كتب: محمد عبد الرحمن

شاومي، الاسم ده – حاليًا-بيعني مواصفات عالية وسعر تقريبًا مفيش حد من باقي الشركات بيقدر ينافسها فيه. شاومي من أيام قليلة نزلت موبايل Xiaomi Redmi 5 plus واللي وخلال شهر نفد من كتير من المحلات وحتى مواقع البيع أونلاين.

من خلال ياقوطة هنتعرف على مواصفات ومزايا وعيوب الموبايل. ولو عجبك الموبايل وعاوز تشتريه تقدر تعرف أحسن الأسعار ليه من خلالنا، وتقدر كمان تقارن بينهم وممكن تطلبه وهيوصلك لغاية عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع

المواصفات

الشاشة

المميزات

• الموبايل بييجي بشاشة IPS LCD بحجم ٥.٩٩ بوصة، مع دقة وضوح ٢١٦٠ × ١٠٨٠ بكسل، والشاشة كمان بتيجي بالأبعاد الجديدة ١٨ : ٩، وكثافة بكسلات ٤٠٣ بكسل.
• شاشة الموبايل بتيجي بطبقة حماية إضافية ضد الكسر Corning Gorilla Glass.

العيوب

• لا يوجد.

تجربة المستخدم

• شاومي حققت المعادلة الصعبة بشاشة موبايلها الجديد، الحواف صغيرة قوي حوالين الشاشة، وحجم شاشة ممتاز وزوايا رؤية جيدة جدًا في ظروف الإضاءة المختلفة ونقاء ووضح ألوان.
• كمان كثافة البكسلات هنا بتخلي الصور والألعاب واضحة مهمًا كان عين المستخدم قريبة من الصورة، ومش هيكون فيه أي بكسلات ولا خربشة ألوان خالص، واللي أحيانًا بتظهر في الإصدار الأصغر.
• شاشة الموبايل مزودة بطبقة حماية ضد الكسر واللي بتوفر على المستخدم شراء طبقة حماية إضافية.
• حجم شاشة الموبايل بيسمح للمستخدم الوصول لكل جزء بإيد واحدة بس.

الأداء

المميزات

• الموبايل بييجي ببروسيسور ثماني النواة  Qualcomm Snapdragon 625مع معالج رسومي Adreno 506 .
• الموبايل بييجي برام داخلي بسعتي ٣ و ٤ جيجابايت، وميموري داخلي بسعة ٣٢ و ٦٤ جيجابايت، وممكن تضيف ميموري خارجي بسعة توصل لـ ١٢٨ جيجابايت.
• الموبايل بيدعم وجود مستشعر بصمة الإصبع، وتشغيل شريحتين اتصال، وجيروسكوب، وكمان الـ OTG  ومعاهم ردايو FM وطبعًا الإنفرا.
• الموبايل بييجي بإصدار أندرويد نوجا، وبيدعم تقنية الاتصال للجيل الرابع.

العيوب

• لا يوجد.

تجربة المستخدم

• أداء الموبايل قوي وسريع ومميز، والواجهة كمان خفيفة والمستخدم مش هيلاحظ أي تقل على الموبايل نهائيًا.
• التنقل بين البرامج المختلفة، وإجراء المكالمات والتصفح، ومشاهدة اليوتيوب، وفتح أكتر من برنامج في نفس الوقت بيتم بسلاسة وكفاءة عالية.
• الموبايل بيسمح للمستخدم بإنشاء نسخة تانية من الموبايل ببرامج وخلفيات وكمان نغمات مختلفة.
• أداء بصمة الموبايل سريع وبتستحيب من أول مرة، وتقدر كمان تعمل نسختين من الفيسبوك وواتساب.
• الموبايل كمان خيار مناسب لعشاق الألعاب بفضل شاشته الكبيرة والمعالج المميز.
• المستخدم مش هيقدر يشغل شريحتين اتصال وميموري خارجي في نفس الوقت، ولازم يستغنى عن واحدة منهم.

الكاميرا

المميزات

• الموبايل بييجي بكامير خلفية بدقة ١٢ ميجابكسل وفلاش أحادي.
• الكاميرا الخلفية بتصور فيديو بدقة 4K.

العيوب

• دقة تصوير الكاميرا السيلفي ٥ ميجابكسل بس.

تجربة المستخدم

• أداء كاميرا الموبايل هي نقطة الضعف الوحيدة للمستخدم غاوي تصوير، أداءها كويس في ظروف الإضاءة العالية، وبتقل بشكل ملحوظ في الإضاءة القليلة.
• تصوير الفيديو مقبول جدًا في الموبايل والصوت متوسط.
• للأسف كاميرا الموبايل السيلفي صورها مش كويسة قوي، وإن كان وجود فلاش ميزة حلوة في الإضاءة الضعيفة.

البطارية

المميزات

• بطارية الموبايل بتيجي بسعة ٤٠٠٠ مللي أمبير.
• البطارية بتدعم الشحن السريع.

العيوب

• البطارية غير قابلة للإزالة.

تجربة المستخدم

• الموبايل بيقدم تجربة أداء عالية جدًا واللي هتكفي مع المستخدم لأكتر من يوم مهمًا كان استعمالك واعتمادك على الموبايل كبير ومتواصل طول اليوم.
• البطارية بتتشحن شحنة كاملة في ساعتين وربع تقريبًا.

شوف موبايل Xiaomi Redmi 5 plus من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.