أهم سماعات الهيد فون التي يمكنك الحصول عليها من ياقوطة بأقل من ٢٠٠ جنيه
كتب: خالد عاصم
السوق مليان سماعات هيدفون بل شكل وبمختلف المواصفات والأسعار، ده معناه إنه لو معاك ١٠٠٠ جنيه أو أكتر وعايز تشتريها بيها سماعة هيدفون فهتلاقي السماعة اللي تناسبك، ولو معاك ٢٠٠ جنيه أو أقل برضه هتلاقي السماعة اللي تناسبك، بس الفرق الأساسي بين الشريحتين إنك مش هتحتار قوي لو معاك مبلغ كبير لان الخيارات كلها هتكون تقريبًا مضمونة، بس في حالة الرغبة في شرا سماعة هيدفون بأقل من ٢٠٠ جنيه فهتكون الخيارات كتير جدًا بس ممكن تحتار في اختيار الأفضل لأن الفئة دي بتجمع سماعات محترمة جدًا من حيث الصناعة والجودة والعلامة التجارية وكمان ممكن تلاقي فيها سماعات ضعيفة على المستويات دي نفسها، وعشان كده هتحتاج للمشورة اللي هنقدمهالك في المقال ده.
فمن خلال مقالنا النهارده هنستعرض أبرز سماعات هيدفون المتوفرة في السوق المصري من خلال ياقوطة بسعر أقل من ٢٠٠ جنيه واللي بتجمع بين الجودة الصوتية وجودة الصناعة، وأي سماعة هيدفون من اللي هنتكلم عنهم في المقال هتعجبكم، هتقدروا تطلبوها من خلالنا في ياقوطة وهتوصلكم بحد باب البيت أو مكان ما تحبوا بأسرع وقت ممكن.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع
أبرز سماعات هيدفون على ياقوطة بأقل من ٢٠٠ جنيه مصري
سماعة Promate Vogue-2
شركة بروميت واحدة من أبرز الشركات اللي بتقدم سماعات هيدفون متميزة جدًا على مستوى الجودة الصوتية وجودة التصنيع وبسعر قليل جدًا مقارنة بالسماعات التانية، سماعة Vogue-2 تحديدًا بتتميز بتصميم رائع جدًا بيجمع بين العملية والذوق فتصميم السماعة بيسمح إنها تتلبس بالطريقة العادية وقت الاستماع للموسيقى أو تتلف حوالين الأيد كاكسسوار في حالة عدم استخدامها وده بيخليها من بين أبرز سماعات هيدفون اللي بنتكلم عنها النهارده سواء للبنات أو الولاد.
السماعة بتتميز داخليًا بجودة صوت عالية جدًا ومتميزة ومنافسة كمان لسماعات كتير اعلى منها في الفئة السعرية، كمان ببتميز بصوت بيس قوي وعميق ده غير إنها بتتميز بخاصية العزل الصوتي ومقاومة الضوضاء يعني هتحطها في ودنك من هنا وتنعزل عن العالم من هنا ومش هتسمع غير الموسيقى اللي بتحبها بأفضل جودة صوتية ممكنة مش بس في الفئة السعرية دي لا في فئات سعرية أعلى كمان.
شوف سماعة هيدفون Promate Vogue-2 من هنا.
سماعة Tribe In Ear
بتقدملنا ترايب واحدة من أبرز سماعات هيدفون في الفئة السعرية أقل من ٢٠٠ جنيه، السماعة دي متوافقة مع الموبايل أو التابلت أو الكمبيوتر أو أي جهاز بيعتمد على منفذ ٣٫٥ مم لنقل الصوت، السماعة فيها مميزات كتير جدًا بتبدأ من التصميم اللي ممكن نتكلم عن شقين رئيسيين فيه أولهم التصميم الخارجي العام واللي بيدي إحساس عالي جدًا بالذوق والعملية، فالسماعة كابلها بالكامل مغطى بالقماش اللي بيمنع التشابك من ناحية وبيدي شياكة متميزة من ناحية.
أما الشق التاني فمتعلق بقطع الأذن نفسها واللي تصميمها بيخليها مريحة جدًا وهي في ودنك يعني تقدر تسمع الموسيقى لساعات متواصلة من غير ما تحس بأي تعب، والشقين دول بيساهموا في حاجة مهمة جدا وهي متانة السماعة وقدرتها على الحمل، أما على مستوى الجودة الصوتية فممتازة جدا ده غير إنها بتتميز بخاصية العزل ضد الضوضاء وبتسمح بالتحكم في المكالمات والموسيقى بضغطة واحدة من خلال الريموت كنترول المربوط في كابل السماعة.
شوف سماعة Tribe In Ear من هنا.
سماعة ريماكس Remax RM-565i
شركة ريماكس ليها تاريخ كبير في ملحقات الموبايلات وتحديدًا سماعات هيدفون اللي بتقدم من خلالها جودة عالية جدا وسعر منافس ومتميز، ومن بين السماعات دي سماعة Remax RM-565i اللي بتتميز بإمكانيات مبهرة في الفئة السعرية دي مع تصميم بسيط وأساسي مفيهوش أي إضافات زيادة، فالسماعة البسيطة دي جواها وحش صوتي هتحس بقوته بمجرد ما تحط السماعة في ودنك.
السماعة متوافقة مع أي جهاز بيعتمد على منفذ ٣٫٥ مم الصوتي سواء كان موبايل أو غيره، أما إمكانياتها الصوتية فبتتضمن جودة صوتية عالي جدا وكمان صوت بيس قوي وعميق بيخليك تحس بكل نبضة أو إيقاع في الموسيقى، ده غير إنها بتتمتع بتقنية العزل الصوتي سواء على مستوى السماعات أو الميكروفون عالي الجودة، كل ده موجود في هيكل صلب وقوي ومتين وبيتمتع بتصميم مريح جدا.
شوف سماعة ريماكس Remax RM-565i من هنا.
سماعة شاومي Xiaomi Mi Basic
كلنا بقينا عارفين إن لما شاومي بتعمل حاجة، بتعملها بأحسن طريقة ممكنة وبتقدم بيها أعلى جودة وأفضل سعر، وزي ما ده هو الحال في الموبايلات، فهو نفسه الحال في سماعات هيدفون اللي من بينها سماعة Xiaomi Mi Basic اللي بتتميز باعتمادها في التصنيع على خليك متميز وفريد من معدن Aerospace وغشاء PET وده معناه إنها بتقدر تقدم جودة تدفق وتوازن صوتي ممتاز جدًا مش هتلاقيه غير في السماعات الغالية قوي عن السماعة دي، وده مدعوم كمان بغرفة تجويف السماعة المعمولة من الألومنيوم واللي بتساعد على تقديم جودة صوت ممتازة من ناحية وصوت بيس عميق وقوي جدًا من ناحية تانية.
السماعة كمان بتتميز بمقاومتها للخدش وبتتميز بحجم خفيف وتصميم مريح جدًا بيمنع وقوعها خلال الاستخدام وكمان بيقلل من إحساسك بالتعب حتى لو استخدمتها لساعات طويلة، كمان كابل السماعة مسطح عشان يقلل من فكرة التشابك اللي بتضايق عدد كبير من المستخدمين.
شوف سماعة Xiaomi Mi Basic من هنا.
سماعة EzzySo Oraimo OEP-E33
عيز تحط صبووفر في ودنك يبقى لازم تشتري سماعة Oraimo OEP-E33 لانها بكل بساطة بتحاكي قوة صوت البيس اللي بطلع من السبووفر في سماعة هيدفون عشان تقدم أفضل صوت بيس من بين سماعات هيدفون اللي في الفئة دي على مستوى القوة والعمق، السماعة مصنوعة بالكامل من المعدن ماعدا الكابل طبعًا اللي بيتميز بخاصية منع التشابك، السماعة كمان بتتميز بمقاومة الضوضاء وبجودة صوت عالية جدا للسماعة والميكروفون.
شوف سماعة هيدفون Oraimo OEP-E33 من هنا.
شوف مختلف سماعات هيدفون المتوفرة على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.