كتبت: أمنية عزمي

تعدد الموديلات في الأجهزة الكهربائية ووجود مواصفات مختلفة بيكون الغرض منها أولا مواكبة التكنولوجيا وثانيا توفير قاعدة اختيارات عريضة للمستلهك بيختار منها حسب احتياجه وميزانيته، التكييفات من الأجهزة اللي بنحتار في اختيارها وطبعا المستهلك هو اللي بيحدد الإمكانيات اللي محتاجها زي إنه يبقى تكييف بارد فقط لأن المكان اللي بيعيش فيه مفيهوش برد فترات طويلة أو درجات الحرارة معتدلة وبالتالي مش محتاج تدفئة، والصفة دي طبعا بتفرق في السعر عن التكييف البارد/ ساخن لكن بيكون مالهاش استخدام وهنا لازم نجنب المواصفات أو المميزات الموجودة فيه ومش بنستخدمها ونركز على الاحتياجات الأهم.

هنتكلم في المراجعة دي مع ياقوطة عن تكييف ألترا- 1.5 حصان- بارد فقط- UATD12CF وهنتعرف أهم مواصفاته ومميزاته وعيوبه ورأي المستخدم فيه ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• القدرة بالحصان: 1.5 حصان.
• نوع الفلتر: غير محدد.
• خيار المؤقت: متوفر.
• سعة التبريد: 8000- 12000 وحدة.
• نوع التكييف: مكيفات هواء سبليت.
• عدد سنوات الضمان: 5 سنوات.
• العلامة التجارية: ألترا.
• نظام التبريد: بارد فقط.

المميزات

• قدرته 1.5 حصان يعني بيغطي مساحة من 8 ل 15 متر مربع بكفاءة عالية ومصمم بشكل ذكي لتوزيع الهواء في جميع أنحاء الغرفة.
• بارد فقط، ودا بيكون موفر في السعر أكتر وبيوفر الجو المناسب طول فترة الحر والحرارة العالية.
• مزود بخاصية إعادة التشغيل التلقائي، اذا حصل انقطاع للكهرباء بيفصل التكييف لكن بيظل محتفظ بنفس البرنامج اللي كان عليه وبيعيد تشغيله مرة تانية أتوماتيك وقت رجوع التيار الكهربائي، الخاصية دي بتكون مهمة جدا في الأماكن اللي فيها معدات زي المصانع أو السيرفرات اللي بتحتاج تبريد طول الوقت لأنه بيشتغل أتوماتيك.
• مزود بخاصية التشخيص الذاتي، بيشخص أي عطل بمجرد حدوثه ويساعدك تعرف المشكلة فين.
• مزود بخاصية التشغيل المثالي أثناء النوم، بيظبط درجة الحرارة المناسبة للنوم وبيزود نصف درجة كل ساعة علشان يناسب درجة حرارة الجسم وفي نفس الوقت بيوفر في الكهرباء وبتقدر تحصل معاه على نوم هادئ بدون صوت.
• مزود بتايمر، توقيت 24 ساعة للبرمجة يتحكم في وحدة التشغيل، تقدر من خلاله تتحكم في برنامج تشغيل التكييف لمدة 24 ساعة متواصل.
• مزود بمرواح وريش لتوزيع الهواء في كل الاتجاهات أعلى وأسفل ويمين ويسار.
• معالج بدهانات ضد الصدأ والتآكل علشان يتحمل الرطوبة والعوامل الجوية.
• مميز بالهدوء، صوته هادي وملوش ضجيج.
• سهل التركيب وسهل في صيانته علشان لما تيجي تنضف الفلاتر كل فترة.
• مزود بريموت للتحكم عن بعد.
• عليه ضمان 5 سنوات.

العيوب

• غير مزود بتقنية التنظيف الذاتي ودي مهمة لإنها بتمنع تكون الفطريات والبكتريا داخل جهاز التكييف.
• غير مزود بشاشة ديجيتال على التكييف لتوضيح درجة الحرارة.
• غير مزود بخاصية تربو اللي بتعمل على تبريد الحرارة في أقل وقت.
• مش بيوفر في استهلاك الكهرباء.
• غير مزود بتقنية البلازما كلاستر اللي بتنقي الهواء من الميكروبات والفيروسات والروائح الكريهة وتمنحك هواء صحي نقي.
• بتحتاج تنضف الفلاتر بصفة مستمرة علشان تحافظ على كفائته في العمل وعلى نقاء الهواء.

خدمة ما بعد البيع

• رقم الصيانة 01066604261.

تجربة المستخدم

• مفيش ناس كتير جربته لكن في مهندس قال انه اشتراه من 3 شهور وكويس معاه، لكن بياخد وقت علشان يبرد المكان لانه مش تربوا والفلاتر اللي فيه عادية وماواجهش معاه مشاكل لحد دلوقت.

شوف تكييف ألترا- 1.5 حصان- بارد فقط- أبيض- UATD12CF من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

    أمنية عزمي، بكتب من سنة ونص. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.