كتب: خالد عاصم

يعتبر موبايل Oppo Reno6 4G واحد من أنجح الموبايلات المتوفرة في السوق المصري حاليًا، بس ده مش معناه إنه بيخلو من العيوب أو إن مفيش منافسين تقال يقدروا يهددوا نجاحه ده، وفي المقال ده النهارده هنتكلم عن الموبايل تحديدًا وهنتعرف على مميزاته وعيوبه في ظل المنافسة القوية اللي بيعيشها السوق المصري في الفئة السعرية دي.

ولو موبايل عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Oppo Reno 4G

• أبعاد الموبايل: ٧٫8 × ٧٣٫٣ × ١٥٩.١ مم
• وزن الموبايل: ١٧٣ جرام
• البناء والصناعة: هيكل وضهر من البلاستيك بزجاج أمامي.
• شرائح الاتصال: شريحتين.
• الشاشة: شاشة AMOLED بتصميم الثقب أعلى اليسار قطرها ٦٫٤ بوصة أبعادها ٢٠:٩ وبتستحوذ على نسبة ٨٤.٨ في الميه من مساحة الموبايل الأمامية أما دقتها فتبلغ ٢٤٠٠ × ١٠٨٠ بيكسل بكثافة ٤١١ بيكسل لكل بوصة والشاشة بتدعم معدل تحديث ٩٠ هيرتز
• المكونات الداخلية: بيعتمد الموبايل على معالج كوالكوم سنابدراجون 720G ثماني النواة بمعمارية ٨ نانوميتر ومدمج فيه معالج رسوميات Adreno 618 وبيصدر الموبايل بإصدار واحد بذاكرة عشوائية سعتها ٨ جيجابايت رام بذاكرة داخلية سعتها ١٢٨ جيجابايت والموبايل بيقبل كروت الميموري من خلال منفذ مستقل.
• نظام التشغيل: اندرويد 11 بواجهة مستخدم ColorOS 11.1
• الكاميرا الخلفية: كاميرا خلفية رباعية بتتكون من عدسة رئيسية بدقة ٦٤ ميجا بيكسل بفتحة f/1.7 مدعومة بتقنية التركيز التلقائي PDAF ومعاها عدسة بالغة العرض بدقة ٨ ميجا بيكسل بفتحة f/2.2 بزاوية رؤية ١١٩ درجة، بالإضافة لعدستين ٢ ميجا بيكسل بفتحة f/2.4 واحدة لتصوير صور الماكرو والتانية أحادية اللون والكاميرا بتدعم تصوير الفيديو بجودة 4K بجودة ٣٠ إطار في الثانية وبجودة 1080p بمعدلات مختلفة ومتعددة وتصوير الفيديو مدعوم بمثبت صورة إلكتروني.
• الكاميرا الأمامية: بدقة ٤٤ ميجا بيكسل بفتحة f/2.4 والكاميرا بتدعم تصوير الفيديو بجودة 1080p معدلات ٣٠/١٢٠ إطار في الثانية
• إصدار بلوتوث: بلوتوث ٥.١
• تقنية NFC: متوفرة.
• ماسح البصمة: مدمج أسفل الشاشة.
• المستشعرات: التسارع – التقارب – الدوران – البوصلة.
• البطارية: غير قابلة للإزالة سعتها ٤٣١٠ ميللي أمبير في الساعة مدعومة بتقنية الشحن السريع بقوة ٥٠ وات بيتم شحنها من خلال منفذ USB Type-C

مزايا وعيوب Oppo Reno6 4G

مزايا Oppo Reno6 4G

• الموبايل أبعاده مريحة جدًا لأنه نحيف ووزنه مش تقيل إطلاقًا
• شاشة AMOLED بتصميم جذاب وبتتمتع بكل إمكانيات النوع ده من الشاشات من وضوح وحدة وكمان تصميمها جذاب جدًا وبتستحوذ على نسبة معقولة من المساحة الأمامية
• الشاشة بتدعم معدل تحديث مرتفع
• الموبايل بيعتمد على معالج من المعالجات الناجحة جدًا واللي بتتميز بأداء قوي على كل المستويات وإن كان برضه هو نفسه المستخدم في الإصدارات اللي فاتت من الموبايل وكمان بقى فيه موبايلات أقوى في الفئة السعرية دي
• إصدار قوي برامات ٨ جيجابايت رام بذاكرة كبيرة
• الموبايل بيقبل كروت الميموري
• كاميرا خلفية قوية خصوصًا على مستوى العدسة الرئيسية اللي بدقة عالية وبمستشعر مقبول وفتحة عدسة واسعة وكمان باقي العدسات مقبولة ده غير إنها مدعومة بإضاءة فلاش ليد مزدوجة وبتقدر تصوير الفيديو بأكتر من جودة عالية وبأكتر من تردد
• كاميرا أمامية قوية جدًا
• تقنية بلوتوث إصدار ٥٫١ بتقنية aptX HD
• تقنية الاتصال اللاسلكي قريب المدى NFC
• ماسح بصمة مدمج أسفل الشاشة
• بطارية قوية جدًا وكمان بتعتمد على تقنية شحن فائقة السرعة

عيوب Oppo Reno6 4G

• الموبايل بيعتمد على البلاستيك في صناعة الهيكل والضهر
• مش بيتمتع بأي حماية ضد الغبار أو المياه
• شاشة الموبايل مش محمية بأي طبقة من طبقات زجاج كورنينج جوريلا جلاس
• الشاشة بتكتفي بمعدل تحديث ٩٠ هيرتز وفيه موبايلات تانية كتير حاليًا في الفئة دي بتدعم معدل تحديث ١٢٠ هيرتز
• المعالج ممتاز زي ما قلنا بس زي ما عرفنا برضه إنه يعتبر قديم وهو نفسه اللي استخدم في موبايلات المجموعة دي اللي فاتت وكمان بقى فيه إصدارات أقوى من نفس فئة المعالج ده في موبايلات كتير متوفرة في الفئة السعرية نفسها.
• الموبايل مش بيتميز بسماعات ستريو
• مش بدعم أي تقنية صوتية عالية الجودة أو دقة صوت مرتفعة

اتعرف على عروض أسعار موبايل Oppo Reno6 4G من هنا.

اتعرف على عروض أسعار مختلف موبايلات Oppo من هنا.

اتعرف على عروض أسعار مختلف الموبايلات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.