كتبت: أمنية عزمي

شاشة ديل E178WFP بحجم 17 بوصة من الشاشات العريضة المريحة بشكل كبير لمجال الرؤيا الطبيعي للعين ودا بدوره بيساعد على تقليل إجهاد العين والعمل بشكل أفضل لأوقات أطول، بالإضافة إن تصميم الشاشة المسطح بياخد مساحة صغيرة على المكتب وبيوفر عرض أوسع سواء كنت بتستخدمها في العمل أو الألعاب، الشاشة بتوفر دقة عالية 1440× 900، ووقت استجابة 8 مللي/ثانية بشكل نموذجي، ونسبة التباين الديناميكي فيها 1:600 عرض الصور والمستندات والرسومات والفيديو بتفاصيل عالية، وبالتالي الدقة العالية بتساعدك على زيادة الإنتاجية لأنها بتقدر تقلل التبديل بين النوافذ.

تابعنا مع ياقوطة علشان تتعرف على أهم مواصفات ومميزات وعيوب شاشة ديل 17 بوصة E178WFP وكمان ورأي المستخدم فيها، ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أسرع وقت.

بنفكرك إنك ممكن تشتري شاشة ديل 17 بوصة E178WFP من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• رقم الموديل: E178WFP
• حجم الشاشة: 17 بوصة
• نوع اللوحة: TN- Twisted Nemantic
• دقة الشاشة: 1440× 900 بكسل بتردد 60 هيرتز
• وقت الاستجابة: 8 مللي/ثانية
• نسبة التباين: 1:600
• زاوية الرؤية: 160 درجة رأسي، 150 درجة أفقي
• السطوع: 250 شمعة/ م2 نموذجي
• نوع الموصل: VGA

المميزات

• تصميم أنيق مجهز للمكاتب، مصممة بهيكل باللون الأسود مع الفضي بيتلائم مع الأجهزة المختلفة سواء من إنتاج ديل أو المتوافقة معها.
• مصممة بحواف رفيعة وسمك قليل بيوفر تجربة مرئية سلسة بحجم 17 بوصة ووضح عالي وبتعتبر خيار مثالي للعمل ساعات طويلة بدون إرهاق للعين.
• الشاشة عريضة بتوفر مجال رؤية أكبر وأريح للعين وبتساعد على الحد من إجهاد العين بشكل كبير.
• مزودة بلوحة TN اللي من مميزاتها إن سعرها مش عالي ومناسبة للميزانية المحدودة، واستهلاكها للطاقة أقل كتير من لوحات العرض الأحدث، وزمن استجابتها سريع جدا.
• نسبة التباين فيها 1:600 وبالتالي بتوفر درجات قاتمة من اللون الأسود وصور وضوحها عالي ونصوص نقية وتشبع رائع للألوان.
• بتوفر دقة عالية تصل ل 1440× 900 بكسل وبتقدر تتابع معها أعمالك بوضوح كامل مع ميزة دعم العرض على الشاشة بشكل كامل ووضوح عالي.
• بتقدم زمن استجابة سرعته عالية يصل ل 8 مللي/ثانية وبيعتبر وقت نموذجي وبيساعد على تقليل الظلال وتشوش الحركة.
• بتوفر زوايا مشاعدة واسعة نموذجية 160 درجة رأسي، و150 درجة أفقي بتسهل رؤيتها من مختلف الجوانب.
• بتوفر سطوع عالي للشاشة من خلال 250 شمعة/ م2 نموذجي.
• بتوفر خيار إتصال بمنفذ رسومات فيديو وكابل VGA مضمن لإنتاج مقاطع فيديو تناظرية.
• موفرة للطاقة، الشاشة بتتوافق مع معيار Energy Star 5.0 المعروفة بتوفير الطاقة، وكمان تصميم نظام الإضاءة الخلفية المميز بمصباحين من نوع CCFL استهلاكهم موفر بنسبة 26% أقل.
• تصميم صديق للبيئة، الشاشة بتتميز بتصميمها برقائق خالية من الهالوجين بالإضافة إن الهيكل الخارجي أكتر من 25% منه مواد بلاستيك قابلة لإعادة التدوير.

العيوب

• لا تحتوي على منافذ USB.
• لا تحتوي على منافذ بخلاف منفذ VGA.

خدمة ما بعد البيع

• أرقام وكيل صيانة DELL في مصر 01020115252- 33025088
• مركز الصيانة متوفر في القاهرة فقط في 18 شارع عبد العزيز جاويش – ميدان لبنان- المهندسين.
• بيوفروا كل قطع الغيار بأقل الأسعار.

آراء المستخدمين

• الآراء كانت قليلة جدا، في رأي بيقول إنها كويسة للأعمال العادية لكن مش للألعاب ومنفذ VGA بيشتغل كويس جدا، جودة الصورة متوسطة، وما تقدرش تتحكم في سطوع الشاشة والتباين، ووزنها تقيل.

شوف شاشة ديل 17 بوصة E178WFP من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال         

أمنية عزمي، بكتب من 3 سنين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.