كتبت: أمنية عزمي

المشي من الرياضات المهمة جدا والسهلة اللي ممكن أي حد يعملها وليه فوائد كتير جدا للجسم زي إنه بيجري الدورة الدموية  وبيعلي معدل حرق الدهون ومفيد جدا للناس اللي بتمشي على نظام غذائي للتخسيس وبيقوي عضلات الجسم وبيزيل التوتر والاكتئاب، لكن في ناس كتير مش بيتوفر عندها الوقت للنزول والمشي وبتفضل إنها تشتري مشاية كهربائية تستخدمها أي وقت بسهولة، والمشايات الكهربائية أنواعها كتير ومواصفاتها مختلفة لكن فيه مواصفات أساسية بتختار منها حسب الوزن وقدرة تحمل المشاية بالكيلو، ومدة تشغيل المشاية وبتتوقف على نوع المحرك هو AC وهي الفئة الأعلى وبتمتاز بطول فترة التشغيل، و DC بتكون محركاتها ضعيفة ومدة تشغيلها قصيرة وأعطالها كتير، ومواصفات تانية زي تعدد البرامج فيها والشاشة ال LCD ونظام الأمان وغيرها.

هنتكلم في المراجعة دي مع ياقوطة عن Daily Youth K|1335 مشاية كهربائية- 120 كيلو- أسود وهنتعرف على أهم مواصفاتها ومميزاتها وكمان عيوبها ورأي المستخدم فيها علشان تقدر تكون فكرة كاملة عنها، ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• الكود التعريفي للسلعة: DA227SPAHS6YNAFAMZ
• اللون: أسود.
• بلد الصنع: الصين.
• الموديل: K|1335
• أبعاد المنتج: 123×69×164 سم.
• الخامات الأساسية: معدن.
• فترة الضمان: 1 عام.

المميزات

• واحدة من أفضل الأجهزة اللي بتهتم بصحة الإنسان عن طريق المشي والجري وانت في مكانك بدون ما تحتاج تنزل وقوة تحملها 120 كيلو للجسم.
• مزود بمحرك من نوع DC من محركات التيار المستمر وقوته 2.5 حصان.
• الجهاز آمن للاستخدام وبيوفر عامل الأمان عن طريق سلك أو حبل آخره مشبك موصل بزر التشغيل وبتشبكة في ملابسك وبيوقف المشاية أتوماتيك عن الحركة فورا لو الشخص وقع من عليها.
• مزودة بأزرار للتحكم في التشغيل والإيقاف والسرعة المطلوبة وبتغيرها أثناء المشي حسب الرغبة من الأبطأ للأسرع والعكس.
• مزود بشاشة LCD بخلفية إضاءة زرقاء بتحتوي على 6 برامج ذكية للجري والمشي بتختار منها اللي يناسبك.
• بيبدأ من سرعة منخفضة 0.5 كيلو متر في الساعة وبالتالي بيتناسب مع كبار السن والناس المبتدأة وبتعلي السرعة بما يتناسب مع حالتك.
• بتقدر تتابع منها عدد السعرات اللي تم حرقها في فترة المشي وتتابع الوقت اللي مشيته في التمرين.
• بتساعدك في الحصول على جسم رشيق وحرق السعرات وانت في مكانك بدون تضييع وقت للنزول.
• مزودة بخاصية إظهار نبض القلب والمعدلات الصحيحة للنبض في كل السرعات حسب السن.

العيوب

• المحركات من نوع DC بتكون ضعيفة ومدة تشغيلها قصيرة لا تتعدى 20 دقيقة في المرة وأعطالها كتير بتحتاج صيانة مستمرة.
• فترة الضمان سنة قليلة لأن المحركات ال DC بتكون فترة ضمانها من سنة ل 4 سنوات.
• بتاخد مساحة كبيرة في المكان ومساحة كبيرة في التخزين.
• غير مزودة بفتحات لحفظ الأكواب أو زجاجة مياه زي باقي الأنواع.
• غير مزودة بجهاز مساج وتخسيس للبطم والأرداف.
• غير مزودة بفتحة للسماعات ولا مكان لل USB.
• غير مزودة بمسند أقدام لتمارين البطن والضهر.
• دايما بتقلل من الوزن اللي بتحمله المشاية 10 كيلو يعني لو مفروض بتتحمل 120 كيلو يبقى اللي بيستخدمها مفروض وزنه ما يزيدش عن 110.

تجربة المستخدم

• لما بمشي عليها 10 دقايق أو ربع ساعة بشم ريحة شياط لكن مفيش دخان ولا حاجة مع العلم ان وزني 95 كيلو لكن أختي لما بتمشي عليها وهي 79 كيلو مش بتعمل شياط.
• مشاكلها كتير وبتعطل كتير وموتورها ضعيف.

شوف Daily Youth K|1335 مشاية كهربائية- 120 كيلو- أسود من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

أمنية عزمي، بكتب من سنة ونص. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها علشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.