كتبت: أمنية عزمي

موبايل شاومي Black Shark 3 من فئة موبايلات الألعاب ونازل بمواصفات خارقة لأن شاومي بدأت تهتم بالفئة دي من الموبايلات وبتضيف ليهم طابع خاص يميزها ويغير فكرة ومعنى موبايلات الألعاب وكعادة شاومي بتنافس بقوة الموبايلات في نفس المجال. تعالى مع ياقوطة  علشان تتعرف بشكل مفصل على أهم مواصفات ومميزات وعيوب  موبايل Xiaomi Black Shark 3  وهننقل لك رأي المستخدم فيه، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

بنفكرك إنك ممكن تشتري موبايل Xiaomi Black Shark 3 من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• الشاشة: 6.67 بوصة- أموليد كاباستيف تدعم اللمس- FHD+
• الرام: 8  و 12 جيجابايت.
• سعة التخزين: 128 و 256 جيجابايت.
• دقة الكاميرا الخلفية: ثلاثية بدقة 64+ 13+ 5 ميجا بكسل.
• دقة الكاميرا الأمامية: 20 ميجا بكسل.
• نوع نظام التشغيل: أندرويد 10.
• البطارية: 4720 مللي أمبير.

الشاشة.. أموليد بحجم 6.67 بوصة بجودة FHD+ ودقتها 1080×2400 بكسل ومعدل كثافة البكسلات فيها 395 بكسل لكل بوصة بنسبة استحواذ 82.4% من المساحة الأمامية للموبايل ودا لأن الشاشة فيها جزء علوي مخصص لسماعة المكالمات والكاميرا الأمامية، ألوانها مشبعة وبتعرض 16 مليون لون، بتدعم خاصية Always on display،  معدل تحديث الشاشة 90 هيرتز ومعدل استجابة اللمس 270 هيرتز وتعتبر أعلى معدل حتى وقتنا، معدل السطوع المثالي للشاشة 500 نيت وبتدعم خاصية HDR10+.

أداء الموبايل.. يأتي شاومي بلاك شارك 3 بواحد من أفضل 10 معالجات الهواتف 2020 من كوالكم الأمريكية، Qualcomm Snapdragon 865 بمعمارية 7+ نانو متر، ثماني الأنوية (1 من نوع Kryo 585  بسرعة 2.84 جيجاهيرتز، و3 من نوعKryo 585  بسرعة 2.42 جيجاهيرتز، و4 من نوعKryo 585  بسرعة 1.8 جيجاهيرتز)، بالإضافة لمعالج رسومي قوي Andreno 650.

يأتي الهاتف بمساحة تخزين داخلية 128 و 256 جيجابايت مع ذاكرة وصول عشوائي 8 و 12 جيجابايت رام  LPDDR4X، ذاكرة التخزين من نوع UFS 3.0 وبدون منفذ ودا بيعلي أداء الموبايل بشكل أفضل كتير في جميع النواحي وبيخليه منافس قوي واختيار أمثل للاستمتاع بالألعاب.

الكاميرا الخلفية.. يأتي بكاميرا خلفية ثلاثية، الكاميرا الأساسية بدقة 64 ميجابكسل زاوية واسعة بفتحة عدسةf/1.8  وبتدعم التركيز التلقائي بعد تحديد المرحلة PDAF بتحصل منها على صور دقيقة في تفاصيلها وطبيعية في ألوانها، والكاميرا التانية للتصوير الواسع بدقة 13 ميجابكسل بفتحة عدسة F/2.3 مع زاوية فائقة الإتساع، الكاميرا الثالثة بدقة 5 ميجا بكسل بفتحة عدسة f/2.2 وتعمل كمستشعر للعمق.

الكاميرا بتدعم تصوير الفيديوهات بدقة 4K 2160 بكسل بمعدل 30 إطار في الثانية بالإضافة لدعمه تصوير الفيديوهات ال FHD بدقة 1080 بكسل وبتدعم التصوير البطيئ بمعدل 1920 إطار في الثانية.

الكاميرا الأمامية تأتي بدقة 20 ميجابكسل بفتحة عدسة F/2.2 مع خاصية التعرف على الوجه بدقة وهتقدر تاخد بها صور سلفي متوازنة فيها كل التفاصيل اللي بتتمناها في الصورة، بتدعم ال HDR والبانوراما وبتصور مقاطع فيديو بدقة 1080 بكسل بسرعة 30 لقطة في الثانية.

نظام التشغيل.. يأتي موبايل شاومي بلاك شارك 3 بأحدث نظام تشغيل Android 10.

البطارية.. قدرة البطارية 4720 مللي أمبير ليثيوم بوليمر بتدعم الشحن السريع بقوة 35 وات.

المستشعرات.. بيدعم معظم المستشعرات الأمان زي البصمة اللي مكانها تحت الشاشة وبيدعم مستشعر التسارع والقرب والبوصلة والضوء والجيروسكوب.

بيدعم الواي فاي 802.11 بكل الترددات المتاحة له في الوقت الحالي a/b/g/n/ac/6 وبيدعم كمان خاصيتي Dual-band, Wi-Fi Direct, Hotspot.

بلوتوث الإصدار الخامس أحدث إصدار مع دعمه ل A2DP, LE, AptX HD, aptX Adaptive

بيدعم GPS (التحديد الجغرافي للمواقع) وبيدعم كمان أنظمة الملاحة A-GPS, GLONASS, GALILIO, QZSS, BDS.

منفذ سماعات 3.5 في أعلى الهاتف وبيدعم سماعات خارجية ستيريو الصوت.

منفذ يو إس بي بيدعم Type-C 2.0، مع دعمه لخاصية OTG لتشغيل أي USB Driver على موبايلك.

شريحتين إتصال.. الموبايل بيدعم شريحتين إتصال من نوع نانو سيم.

الموبايل بيدعم جميع شبكات الإتصال بداية من الجيل التاني والتالت وصولا لشبكة الجيل الخامس 5G.

وزن الموبايل 222 جرام وأبعاده (الارتفاع× العرض× السمك) 168.7× 77.3× 10.4ملم.

المميزات

• بيتميز بخامات تصنيعه بشاشة من الزجاج مع ظهر ألومنيوم وإطار من الألومنيوم.
• الشاشة بيتدعم 90 هيرتز، وبتدعم HDR10 +.
• بيدعم الشحن السريع بقوة 35 وات، وبيدعم الشحن المغناطيسي بقوة 18 وات.
• بيدعم تقسيم الشاشة وبيدعم وضع الألعاب.

العيوب

• لا يدعم خاصية NFC ولا Infrared.
• لا يدعم وجود راديو.
• وزن الموبايل تقيل نوعا ما وبيكون صعب حمله لأوقات طويلة في اللعب.

تجربة المستخدم

• الرأي الإيجابي كان إن سعره معقول بالنسبة لمواصفاته، الكاميرا ممتازة، أداؤه رائع في الألعاب.
• الآراء السلبية كانت إن حجمه كبير بالنسبة لبعض الأيادي، ومعدل التحديث خارج المنافسة.

شوف موبايل Xiaomi Black Shark 3 من هنا.

**قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من سنتين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.