كتبت: أمنية عزمي

التليفونات الأرضية قاعدة كبيرة من الناس متمسكة باستخدامها لأن الشبكة فيه مش بتقطع وجودة الصوت فيها مميزة، وتكلفتها مناسبة خاصة لو كنت بتتكلم مكالمات طويلة، من أشهر أنواع التليفونات الأرضية اللاسلكية في جودتها هي اللي بتنتجها شركة باناسونيك وبتبدع في مواصفاتها زي موديل KX-TGC210 المميز بحجمه الصغير وشاشة عرضه الكبيرة اللي بتهر عليها رقم اللي بتتصل بيه، أزراره مصممة بالعناية اللي توفرلك الراحة في الاستخدام بالإضافة لمكبر صوت ممكن تتكلم من خلاله بحرية من غير ماتحتاج تمسك السماعة، وفيه وضع إيكو اللي بيوفر الطاقة بمعدل ٩٠٪ ولما بتختاره بيظهر على الشاشة، فيه ميزة حظر للمكالمات المزعجة.

هنتعرف بشكل مفصل أكتر مع ياقوطة على أهم مواصفات ومميزات وعيوب هاتف أرضي لاسلكي من باناسونيك- أسود- KX-TGC210  ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

المميزات

• مساحة التغطية في المنزل ٥٠ متر، مساحة مناسبة للبيوت.
• مساحة التغطية الخارجية (في الهواء الطلق) ٣٠٠ متر وبالتالي تقدر تستخدمه براحتك خارج المنزل.
• حجمه صغير ومش بياخد مساحة في المكان أبعاده حوالي ١٠٧ × ٩٦ مم تقريبًا.
• فيه شاشة عرض إل سي دي بحجم ١٫٦ بوصة بتقدر تشوف فيها بوضوح البيانات واسم المتصل، (تتطلب الاشتراك في الخدمة).
• بيحتوي على مكبر صوت بتقدر تنجز أعمالك وإنت بتتكلم بحرية وكمان تقدر تستخدمه في المكالمات الجماعية.
• خاصية إيكو (ECO) اللي بتخفض الطاقة بنسبة ٩٠٪ بإنها بتقلل الإشارات ولما بتختارها بتظهر عالشاشة.
• بيحتوي على دفتر للهاتف عبارة عن ذاكرة بتستوعب تسجيل ٥٠ اسم ورقم.
• مزود بذاكرة المكالمات التي لم يتم الرد عليها حتى ٥٠ رقم.
• ذاكرة المكالمات الصدارة ٥ أسماء وأرقام.
• فيه ميزة حظر المكالمات المزعجة بتقلل المكالمات الغير مرغوب فيها زي مندوبين التسويق وغيرهم وبقدر تحظر بها أي رقم محدد.
• مزود ببطارية 2XAAA نيكل ميتال هايدريد.
• بطارية قوية بتمنحك وقت للتحدث لمدة ١٠ ساعات بدون شحن، ووقت انتظاره بيستمر لـ ١٤٤ ساعة.
• فيه ٥ نغمات رنين و ١٠ ألحان ومستويات مختلفة للصوت بتختار منها اللي يناسبك.

العيوب

• مش بيحتوي على وضع الغفوة اللي بيوقف صوت التنبيه وبتحتاجه وقت النوم.
• مش بيحتوي على ميزة خفض الضوضاء في الخلفية.
• سماعة واحدة فقط.
• لا يحتوي على آنسر ماشين.

خدمة العملاء

• الخط الساخن لخدمة عملاء وصيانة باناسونيك مصر ١٩٠٥٨.
• فروع مراكز الصيانة والخدمة بتغطي جميع أنحاء الجمهورية.
• قطع غيار أصلية بالضمان وأسعارهم محددة.

تجربة المستخدم

• بتحرك به في البيت بشكل سهل بدون قيود ولمسافات بعيدة، أوقات بروح به عند الجيران والإشارة بتكون محتفظة بقوتها، بطاريته عمرها طويل وصوته واضح وحلو.

شوف هاتف أرضي لاسلكي من باناسونيك- أسود- KX-TGC210 من هنا.

قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن الكاتب

أمنية عزمي، بكتب من 7 شهور. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة 100%.