كتبت: أمنية عزمي

كل الإمكانيات اللي ممكن تحتاجها في شاشة تليفزيون تغيرلك معنى المشاهدة العادية لشاشة سينما بحجم كبير ودقة 4K أربع أضعاف النقاء اللي ممكن تحصل عليه في أي شاشة، بتظهر كل التفاصيل الدقيقة بشكل حاد، بالإضافة لسهولة رؤية الشاشة من خلال صور متناسقة من كل الزوايا، وصوت ستيريو تعيش معاه متعة جو السينما مع جوهر صورة حقيقية، LG بيقدم روعة من الداخل والخارج بكل المواصفات اللي تتمناها.

 تابعنا في المراجعة دي مع ياقوطة هنتكلم عن تليفزيون إل جي ٥٥ بوصة 4K Ultra HD– سمارت- ليد- مع ريسيفر مدمج- أسود 55UK6300PVB وهنتعرف على أهم مواصفاته ومميزاته وكمان عيوبه ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• الفئات: تليفزيون ذكي.
• نوع ال HD: Ultra HD 4K
• دقة الشاشة: 3840×2160
• نوع العرض: ليد
• رقم الموديل: 55UK6300PVB
• الرقم المميز للسلعة: 2724606319943
• عدد منافذ HDMI: 3
• عدد منافذ USB: 2
• اتصال الانترنت: LAN, Bluetooth, Wi-Fi
• ريسيفر مدمج: نعم

المميزات

• تطور ملحوظ في الجوهر والشكل الخارجي بإطارات أنيقة رفيعة وتصميم بلمسة عصرية بيضيف قيمة عالية للمكان.
• جوهر الصورة الحقيقية، صورة تعمل بمعالج رباعي النواة بيعمل على تحسين الدقة حتى في جودة الصورة المنخفضة للوصول لجودة صورة تقترب من 4K وبيعمل على تقلييل الضوضاء المشتتة.
• شاشة ضخمة بحجم 55 بوصة بدقة 3840×2160 بتظهر فيها أدق التفاصيل، واضحة من كل زوايا الرؤية.
• 4K دقة عالية لصورة حادة تبلغ 4 أضعاف النقاء لأي شاشة هتحس معاها بمتعة المشاهدة.
• الصورة متناسقة من كل الزوايا، بتقدر تشوف الصورة بجودة الألوان والدقة من أي زاوية مشاهدة بوضوح تام.
• الشاشة ليد إضائتها خلفية بسطوع عالي ودا بيمنحك تباين رائع للون الأسود حتى في أحلك اللقطات وألوان صافية وطبيعية.
• مع تقنية النطاق الديناميكي المرتفع HDR هيوفرلك ألوان حقيقية طبيعية مع تفاصيل دقيقة تستمتع بكل حاجة من خلالها.
• قنوات متعددة بتأثير صوتي مغلف، هتستمتع معاها بقوة صوت دولبي بنقاء عالي بيحيطك في المكان من كل اتجاه وكمان بيعمل على تنقية الضوضاء المحيطة بفضل تقنية Clear View وبالإضافة إنه بيعمل على تحسين جودة الصوت علشان يساعدك تستمتع بالمشاهدة بشكل واضح ونقي بدون تشتيت.
• بيحقق لك الراحة التامة بطرق بسيطة، مزود بنظام WebOS بيقدر تبحث عن التطبيقات من خلاله وبيقدملك خدمات كتير وبتقدر تتحكم في الأوامر باستخدام صوتك فقط.
• مزود ب 3 منافذ HDMI اللي بتوصل من خلالهم الأجهزة الأخرى زي البلاي ستيشن والكاميرات وتستمتع بألعابك الترفيهية.
• مزود بمدخلين يو إس بي بتقدر من خلالهم تشوف أفلامك وصورك المفضلة وكمان بيستخدموا في تحديث السوفت وير.
• مزود بمدخل LAN بتوصل به كابل الراوتر وتقدر تستخدمه وايرلس.
• سمك الشاشة رفيع ودا بيمنحط اختيار إنك تعلقه عالحائط تحطه وبالتالي تقدر تستغل المساحة بشكل أفضل.
• مزود بريسيفر داخلي عالي الجودة بتقدر تتابع من خلاله القنوات الفضائية وترتبها حسب اختيارك.
• الشاشة سمارت، بتقدر تتابع من خلالها كل التطبيقات عالإنترنت بشكل أوضح وأسهل على شاشته وتقدر كمان تنزل تطبيقاتك المفضلة من جوجل ستور وتستمتع بها.
• سهل التنقل من التطبيقات للقنوات والألعاب كأنك بتقلب قنوات بفضل الريموت الماجيك المرفق معاه واللي بتتميز بيه إل جي.

العيوب

• الشاشة بدون مفاتيح تحكم زي المفروض انها موجودة في كل تليفزيون والتحكم فيها بيكون عن طريق الريموت كنترول فقط.
• فترة الضمان سنتين فترة قليلة بالنسبة للتلفزيونات ومفروض مش بتقل عن 3 سنوات.
• مستوى خدمة ما بعد البيع سيء جدا وقطع الغيار غير متوفرة.
• الريموت الماجيك بيستهلك بطاريات جافة بشكل ملموس، ولو باظ سعره غالي لو هتشتري غيره.

خدمة العملاء

مراكز الصيانة متوفرة في كل مكان لكن في شكاوى كتير من سوء الصيانة وانهم مش بالكفاءة المطلوبة والتليفزيونات ليها أعطال كتير وبتروح الصيانة أكتر من مرة وبترجع بنفس العطل بالإضافة ان أسعارهم مبالغ فيها في الصيانة.

آراء المستخدمين

• في ناس شكرت في الشاشة وان مواصفاتها رائعة ومفيش منها مشاكل.
• وآراء تانية قالوا ان الصورة والألوان باهتة رغم انهم بيستخدموا ريسيفر جديد وحديث وان إل جي زمان كان أفضل لأنه كان مستورد لكن المواصفات غير مطابقة للحقيقة.
• وآراء اشترت الشاشة وطلع فيها عيوب صناعة ومحدش استجاب ليهم في الصيانة ومرضيوش يغيروها.
• في شكاوى كتير من سوء الصيانة وان الأجهزة بتبوظ بعد اصلاحها بفترة قصيرة رغم انها بتكون لسه في الضمان وده خلا ناس كتير تيأس من المنتج.

شوف تليفزيون إل جي ٥٥ بوصة 4K Ultra HD– سمارت- ليد- مع ريسيفر مدمج- أسود 55UK6300PVB من هنا.

**قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من سنة ونص. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.