مواصفات وأسعار Smart ميكروويف٣٠ لتر
كتبت: أمنية عزمي
بتعتمد أجهزة الميكروويف على موجات كهرومغناطيسية عالية التردد بتسخن المية والدهون الموجودة في الأطعمة، الموجات دي بتعمل اهتزاز لجزئيات الطعام ودي الطريقة اللي بتسخنه بيها، وبكده يبقى الاستخدام الرئيسي للميكروويف هو تسخين الأكل المطبوخ سابقًا وممكن تكمل فيه تسوية الأكل المعمول نص سوى زي البطاطس المحمرة أو الأكلات الجاهزة النص سوى.
وهو من الأجهزة اللي بتوفرلك وقتك اللي بتستهلكه في الطبخ بالطرق التقليدية بشكل كبير، واستهلاكه للكهربا أقل كتير من استهلاك الأفران الكهربا التانية، تفدر تسخن غيه غداك أو عشاك وتقدر تجهز فيه أي نوع شوربة في وقت قياسي وطعم الأكل فيه بيكون ألذ.
ياقوطة هتاخدكم في جولة مع Smart ميكروويف ٣٠ لتر الأعلى مبيعًا على موقعها وهنقولكم فيها على مواصفاته ومميزاته وعيوبه ورأي المستخدمين فيه علشان لو عجبك وحبيت تشتريه تقدر تطلبه من خلالنا وهيوصلك في أسرع وقت.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع
المواصفات
| الموديل | SM-3030MS |
| اللون | فضي. |
| بلد المنشأ | تركيا. |
| كود المنتج | SM223HL1N30X6NAFAMZ |
المميزات
- التحكم الإلكتروني باللمس. سمارت ميكروويف بيتميز بسهولة التشغيل لإنك بتقدر تتحكم فيه باللمس من خلال لوحة إلكترونية بتختار منها البرنامج اللي بتظبطه عليه.
- القائمة التلقائية. فيه إمكانية اختيار الطبخ التلقائي بحيث انك لو مافتحتش الميكروويف بعد ٥ دقايق من إنتهاء عمله، وقتها بيفعّل خاصية الاحتفاظ بالحرارة تلقائي، وبيستمر لحد ما تفتح الباب.
- ٥ مستويات لطاقة الميكروويف. بتختار منها حسب احتياجك لتجهيز نوع الطعام، سواء تسخين أو طاقة أعلى تكمل تسوية الأكل.
- سعته الداخلية ٣٠ لتر، مناسب للكميات.
- بيوفر الوقت. ودي من أهم مميزاته مقارنة بالطرق التقليدية لإنه مش بياخد غير وقت قليل جدًا علشان يسخن أو يكمل تسوية الأكل ومش بتحتاج تفكر أو ترتب قبلها. يعني وقت ما تحب تاكل تجهز أكلك في وقت قياسي.
- إشارة نهاية الطهي. الميكروويف فيه مؤقت بتظبطه بالتوقيت اللي محتاجة وبيطفي أتوماتيك، وبيديك إشارة إنه خلص وتقدر تظبطه أوقات مختلفة حسب نوع الأكل فيه والوقت اللي محتاجة.
- سرعة وإزالة التذويب. مزود ببرنامج لإزالة التجميد عن الأطعمة وتهيئتها للتسخين أو الطبخ.
- وظيفة الطهي متعدد المراحل. بتقدر تستخدمها إنك تذوب الأكل المجمد وبعدين تسخنه وممكن تسيبه لمرحلة الطهو لو محتاج.
- خاصية الإغلاق الآمن للأطفال. بيوفرلك أمان إضافي للأطفال بحيث إنه بيمنع لعبهم فيه بصوابعهم الصغيرة وتغيير البرنامج أو تشغيله.
- حجمه صغير وشكله أنيق واستخدامه سهل. بيمتاز ميكروويف سمارت SM3030-MS بإن حجمه صغير مش هياخد حيز في المطبخ وشكله أنيق وشيك وإضافة لمطبخك واستخدامه سهل حتى للأطفال لو حبيت تخليهم يستخدموه بنفسهم.
- سهل في صيانته وتنظيفه. كل اللي هتحتاجة قماشة قطن مبلولة مية أو قطعة إسفنج وتمسح بيها الفرن من جوة وانتهى.
العيوب
- محتاج تستخدم فيه أدوات معينة مخصصة للميكروويف زي البايركس وأنواع مخصوصة من البلاستيك والكوبايات لإن البلاستيك العادي ممكن يتحلل مع الطعام بالإضافة لإن الأنواع العادية بتنمع وصول الموجات للطعام.
- فيه خطورة على الناس اللي بتستخدم جهاز ضبط نبضات القلب، لإن لو باب الميكروويف مش مقفول كويس بيأثر بالسلب عل جهاز ضبط النبضات، علشان كده كل الأجهزة الحديثة فيها خاصية إنها متشتغلش غير لو الباب محكم الغلق.
- لازم تمشي على التعليمات الخاصة وتوقيتات طهي الأطعمة، علشان ماتتسببش في انفجار المأكولات داخل الميكروويف.
- لو حطيت وجبة كاملة فيها عناصر مختلفة مش بتستوي كلها زي بعضها، لإن اختلاف الكثافة والنوعية جوة نفس الوجبة بيخلي حاجات تستوي وحاجات لأ، حسب كثافتها وحجمها. والأغذية المجمدة كمان مش بتستوي كويس لإن البلورات اللي في التلج بتعكس موجات الميكروويف وبينتهي بإن أجزاء فيه بتفضل مجمدة أو مش بتوصل للطهي بالشكل اللي مفروض تكون عليه.
- مفيش عليه ضمان.
خدمة ما بعد البيع
- مراكز الخدمة متوفرة في كل أنحاء الجمهورية ومهندسين متخصصين على كفاءة عالية. سرعة في الاستجابة للأعطال خلال ٢٤ ساعة من البلاغ. فحص الأعطال بأحدث الأجهزة. متوفر عندهم كل قطع الغيار وبيدوك ضمان مؤكد وفعال على إصلاح الجهاز.
تجربة المستخدم
- فيه ناس ماكانتش متخيلة حياتها من غيره وبتقول إنه وفر وقت كبير في حياتهم وكمان سهل في استخدامه.
- لو سبته شوية بينشف الفراخ ومش بيخلي الحاجات المجمدة تفك بشكل كامل أو تستوي كويس.
- الناس اللي خايفة منه، ابعدوا عنه ٣٠ سم وهتبقوا في الأمان.
- زمان كان فيه تخوف من استخدام الميكروويف، وده السبب إللي خلى روسيا تحظر استعماله سنة ١٩٧٦، لكن لغت الحظر ده وبعد ما اتأكدت من عدم وجود أي مشاكل ليه في بداية فترة الثمانينيات.
شوف Smart ميكروويف ٣٠ لتر من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال