مراجعة مروحة سقف الباشا من فريش
كتبت: أمنية عزمي
مروحة سقف الباشا من فريش تعتبر من أكتر الأنواع المتميزة في العموم، المروحة تصميمها أنيق جدا والريش الخاصة بها مصنعة من الخشب وبتزيد المكان قيمة والأهم من كدا إنها مش بتعمل صوت عالي زي الريش الألومنيوم، ومن المواصفات اللي بتميزها جدا إنها بتلف في اتجاهين من خلال مفتاح التحكم يمين للتهوية واليسار للمساعدة في توزيع التدفئة في الشتاء، وفيها 4 كلوب للإضاءة علشان تحل مشكلة النجفة وبتتحكم في تقسيم الإضاءة حسب الرغبة من خلال سلسة من المروحة.
تابعنا مع ياقوطة علشان تتعرف على أهم مواصفات ومميزات وعيوب مروحة سقف الباشا من فريش ورأي المستخدم فيها، ولو عجبك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.
بنفكرك إنك ممكن تشتري مروحة سقف 3 كلوب من فريش من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
المواصفات الفنية
- إسم الموديل: الباشا
- نوع المروحة: مروحة سقف
- العلامة التجارية: فريش
- عدد الريش: 4
- عدد الكلوب: 4
- عدد السرعات: 3
- العرض: 52 بوصة
- قدرة الموتور: 70 وات
- اللون: بني
- مصدر الطاقة: الكهرباء
المميزات
- تصميمها الخشب مع الحلي النحاسي بيخليها قطعة ديكور في المكان مش مجرد مروحة.
- نجفة ومروحة في نفس الوقت، مزودة بأربع كلوبات للإضاءة بشكل جمالي يضيف لأناقة المكان ويغنيك عن النجفة.
- استخدام طول السنة، المروحة تعمل في إتجاهين عن طريق مفتاح دوران يمين للتهوية، أو دوران يسار للمساعدة في توزيع التدفئة في الشتاء.
- مزودة ب 4 ريش خشب بطول 52 بوصة ودا مناسب لتبريد ونشر الهواء بقوة في المساحات المتوسطة.
- مزودة ب 3 سرعات لتدفق الهواء لتبريد المكان بشكل أفضل مع اختيار السرعة اللي بتلائم كل الاحتياجات.
- مش بتاخد حيز من المكان لأنها بتتعلق في السقف ومكانها بيميزها بتوزيع الهواء بشكل جيد في المكان كله بالتساوي.
- بتوصل لها الكهرباء عن طريق مفتاح في الحائط وبتتحكم في فتح الأنوار من سلسلة نازلة من المروحة سواء لمبتين أو الأربعة، وبتتحكم في السرعات من سلسلة تانية خاصة بتشدها عدد مرات حسب السرعة المطلوبة.
- بتعتبر من وسائل التهوية الصحية لأنها غير مباشرة والمسافة بعيدة بينها وبين الأرض.
- موتور بقوة 70 وات وسرعة 300 لفة/الدقيقة واللي بيمنحك تهوية قوية وتقدر تعتمد على تشغيلها طول الوقت بدون قلق إنها تسخن.
- هادية في تشغيلها لأن الريش الخشب ملهاش صوت عالي زي الريش المعدن، وبالتالي بتقدر تشغلها وقت النوم بدون إزعاج.
العيوب
- تركيبها صعب وبتحتاج فني كهربائي متخصص لتركيبها.
- صعوبة الوصول لمراوح السقف بشكل عام لتنضيفها.
- الكلوبات مصنعة من البلاستيك مش من الزجاج.
- بتحتاج صيانة من وقت للتاني زي التشحيم والتزييت.
- سعرها غالي جدًا.
- الريش الخشب مش بنفس قوة توزيع الهواء وتبيرد المكان زي الريش المعدن.
خدمة العملاء
- الرقم المعتمد 19059
- مراكز صيانة فريش متوفرة في القاهرة والجيزة والمحافظات.
- بيوفروا قطع الغيار،والتعامل بيكون في مراكز الصيانة لكن مش بينتقلوا للمنازل.
تجربة المستخدم
- في مستخدم بيقول إنه بيستخدمها من 15 سنة وكويسة جدا معاه.
- صوتها هادي، بتلف في اتجاهين، اختيار الإضاءة فيها جيد، شكلها حلو في المكان.
- في مستخدم بيقول ان موتورها اتحرق بعد حوالي 5 سنين لكن ماحاولش يغيره.
شوف مروحة سقف الباشا من فريش من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
كاتبة المقال
أمنية عزمي، بكتب من 3 سنين، مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.