كتبت: أمنية عزمي

زمان كانت الثلاجات مجرد جهاز بيحفظ الأطعمة وفيه فريزر لتجميد اللحوم والخضروات، ومع تقدم التكنولوجيا بقى فيه تقنيات صحية كتير بتضاف لمواصفات الثلاجة علشان تحفظ الأكل بشكل صحي أكتر وتحافظ عليه فترة أطول زي أنواع كتير من الفلاتر اللي بتنقي الهواء الداخلي من البكتيريا والفيروسات وتقلل الرطوبة وتحافظ على الثلاجة بدون روائح كريهة وتمنع اختلاط الروائح ببعضها لأن دي كانت مشكلة في حفظ أنواع الأكل مع بعضها خاصة إذا فيهم نوع برائحة نفاذة زي الجوافة مثلا اللي بتخلي كل الأكل ريحته جوافة بما فيها الألبان، دلوقتي تم التخلص من المشاكل دي وبتلاقي مع المنافسة الشديدة في السوق كل شركة بتحاول تواكب التطور السريع بمنتجانتها اللي برضه بتختلف بينهم في المواصفات والأسعار والمستهلك وقتها بيختار حسب احتياجه وميزانيته.

هنتكلم في المراجعة دي مع ياقوطة عن ثلاجة تورنيدو نو فروست سعة 450 لتر، 2 باب- اللون ستانلس- RF-58T-ST وهنتعرف على أهم مواصفاتها ومميزاتها وعيوبها ورأي العملاء فيها، ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• موديل المنتج: RF-58T-ST
• نوع الثلاجة: نوفروست.
• اللون: ستانلس.
• السعة الداخلية للثلاجة باللتر: 450 لتر.
• عدد أبواب الثلاجة: 2 باب.
• نوع أرفف الثلاجة: أرفف زجاج.
• مستوى كفاءة الطاقة: (A) تعمل بأعلى كفاءة للطاقة وأقل استهلاك للكهرباء.
• الأبعاد (العرض×العمق×الإرتفاع): 700×720×1670.
• الوزن الصافي بالكيلو جرام: 74 كيلو جرام.
• الوزن الإجمالي بالكيلو جرام: 83.
• بلد المنشأ: مصر.
• فترة الضمان: 10 سنوات ضمان مجاني شامل.

المميزات            

• ثلاجة بفريزر علوي مميزة بحجمها الكبير بسعة 450 لتر بتمنحك سعة تخزين ممتازة ومثالية لتخزين كميات كبيرة من الأطعمة.
• مزودة من الداخل بأرفف زجاجية في مجرى سهلة الانزلاق علشان تقدر تنظم تلاجتك وكمان تجيب أي شيئ منها بسهولة، بتتحمل الأوزان الثقيلة وبتدي مظهر أنيق داخل للتلاجة وسهلة التنضيف.
• تعمل بتقنية نوفروست اللي بيدوب التلج بشكل أتوماتيكي وبيوفر عليك مجهود كبير والأهم إنه بيمنحك المساحة كاملة للفريزر طول الوقت وكمان بيحافظ على البرودة المطلوبة وبيخليها أسرع بنسبة 40% علشان تحافظ على مستوى التبريد وعلى الأغذية طازجة بشكل دائم.
• مزودة من الداخل بإضاءة ليد كفائتها عالية بتتسم بحجم أقل وكفاءة أكبر في استخدام الطاقة من الإضاءة التقليدية، إضائتها قوية وبتساعدك تشوف بوضوح.
• مصنفة من الفئة A اللي معروفة بإنها أعلى كفاءة وأقلهم استهلاك للكهرباء.
• مزودة بمواد عازلة بتمنع تسريب البرودة وبتحافظ على الحرارة الداخلية وبالتالي بتقلل من استهلاكها للكهرباء.
• مزودة ببابين وتصميم المقابض فيهم مريح ولونها الفضي مع لون الستانلس ستيل الداكن بيخليها قطعة أثاث أنيقة بتضيف لجمال مطبخك.
• فلتر إلكتروني منقي للروائح، بيمنع إختلاط روائح الطعام مع بعضها وبيمتص كل الروائح الكريهة الغير مستحبة وبيمنع نشاط البكتيريا وبالتالي بيحافظ على البيئة الداخلية بشكل نقي يحافظ على الأطعمة لأطول فترة.
• مزودة بتكنولوجيا Hybrid Cooling System بتعمل على تبريد الهواء داخل الثلاجة بشكل سريع وبتزيل الرطوبة وبالتالي بيهيأ بيئة صحية تحافظ على الخضروات والفاكهة طازجة وتحافظ على نضارتها بدون جفاف.
• مميزة بنظام ضخ الهواء البارد في جميع أنحاء الثلاجة علشان تحافظ على التبريد العالي الكامل لكل الرفوف.
• نظام الفصل الأتوماتيكي، بيعمل على فصل مروحة توزيع الهواء بشكل أتوماتيكي وقت فتح باب الثلاجة أو الفريزر علشان يحافظ على التبريد بشكل داخلي لأطول فترة.
• التصميم الداخلي مستغل بشكل جيد جدا بحيث يتم الإستفادة من كل شبر فيها، الباب مزود ب 4 أرفف متعددة الاستخدامات، بالإضافة لأرفف الثلاجة المتعددة ودرجين للخضار بخامات شفافة تساعدك تشوف الخضروات بداخلهم.
• الفريزر مقسم برف في المنتصف يساعدك على تقسيم المساحة بشكل جيد وتقدر تلغيه في حالة الأحجام الكبيرة، بالإضافة لرف في الباب ومكان لعمل مكعبات الثلج.
• تعمل في المناطق الحارة، لها قدرة على تحمل العمل في درجات الحرارة المختلفة والتأقلم عليها، وكمان بتظبط درجة التبريد بشكل أتوماتيكي حسب درجات الحرارة المحيطة.
• مزودة بعجلات خلفية تساعدك على تحريكها من مكانها بسهولة.
• صديقة للبيئة.
• ضمانها 10 سنوات.

العيوب

• مش بتحتوي على تكنولوجيا الإنفرتر اللي بتتحكم في تغيير التردد الكهربائي.
• رغم إن الأرفف الزجاجية مصنعة بشكل متين لكن في النهاية هي قابلة للكسر، محتاجة عناية في استخدامها لكن بتتحمل الأوزان.
• مش بتحتوي على شاشة ديجيتال.

خدمة العملاء

• رقم مركز الخدمة 19319
• الإصلاح والصيانة بيتم في المنازل على أيدي مهندسين وفنيين بخبرة عالية وبيدوا ضمان على الإصلاح وقطع الغيار.
• مراكز الخدمة والصيانة متوفرة في كل أنحاء الجمهورية، وخدمة العملاء عندهم محترمة.

تجربة المستخدم

• رأي ناس كتير انها من أفضل التلاجات المصرية في أسعارها مقارنة بالأنواع الأخرى ومواصفاتها جيدة جدا وتبريدها عالي ومقابلوش معاها مشاكل.
• للأسف خدمة ما بيع البيع للشركة ما بقتش كويسة ولا مميزة زي الأول.

شوف ثلاجة تورنيدو نو فروست سعة 450 لتر، 2 باب- اللون ستانلس- RF-58T-ST من هنا.

**قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال 

أمنية عزمي، بكتب من سنة ونص، مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.