كتب: خالد عاصم

على الرغم من القيود المفروضة على هواوي إلا أنها لسا بتقدر تقدم إضافات ممتازة لسوق الموبايلات ومن بينها موبايل Huawei Nova 7 اللي هنتكلم عنه النهاردة وهنتعرف على مميزاته وعيوبه بعد مراجعتنا لمواصفاته وتجربة استخدامه وكمان هنتعرف على متوسط سعره في السوق المصري.

ولو الموبايل عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Huawei Nova 7

المواصفات

• أبعاد الموبايل: ٨ × ٧٤.٣ × ١٦٠.٦ مم.
• وزن الموبايل: ١٨٠ جرام.
• شاشة الموبايل: بيعتمد الموبايل على شاشة OLED بتصميم الثقب وقطر الشاشة ٦.٥٣ بوصة بمعدل الشاشات الطويلة ٢٠:٩ وبتستحوذ على نسبة حوالي ٨٦.٣ % من مساحة الموبايل الأمامية أما دقتها فتبلغ ٢٤٠٠ × ١٠٨٠ بيكسل بكثافة ٤٠٣ بيكسل لكل بوصة.
• أداء الموبايل: معالج HiSilicon Kirin 985 بمعمارية ٧ نانوميتر ثماني النواة والمعالج مدمج بمعالج جرافيكس Mali-G77. والموبايل متوفر في مصر بإصدار بذاكرة عشوائية سعتها ٨ جيجابايت رام  وبذاكرة داخلية ٢٥٦ جيجابايت وممكن زيادة السعة التخزينية للموبايل من خلال كروت الميموري.
• نظام التشغيل: الموبايل بيشتغل بنظام تشغيل أندرويد ١٠ بواجهة مستخدم EMUI 10.1
• الكاميرا: الموبايل الكاميرا الخلفية بتاعته رباعية العدسات بقوة ٦٤ ميجا بيكسل وفتحة مستشعر f/1.8 للعدسة الأولانية العريضة وبقوة ٨ ميجا بيكسل للعدسة التانية بالغة العرض وبقوة ٨ ميجا بيكسل للعدسة التالتة المقربة وبقوة ٢ ميجا بيكسل بفتحة f/2.4 للعدسة الخاصة بالتقاط صور الماكرو والكاميرا مدعومة بتقنية التركيز التلقائي PDAF وتقنية HDR ومدعومة بإضاءة فلاش ليد فردية وبتقدر تصور الفيديو بجودة 1080p بمعدل ٣٠ إطار في الثانية وجودة 4K، أما الكاميرا الأمامية فعدستها عريضة بقوة ٣٢ ميجا بيكسل وفتحة مستشعر f/2.2 والكاميرا مدعومة بتقنية HDR وبتقدر تصور الفيديو بجودة 4K.
• منفذ توصيل السماعات السلكية ٣٫٥ مم: مش متوفر.
• منفذ الشحن ونقل البيانات: USB Type-C.
• ماسح البصمة: مدمج أسفل الشاشة.
• المستشعرات: التسارع – التقارب – الدوران – البوصلة.
• البطارية: بطارية الموبايل غير قابلة للإزالة سعتها ٤٠٠٠ مللي أمبير في الساعة وبتعتمد على تقنية الشحن السريع بقوة ٤٠ وات.

مزايا وعيوب موبايل Huawei Nova 7

مزايا موبايل Huawei Nova 7

• الموبايل من موبايلات الفئة المتوسطة القليلة في مصر اللي بتدعم تقنية 5G
• أبعاد الموبايل معقولة جدًا يعني مش سميك ولا تقيل ومش بيخلي تجربة استخدامه مرهقة
• تصميم أكتر من رائع سواء على مستوى الشاشة اللي بتعتمد على تصميم الثقب أو الكاميرا الخلفية الشبيهة جدًا بموبايلات رائدة من هواوي وده بيخلي اقتنائك للموبايل قيم جدًا
• شاشة OLED ممتازة على مستوى الوضوح والحدة في مختلف ظروف الاستخدام وخصوصًا في الإضاءة المباشرة
• الشاشة بتستحوذ على نسبة كبيرة من المساحة الأمامية في دلالة على جودة وروعة تصميم الموبايل
• قطر الشاشة مثالي مش كبير ومش صغير وده بيوفر كثافة عالية مع دقة العرض المرتفعة اللي بتدعمها
• موبايل Huawei Nova 7 بيعتمد على معالج ممتاز سواء على مستوى المعمارية أو على مستوى مكونات ترددات الشرائح اللي بتخليه واحد من أفضل المعالجات في الفئة السعرية دي وكمان معالج الرسوميات المدمج فيه ثماني النواة قوي جدًا على مستوى الألعاب
• ذاكرة عشوائية قوية سعتها ٨ جيجابايت رام
• ذاكرة داخلية ضخمة وكمان من فئة UFS 3.0
• كاميرا خلفية قوية بتعتمد على عدسة رئيسية ممتازة وكمان فيها عدسة مقربة تقريب بصري مع دعمها لجودة تصوير فيديو عالية ومتنوعة
• الكاميرا الأمامية أكتر من ممتازة وبتقدر تقدم أداء رائع ومنافس ده غير إنها بتقدر تصوير فيديو بجودة 4K
• تقنية بلوتوث إصدار ٥٫١ الحديثة
• الموبايل بيدعم تقنية الاتصال اللاسلكي قريب المجال
• ماسح بصمة بصري مدمج أسفل الشاشة سريع وأداءه ممتاز
• بطارية سعتها ٤٠٠٠ ميللي أمبير وبتدعم تقنية الشحن السريع بقوة ٤٠ وات واللي بتقدر تشحن البطارية لحد ٧٦ في الميه في ٣٠ دقيقة بس

عيوب موبايل Huawei Nova 7

• المواد المستخدمة في صناعة الهاتف مش محددة وعلى الأغلب بتعتمد على البلاستيك وكمان الموبايل مش بيتمتع بأي حماية من زجاج كورنينج جوريلا جلاس
• الموبايل مش بيتمتع بحماية ضد الغبار أو المياه
• شاشة الموبايل ممتازة بس بتفتقد لتقنيات كتير زي إنها مش بتدعم معل تحديث عالي ومش بتدعم تقنية HDR
• الموبايل مفيهوش طبعًا خدمات جوجل زي أي موبايل من موبايلات هواوي الأخيرة
• الموبايل مش بيقبل كروت ميموري
• الموبايل مفيهوش منفذ ٣٫٥ مم
• البطارية قوية بس مش الأعلى على مستوى السعة في مقابل موبايلات تانية كتير منافسة

اتعرف على عروض أسعار موبايل Huawei Nova 7 من هنا.

اتعرف على عروض أسعار مختلف موبايلات Huawei من هنا.

اتعرف على عروض أسعار مختلف الموبايلات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.