كتب: خالد عاصم

بعد أيام من إعلان Xiaomi عن موبايل Redmi 9T في العالم، الموبايل بقى متوفر فعلًا في مصر وبسعر ممتاز جدًا ومنافس جدًا وفي المقال ده هنتعرف على مواصفات الموبايل الجديد وكمان هنتعرف على مميزاته وعيوبه ومتوسط سعره في السوق المصري.

ولو الموبايل عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Redmi 9T

المواصفات

• أبعاد الموبايل: ٩.٦ × ٧٧.٣ × ١٦٢.٣ مم بوزن ١٩٨ جرام.
• البناء والصناعة: هيكل وضهر من البلاستيك بزجاج أمامي بطبقة حماية من زجاج كورنينج جوريلا لإصدار التالت
• الشاشة: شاشة IPS LCD بتصميم شق قطرة المياه قطرها ٦.٥٣ بوصة بمعدل ١٩.٥:٩ بتستحوذ على نسبة حوالي ٨٣.٤ % من مساحة الموبايل الأمامية ودقة عرضها ٢٣٤٠ × ١٠٨٠ بيكسل بكثافة ٣٩٥ بيكسل لكل بوصة والشاشة محمية بزجاج كورنينج جوريلا الإصدار الثالث.
• المكونات الداخلية: بيعتمد الموبايل على معالج كوالكوم سنابدراجون ٦٦٢ بمعمارية ١١ نانوميتر ثماني النواة ومدمج بيه معالج رسوميات Adreno 610 وبيصدر الموبايل بإصدارdk بذاكرة عشوائية سعتها ٤ جيجابايت رام بذاكرة داخلية سعتها ٦٤ جيجابايت أو ١٢٨ جيجابايت وإصدار بذكرة عشوائية سعتها ٦ جيجابايت رام بذاكرة داخلية سعتها ١٢٨ جيجابايت وبيدعم الموبايل كروت الميموري من خلال منفذ مستقل.
• نظام التشغيل: اندرويد ١٠ بواجهة مستخدم MIUI 12
• الكاميرا الخلفية: كاميرا خلفية رباعية العدسات مكونة من عدسة رئيسية عريضة بدقة ٤٨ ميجا بيكسل بفتحة f/1.8 مدعومة بتقنية التركيز التلقائي PDAF ومن عدسة بالغة العرض بدقة ٨ ميجا بيكسل بفتحة f/2.2 ومن عدسة خاصة باستشعار عمق الصورة بدقة ٢ ميجا بيكسل بفتحة f/2.4 وعدسة مطابقة ليها خاصة بالتقاط صور الماكرو والكاميرا بتقدر تصور الفيديو بجودة 1080p بمعدل ٣٠ إطار في الثانية
• الكاميرا الأمامية: بدقة ٨ ميجا بيكسل بفتحة f/2.1 وبتدعم الكاميرا تصوير الفيديو بجودة 1080p بمعدل ٣٠ إطار في الثانية
• تقنيات صوتية: سماعات ستيريو ودعم دقة صوت ٢٤ بت/١٩٢ كيلو هيرتز
• المنافذ: منفذ ٣٫٥ مم ومنفذ USB Type-C
• ماسح البصمة: جانبي.
• البطارية: غير قابلة للإزالة سعة ٦٠٠٠ ميللي أمبير في الساعة بتدعم تقنية لشحن السريع بقوة ١٨ وات والشحن العكسي بقوة ٢٫٥ وات

مزايا وعيوب موبايل Redmi 9T

مزايا موبايل Redmi 9T

• وزن الموبايل مش خفيف وقريب من الموبايلات الرائدة وده بيدي إحساس بقوة الموبايل لما تمسكه
• شاشة الموبايل بتتمتع بحماية ضد الخدش من زجاج كورنينج جوريلا جلاس الإصدار التالت
• بيتمتع الموبايل بطلاء مقاوم للمياه
• تصميم الموبايل جذاب جدًا سواء على مستوى الشاشة أو على مستوى الضهر اللي إطار الكاميرا فيه ممتاز وقريب من موبايلات كتير غالية
• شاشة الموبايل بتستحوذ على نسبة كبيرة من المساحة الأمامية وبقطرها ده بتوفر مساحة رؤية ممتازة
• دقة عرض الشاشة عالية على عكس موبايلات كتير في الفئة السعرية دي
• الموبايل بيعتمد على معالج مقبول جدًا في الفئة السعرية دي
• إصدارات قوية على مستوى الذاكرة العشوائية والداخلية
• الموبايل بيعتمد على ذاكرة داخلية من فئات حديثة عالية من حيث السرعة
• الموبايل بيقبل كروت الميموري من خلال منفذ مستقل مش بيأثر على استخدام شرايح الاتصال
• نظام صوتي ممتاز لأن الموبايل فيه سماعات ستريو وكمان بيدعم دقة صوت عالية
• كاميرا خلفية كويسة جدًا بالنسبة للفئة دي وهتقدر تعتمد عليها كتير في التصوير من غير مشاكل
• الموبايل فيه مرسل للأشعة تحت الحمراء
• بطارية قوية جدًا سعتها ٦٠٠٠ ميللي أمبير في الساعة بتدعم تقنية الشحن السريع وكمان ممكن استخدام الموبايل في شحن الأجهزة التانية من خلال كابل USB Type-C

عيوب موبايل Redmi 9T

• الموبايل مصنوع بالكامل من البلاستيك
• الشاشة مفيهاش أي تقنيات إضافية
• الكاميرا الخلفية مش بتدعم تصوير الفيديو بجودة 4K ومش بتدعم معدل ٦٠ إطار في الثانية ولا التصوير البطيء
• تصوير الفيديو بالكاميرا الخلفية مفيهوش مثبت صورة إلكتروني
• الكاميرا الأمامية مش أحسن حاجة ممكن الحصول عليها في الفئة دي بس مقبولة
• الموبايل بيدعم تقنية الشحن السريع بس بقوة ١٨ وات بس ودي قليلة شوية على بطارية بالسعة دي

اتعرف على عروض أسعار موبايل Redmi 9T من هنا.

اتعرف على عروض أسعار مختلف موبايلات Xiaomi المتوفرة على ياقوطة من هنا.

اتعرف على عروض أسعار مختلف الموبايلات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.