كتب: خالد عاصم

بتقدم شركة Realme مجموعة كبيرة من الموبايلات الاقتصادية الرخيصة اللي بتقدم بديل ممتاز للموبايلات اللي بتقدمها شركات أقل موثوقية من Realme، ومن بين موبايلات Realme الاقتصادية الرخيصة اللي بتجمع بين التصميم الجيد والإمكانيات المقبولة، موبايل Realme C30s اللي هنتعرف عليه بالتفصيل في المقال ده، ومن خلال مراجعتنا لمواصفاته هنقدر نحدد مميزاته وعيوبه.

ما تنسوش إن لو الموبايل عجبكم هتقدروا تطلبوه من خلالنا في ياقوطة ودلوقتي مع شهري، تقدر تشتري أي موبايل أو تابلت بدون مقدم ولغاية 36 شهر لدى شركائنا، واللي ممكن تعرفهم من أبليكيشن شهري.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Realme C30s

المواصفات

• أبعاد الموبايل: ٨.٥ × ٧٥.٧ × ١٦٤.٢ مم.
• وزن الموبايل: ١٨٦ جرام.
• البناء والصناعة: هيكل وظهر من البلاستيك بزجاج أمامي.
• شرائح الاتصال: ثنائي الشريحة.
• شاشة الموبايل: شاشة IPS LCD بتصميم شق قطرة المياه قطرها ٦.٥ بوصة ومعدلها ٢٠:٩ وده بيخليها تشغل حوالي ٨٢.١ في الميه من مساحة الموبايل الأمامية. والشاشة بتقدم دقة عرض ١٦٠٠ × ٧٢٠ بيكسل بكثافة ٢٧٠ بيكسل لكل بوصة
• أداء الموبايل: معالج رباعي النواة بتردد ١.٦ جيجا هيرتز ومعالج رسوميات IMG8322 والموبايل بيصدر بإصدار بذاكرة عشوائية ٢ جيجابايت رام وبذاكرة داخلية سعتها ١٦ جيجابايت وإصداربن بذاكرة عشوائية سعتها ٣ جيجابايت رام بذاكرة داخلية سعتها ٣٢/٦٤ جيجابايت وإصدار بذاكرة عشوائية سعتها ٤ جيجابايت رام بذاكرة داخلية سعتها ٦٤ جيجابايت وممكن زيادة مساحة الموبايل التخزينية بكروت الذاكرة الخارجية من خلال منفذ مستقل.
• نظام التشغيل: الموبايل بيشتغل بنظام تشغيل أندرويد ١٢ بواجهة مستخدم Realme GO UI.
• الكاميرا: الموبايل الكاميرا الخلفية بتاعته بعدسة واحدة بقوة ٨ ميجا بيكسل وفتحة عدسة f/2.0 والكاميرا مدعومة بتقنية التركيز التلقائي وتقنية HDR ومدعومة بإضاءة فلاش ليد فردية وبتقدر تصور الفيديو بجودة 1080p بمعدلات ٣٠ إطار في الثانية، أما الكاميرا الأمامية فعدستها بقوة ٥ ميجا بيكسل وبتقدر تصور الفيديو بجودة 1080p بمعدل ٣٠ إطار في الثانية.
• منفذ توصيل السماعات السلكية ٣٫٥ مم: متوفر.
• منفذ الشحن ونقل البيانات: microUSB.
• ماسح البصمة: جانبي.
• المستشعرات: التسارع – التقارب.
• البطارية: بطارية الموبايل سعتها ٥٠٠٠ مللي أمبير في الساعة.

مزايا وعيوب موبايل Realme C30s

مزايا موبايل Realme C30s

• الموبيل وزنه كويس مش تقيل بشكل كبير ومش خفيف بشكل يعكس اعتماده الكامل على البلاستيك، وصحيح هو مش نحيف بس سمكه مقبول جدأ
• تصميم الموبايل كمان مقبول وبيعتمد على البساطة بشكل واضح ودي ميزة للي بيحبوا التصاميم البسيطة خصوصًا على مستوى تصميم إطار الكاميرا الخلفية، أما الشاشة فبتعتمد على تصميم شق قطرة المياه المعتاد في الفئة دي
• شاشة الموبايل كبيرة نسبيًا وكويسة بشكل عام وبتدعم جودة HD Plus
• الموبايل بيعتمد على نسخة مخففة من نظام تشغيل اندرويد ١٢ عشان يقدر يقدم أداء جيد مع المعالج الضعيف بتاعة
• إصدارات مقبولة وبتقدم تنوع جيد
• الموبايل بيقبل كروت الميموري من خلال منفذ مستقل
• كاميرا خلفية مقبولة مدعوم بالتركيز التلقائي وبتدعم تصوير الفيديو بجودة 1080p
• الكاميرا الأمامية مقبولة وبتدعم تصوير الفيديو بجودة 1080p
• ماسح بصمة جانبي فعال وبيحسن من تصميم الموبايل ككل
• بطارية قوية جدًا وبتدعم الموبايل لفترة طويلة من العمل

عيوب موبايل Realme C30s

• الموبايل مصنوع بالكامل من البلاستيك وشاشته معليهاش أي طبقة حماية من أي نوع
• مفيش أي حماية ضد الغبار أو المياه من أي نوع
• معالج الموبايل ضعيف وإمكانياته محدودة ومش هيقدر يقدم أكتر من المهام الأساسية وبعض المهام البسيطة بس
• مفيش أي تقنيات صوتية إضافية
• التقنيات اللاسلكية قديمة
• بيعتمد على منفذ microUSB في الشحن
• بطارية قوية بس مش مدعومة بأي تقنية من تقنيات الشحن السريع

اتعرف على عروض أسعار موبايل Realme C30s من هنا.

اتعرف على عروض أسعار مختلف موبايلات Realme على ياقوطة من هنا.

اتعرف على عروض أسعار مختلف الموبايلات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.