مراجعة ديب فريزر رأسي من فريش- 7 أدراج

ديب فريزر رأسي من فريش- 7 أدراج- FUN-MT300B

كتبت: أمنية عزمي

ديب فريزر فريش 7 درج مصمم بأحدث التقنيات في التكنولوجيا المتطورة اللي بتستخدمها فريش في أجهزتها، ودا خلا ناس كتير تتجه لمنتجاتها وهي مطمنة، الديب فريزر مجهز ب 7 أدراج كلها حجم واحد، بيشتغل ثلاجة وديب فريزر عن طريق التحكم في درجات الحرارة، تصميمه رائع ومنظم بدقة، فيه خاصية التجميد السريع ومزود بمروحة داخلية لتجميد أسرع في كل الأنحاء، شاشة ليد مع تحكم إلكتروني، إضاءة دلخلية، وإنذار للباب، تقنية إيكو إنيرجي، قفل للأطفال.

تابعنا مع ياقوطة واتتعرف على أهم مواصفات ومميزات وكمان عيوب ديب فريزر رأسي من فريش- 7 أدراج- FUN-MT300B وهننقل رأي المستخدم فيه علشان تقدر تكون فكرة كاملة عنه، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك لحد عندك.

بنفكرك إنك ممكن تشتري ديب فريزر رأسي من فريش- 7 أدراج- FUN-MT300B من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات الفنية

  • إسم الموديل: FUN-MT300B
  • السعة اللترية: 230 لتر
  • عدد الأدراج: 7
  • اللون: أسود
  • أبعاد المنتج (الارتفاع× العرض× العمق): 1760× 590× 600 ملم
  • تحكم تاتش: نعم
  • فترة الضمان: 10 سنوات

المميزات

  • بيتميز باختلافه وأناقة شكله الخارجي بلونه الأسود وانسيابية تصميمه ومقبض الباب المصمم بشكل مريح للاستخدام.
  • سعته 230 لتر، مساحة كبيرة تقدر تخزن فيها إحتياجاتك لفترات طويلة وبتقدر تشيل فيه أحجام مختلفة بدون تقيد.
  • مميز بعدد الطبقات العازلة اللي بتمنع الرطوبة من انها تتسرب داخل الديب فريزر وبتحافظ على درجات البرودة داخله.
  • واحدة من مميزاته المهمة والجديدة إن الإطار المطاطي للباب يمكن فكه وغسله وتركيبه بسهولة ودا بيحافظ عليه من الجفاف والتشقق، بالإضافة إنه مصنوع من مادة Bio Sheild المقاومة للبكتيريا.
  • المميز فيه جدا إن الأدراج كلها حجم واحد غير أنواع تانية بتلاقي في درج منهم صغير، وكمان شفافة بتقدر تشوف اللي جواها، وبتتحمل الأوزان الثقيلة وسهل إنك تلاقي فيها الأطعمة بسهولة.
  • نوفروست، تقنية منع تكون الثلج بتوفرلك المساحة كلها باستمرار وبتوفر وقتك ومجهودك في التنضيف كل فترة.
  • مميز بخاصية التجميده السريع اللي بتوصل لأعلى درجة تبريد في أقل وقت ودا بيحافظ على طعم الأغذية طازة طول الوقت.
  • مزود بشاشة ليد خارجية بتتحكم فيها عن طريق التاتش.
  • مزود بإنذار للباب في حالة لو نسيته مفتوح أو ما اتقفلش بشكل صحيح.
  • بيوفر في استخدام الكهربا بفضل خاصية ECO Energy.
  • مزود بمروحة تبريد داخلية وفتحات لضخ الهواء البارد في كل الأنحاء وده بيحافظ على نفس درجة البرودة في كل الأنحاء.
  • مزود بإضاءة داخلية بتساعدك تشوف داخله بوضوح.
  • في حالة إنقطاع التيار الكهربائي بيحتفظ بالأغذية مجمدة لمدة 6 ساعات.
  • الجسم الخارجي صلب ومطلي طلاء استاتيكي ضد الصدأ والجسم الداخلي أملس وسهل التنظيف.
  • مزود بقفل ضد عبث الأطفال.
  • مش بيشغل حيز كبير من المكان.
  • عليه أطول فترة ضمان لمدة 10 سنوات عالأجزاء الداخلية والخارجية.

العيوب

  • تقنية النوفروست بتستهلك كهرباء كتير أكتر من العادي.

خدمة العملاء

  • شركة فريش بتديك ضمان 10 سنوات عالفريزر، عندهم مهندسين وفنيين لكل الأعطال ودا رقم الإتصال لشكاوى خدمة العملاء 01121334644.. الحقيقة في إختلاف في آراء الناس عالخدمة.. ناس بتشكر فيهم وناس بتشتكي منهم وانهم مش بيهتموا وبيدوا مواعيد ومش بيلتزموا بيها وإن فيه بعض الفنيين تعاملاتهم دون المستوى.

تجربة المستخدم

  • الناس اللي استخدمته شكرت فيه جدا وقالت إن تبريده هايل وسريع، والتاتش في الشاشة أحسن كتير من الأزرار ومش بيعلق زي الأزرار بعكس ما كانوا فاكرين، تجميده سريع وحجم الأدراج كبير ومحدش ذكر فيه أي عيوب.

شوف ديب فريزر رأسي من فريش- 7 أدراج- FUN-MT300B من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من 3سنين، مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *