كتبت: أمنية عزمي

لو إنت من المستخدمين اللي بيحتاجوا لاب توب مرن تقدر تنجز به أعمالك يبقى مراجعة لينوڨو أيدياباد 520- إنتل كور I5-7200U، 15.6 إنش، 16 جيجا، 2 تيرا بايت، نڨيديا 4، جيجا بايت، دوس ممكن تفيدك وتساعدك في الاختيار. هنتكلم في ياقوطة عن أهم مواصفاته ومميزاته وعيوبه وهنعرض أحسن الأسعار ليه ولوعجبك وحبيت تشتريه تقدر تطلبه من خلالنا ويوصلك في أحسن وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

  المواصفات

التصميم

• اللاب توب مصمم جزئيًا بهيكل من الألومنيوم مع بعض البلاستيك في الجزء السفلي منه وحول الشاشة، وده فيه ميزة وعيب. ميزته إنه بيديله قوة ويحميه، وعيبه إنه بيخليه أتقل في الوزن، يعني رغم إن وزنه ٢٫٢ كجم واللي مايعتبرش كبير بالنسبة لكونه ١٥٫٦ بوصة، فمش هيبقى خفيف إنك تشيله بإيد واحدة لمدة طويلة لو ماشي بيه بدون مجهود. وكمان بيمثل ضغط على الكتفين في حمله.
• حجم شاشته الـ ١٥٫٦ بوصة بتخليه مثالي في إستخدام الألعاب والوسائط المتعددة، لكن ده بيخليه محتاج شنطة كبيرة علشان تستوعبه.
• شكله الخارجي زي أي لاب توب مستطيل لما تقفله وليه حواف مشطوفة ومميز بحدوده اللامعة حوالين الشاشة، ولوحة مفاتيح مميزة بجمالها المريح للعين.
• مميز بسمكه الرفيع اللي بيبلغ ٢٢٫٩ ملم، وده بيخلي حجمه مناسب لمستخدمين كتير.
• الإطار اللي حوالين شاشة العرض والمساحة حوالين القاعدة كبيرة نسبيا، ودي ميزة وعيب. ميزتها إنها بتدي مساحة كافية في القاعدة اللي المفاتيح واخدة 50% من مساحتها بس، واللي بيديك مساحة كبيرة لراحة الإيد جنب لوحة المفاتيح، وفي نفس الوقت بتكون المساحة مش مستغلة بشكل أكبر للتحكم في حجم التاتش والمفاتيح، وكمان الإطار حوالين الشاشة بياخد أو يقلل من حجمها.

لوحة المفاتيح ولوحة التتبع

• مميز بمفاتيحه اللي مصممه بشكل منحني وده طراز لينوڨو في معظم أجهزة الكمبيوتر الخاصة بيها. واللي بيخلي الكتابة سلسة وخفيفة بفضل ردود الفعل اللمسية للمفاتيح.
• المفاتيح عريضة وده بيسهل إستخدامها، لكن لوحة الأرقام اللي على اليمين مضغوطة مع مساحة المفاتيح رغم إن في مساحة كافية كان ممكن يستغلوها في التوسيع بينهم.
• لوحة التتبع ملمسها ناعم ودقيقة ومكانها مناسب في الإستخدام وفيها جزء منفصل للنقر الأيمن والأيسر.

الشاشة

• لاب توب لينفو أيديا باد 520 شاشته مميزة إنها مضادة للضوء ومقاسها ١٥٫٦ بوصة، ورغم إنها full HD لكن مش مشرقة زي ما كان مفرض تكون بالنسبة لسعرها، الميزة فيها إنك بتقدر تشوفها من أي زاوية.
• تصميم الشاشة كويس في المشاهدة وطلاء Antiglare مميز بإنه بيمنع الانعكاس. وده مفيد جدًا خاصة للي بيستمروا قدام الشاشة فترات طويلة وكمان بتخلي القراءة والتصفح من خلالها مريح للنظر، وكمان الفيديوهات بدقة عالية مشاهدتها رائعة.
• سطوع الشاشة ضعيف جدًا برغم السعر وبرغم إنه أفضل كتير في مثيلاته في نفس فئته.

منافذ الإتصال

• مميز بمنافذ اتصال عديدة علشان يسهل عليك اتصاله بأي وسائل اتصال. بييجي بمنفذ 1X HDMI, 2x USB 3.0, 1x USB3.0 نوع C وده علشان يسهل عليك نقل البيانات بسرعة بين الأجهزة وكمان علشان تقدر توصله بشاشة التليفزيون وتستمتع بالمشاهدة بشكل أوضح.
• مزود بمنفذ Ethernet ومحرك أقراص DVD.

الأداء

• أيديا باد 520 بيجمع معالج Intel 7^th Gen i7-7500U بسرعة 2.7 جيجا هيرتز وعلشان يديك أداء رسومات محسن زودوه ببطاقة رسومات Nvidia 940MX بسعة ٢ جيجا بايت وده أضاف كتير لتعدد إستخدامات اللاب توب.
• مزود بذاكرة RAM DDR4 بسعة ١٦ جيجا بايت اللي بتحسن أداؤه في مختلف الوظائف.
• مزود كمان بمستشعر بصمات الأصابع متوافق مع Windows hello وهو دقيق جدًا وسهل الإستخدام.
• الصوت بيعمل بواسطة Harman لكنه ضعيف نسبيًا في حالة لو بتتفرج على فيلم مثلًا في وسط صوت عالي مش هتقدر تسمعه وهتحتاج سماعات رأس.
• كاميرا الويب بجودة عالية 720 بكسل لو تم وضعها في ظروف إضاءة قوية، لكن في الإضاءة الضعيفة بتظهر نقط في الصور.

تجربة المستخدم

• بشكل عام نقدر نقول إن مميزات أيديا باد 520 بتكمن في إنه بيؤدي كل الوظائف بشكل كامل وأداؤه جيد جدا وقوي وأداؤه في الرسومات رائع بالإضافة لخاماته القوية.
• وعيوبه بتكمن في العرض والصوت بالإضافة إلى إن عمر البطارية متوسط والسعر اللي مش بيعوض عيوبه واللي ممكن تتلافاها في الأنواع التانية من نفس فئته السعرية.

قولنا تجربتك مع لينوڨو آيديا باد 520.

شوف لاب توب لينوڨو أيديا باد 520- إنتل كور I5-7200U، 15.6 إنش، 16 جيجا، 2 تيرا بايت، نفيديا 4 جيجا بايت، دوس من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.