كتبت: أمنية عزمي

أنواع البوتاجازات كتير لكن دايمًا لما بنيجي نشتري أجهزة معمرة بندور على اسم نثق فيه، ويونيون إير من الشركات اللي مميزة جدًا بإصداراتها لأنواع كتير من البوتاجازات اللي كلها مميزات بترضي كل احتياجات وأذواق المستهلك، وانتشار اسمها بشكل كبير في السوق ونسبة مبيعاتها العالية جدًا دليل إن منتجاتها حازت على إعجاب ورضا المستهلك بشكل كبير ودي حاجة مهمة إنك تكون متطمن إن المنتج ناس كتير جربته والإقبال عالي على شراؤه. لأن ده دليل انه كويس جدًا رغم المنافسة العالية. هنتكلم في المراجعة دي عن منتج من أكتر المنتجات مبيعا على ياقوطة وفي السوق بشكل عام وهو بوتاجاز يونيون إير آي شيف غاز سمارت ٦٠ × ٩٠ سم المميز بشكله الأنيق الفخم واللي هيكون قطعة مميزة في مطبخك، تعالوا نتعرف على أهم مواصفاته ومميزاته ونشوف كمان عيوبه وتجربة المستخدم ليه ولو عجبك وحبيت تشتريه هتلاقي عندنا أرخص الأسعار ليه وتقدر كمان تطلبه من خلالنا ويوصلك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

المميزات

• شكله أنيق جدًا وقطعة مميزة تضيف الجمال لمطبخك.
• جسم البوتاجاز بالكامل ستانلس ستيل ضد الصدأ وسهل التنظيف وشكله رائع.
• سطح البوتاجاز مصنع من الزجاج الأسود القوي اللي بيتحمل الحرارة العالية وسهل التنظيف وبيضف كتير لحمال البوتاجاز.
• بتقدر تتحكم في وظائفه بشكل كامل عن طريق شاشة ديجيتال تعمل باللمس واللي من خلالها بتقدر تشغل الإشعال الذاتي والتايمر والإضاءة الداخلية ومروحة الفرن.
• مزود بخمس شعلات وأهمهم شعلة ثلاثية الحلقة اللي بتسرع تسخين أو طبخ الأكلة بنسبة ١٥٪ أسرع من الشعلات العادية، وشعلتين واحدة كبيرة وواحدة صغيرة وشعلتين حجمهم متوسط.
• إشعال ذاتي سلس بيشتعل أتوماتيك بمجرد لف العين المطلوبة.
• الفرن حجمه كبير ومميز برفين سلك مفرغ يسمح للحرارة تنتشر في كل مكان ويتسع لأربع صواني مرتاح وبيوفر وقت كبير في العزايم.
• خاصية الأمان الكامل للشعلات، واللي بتوفر عنصر الحماية الكاملة لأنه بيفصل الغاز أتوماتيك عند انسكاب أي سوائل على الشعلات.
• حامل أواني مصنوع من الزهر تقيل وثابت وفي نفس بيحافظ على ثبات أواني الطهي عليه.
• مزود بمروحة داخلية للفرن بتوزع الهواء الساخن في كل الاتجاهات علشان تديك تسوية كاملة من كل الاتجاهات.
• تايمر رقمي للتحكم في الوقت واللي بتعرف من خلاله الوقت المتبقي على الشاشة وبيطلق تنبيه عند انتهاء الوقت.
• فيه غرفة تسخين في أسفل الفرن علشان تحتفظ فيها بالأكل سخن فترات طويلة.
• مزود بأرجل قابلة للتعديل.

العيوب

• بياخد حيز كبير من المطبخ.
• إيد الفرن ستانلس موصل للحرارة ولازم تمسكها بعازل.

خدمة العملاء

• مراكز خدمة العملاء والصيانة متوفرة في كل مكان وقطع الغيار متوفرة بالضمان والمعاملة مستواها كويس، البوتاجاز عليه ٧ سنين ضمان مما يعني ضمانه فترة طويلة لجودته العالية.
• خدمة عملاء شركة يونيون إير هي الأسوأ على الإطلاق. مفيش أي التزام ولا احترام للعملاء، وكتير جدًا بيدوا أكتر من ميعاد ومفيش أي التزام بيهم، وحتى خدمة العملاء أو الكول سنتر مش بيكونوا فاهمين المشكلة ولا عندهم أي وسيلة تواصل للعملاء ولا المندوبين بتوعهم. الشركة دي خدمة العملاء ليها سيئة جدًا.

تجربة المستخدم

• أحلى بوتاجاز استعملته فعلًا، الفرن بتاعه تحفة وحجمه كبير وبينجز معايا بسرعة، فيه عين شعلتها ثلاثية دي بتسرع من تسوية الأكل وتوزع النار على الإناء كله وباقي العيون أحجام مختلفة وكله مميزات الصراحة ومقابلتش حاجة فيه ضايقتني.
• أنا لسه شارياه لكن جارتي قالتلي إن الشاشة الديجيتال بتبوظ بعد فترة لكن البوتاجاز بتاعها نوع تاني غير آي شيف وربنا يستر.
• كان عندي مشكلة في الشواية، ولما الفني جه المشكلة اتكررت تاني بعد ٣ أيام بالظبط، وجه فني تاني قالي إن المشكلة زي ما هي ومفيش حاجة اتصلحت وغير لي القطة التالفة كلها.

شوف بوتاجاز يونيون إير آي شيف سمارت غاز  ٦٠ × ٩٠ سم من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.