميه من مساحة الموبايل الأمامية. والشاشة بتقدم دقة عرض ٢٤٠٠ × ١٠٨٠ بيكسل بكثافة ٤٠٥ بيكسل لكل بوصة والشاشة بتدعم معدل تحدي شاشة ١٢٠ هيرتز ومحمية بزجاج كورنينج جوريلا جلاس الإصدار الخامس.
• أداء الموبايل: معالج كوالكوم سنابدراجون 778G بمعمارية ٦ نانوميتر ثماني النواة والمعالج مدمج بمعالج جرافيكس Adreno 642L. والموبايل بيصدر بإصدارات بذاكرة عشوائية ٦ جيجابايت رام أو ٨ جيجابايت رام وبذاكرة داخلية سعتها ١٢٨ جيجابايت أو ٢٥٦ جيجابايت وممكن زيادة مساحة الموبايل التخزينية بكروت الذاكرة الخارجية من خلال منفذ شريحة الاتصال الثانية.
• نظام التشغيل: الموبايل بيشتغل بنظام تشغيل أندرويد ١١ بواجهة مستخدم One UI 3.1
• الكاميرا: الموبايل الكاميرا الخلفية بتاعته رباعية العدسات بقوة ٦٤ ميجا بيكسل وفتحة مستشعر f/1.8 للعدسة الأولانية العريضة المدعومة بتقنية PDAF وبمثبت صورة بصري وبقوة ١٢ ميجا بيكسل بفتحة مستشعر f/2.2 للعدسة التانية فائقة العرض وبقوة ٥ ميجا بيكسل بفتحة مستشعر f/2.2 للعدسة التالتة الخاصة بتصوير صور الماكرو وبقوة ٥ ميجا بيكسل بفتحة f/2.2 للعسة الخاصة باستشعار عمق الصورة والكاميرا مدعومة بإضاءة فلاش ليد فردية وبتقدر تصور الفيديو بجودة 2160p بمعدل ٣٠ إطار في الثانية وبجودة 1080p بمعدلات ٣٠/٦٠ إطار في الثانية، أما الكاميرا الأمامية فعدستها عريضة بقوة ٣٢ ميجا بيكسل وفتحة مستشعر f/2.2 والكاميرا مدعومة بتقنية HDR وبتقدر تصور الفيديو بجودة 4K بمعدل ٣٠ إطار في الثانية وبجودة 1080p بمعدل ٣٠ إطار في الثانية.
• ماسح البصمة: مدمج أسفل الشاشة.
• المستشعرات: التسارع – الدوران – التقارب – البوصلة.
• البطارية: بطارية الموبايل غير قابلة للإزالة سعتها ٤٥٠٠ مللي أمبير في الساعة وبتدعم تقنية الشحن السريع بقوة ٢٥ وات.

مزايا وعيوب موبايل Samsung Galaxy A52s 5G

مزايا موبايل Samsung Galaxy A52s 5G

• الموبايل بيتميز بأبعاد مقبولة جدًا ووزن مقبول مش تقيل ولا خفيف وده بيخليه سهل الاستخدام ومش مزعج إطلاقًا
• شاشة الموبايل محمية بطبقة من زجاج كورنينج جوريلا جلاس الإصدار الخامس
• الموبايل محمي ضد الغبار والغمر في المياه لمدة نص ساعة ولحد ٣٠ دقيقة
• الموبايل بيدعم تقنية 5G وبيعتبر من أفضل موبايلات الفئة المتوسطة الداعمة للتقنية دي
• شاشة Super AMOLED ممتازة سواء من حيث التصميم أو نسبة شغل الشاشة للمساحة الأمامية أو دقة العرض العالية والشاشة بتدعم معدل تحديث ١٢٠ هيرتز يعني شاش ممتازة جدًا من أغلب الوجوه
• الموبايل بيعتمد على معالج كوالكوم سنابدراجون 778G 5G وهو معالج من أفضل معالجات الفئة المتوسطة المتوفرة حاليًا في الموبايلات المنتمية للفئة دي وه بفضل دعمه لتقنية 5G وبفضل أداءه المتميز ومعالج الرسوميات القادر على تشغيل عدد كبير من الألعاب
• الموبايل بيصدر بإصدارات متعددة قوية جدًا وبذاكرة داخلية كبيرة من فئة سريعة
• الموبايل بيدعم كروت الميموري
• بيقبل الترقية لنظام تشغيل اندرويد ١٢ أحدث إصدارات نظام تشغيل اندرويد
• الكاميرا الخلفية كويسة جدًا بعدسة رئيسية بدقة ٦٤ ميجا بيكسل وعدسة بالغة العرض قوية بالمقارنة لعدد من الموبايلات التانية وكمان عدسات الماكرو والبورتريه بدقة ٥ ميجا بيكسل مش ٢ ميجا بيكسل زي كتير من الموبايلات التانية
• العدسة الرئيسية للكاميرا الأمامية مدعومة بمثبت صورة بصري وتصوير الفيديو مدعوم بمثبت صورة إلكتروني كمان
• الكاميرا الأمامية ممتازة ودقتها عالية وأداءها قوي جدًا وكمان بتصور الفيديو لحد جودة 4K
• سماعات ستريو
• الموبايل بيدعم تقنية NFC
• ماسح بصمة مدمج أسفل الشاشة أفضل من الإصدارات اللي فاتت من الفئة دي
• بطارية ممتازة سعتها ٤٥٠٠ ميللي أمبير في الساعة ومدعومة بتقنية الشحن السريع بقوة ٢٥ وات

عيوب موبايل Samsung Galaxy A52s 5G

• الموبايل بيعتمد على البلاستيك على مستوى الضهر وعلى مستوى الهيكل
• الشاشة مش بتدعم تقنية HDR10
• الموبايل بيقبل كروت الميموري بس من خلال منفذ شريحة الاتصال الثانية
• الموبايل مش بيدعم دقة صوت عالية ولا بيدعم صيغ صوت لاسلكي عالية
• مش بيعتمد على أحدث إصدارات تقنية بلوتوث

اتعرف على عروض أسعار موبايل Samsung Galaxy A52s 5G من هنا.

اتعرف على عروض أسعار مختلف موبايلات سامسونج المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.