كتبت: رشا أبو القاسم

 الديب فريزر  مش أهم جهاز جوه البيت، لكننا ما نقدرش ننكر أهميته الكبيرة في حفظ الأكل واللحوم في أقل درجات حرارة لأطول مدة ممكنة، بالإضافة لإنه بيخفف الحمل على التلاجة وبيسيب فيها مكان للاستخدام اليومي بدل ما تبقى مليانة أكل كتير ويبوظ بسرعة بسبب عدم كفاءة حفظ الأكل.

الديب فريزر من أكتر الأجهزة المنزلية الموجودة على ياقوطة شهرةً، وعشان كده بنقدملك مواصفات ومميزات وعيوب ديب فريزر وايت بوينت ٦ درج نوفروست.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

مواصفات المنتج

مميزات فريزر وايت بوينت ٦ درج نوفروست

• نوفروست يعني مش هيكون ثلج، وده هيترتب عليه إنك مش هتتعبي في تنظيفه غير باسفنجة وصابون وقطعة قماش وتشطفي أدراجه كويس، العملية دي ممكن تكرريها مرة شهريًا للحفاظ على نظافة أدراجه من الداخل.
• الديب فريزر رأسي يعني مش هياخد مساحة سطحية بس هياخد مساحة حائطية، ومن أبعاده المذكورة تقدري تحددي إذا كان مناسب للمساحة بتاعتك ولا لأ، فالمميز فيه إنه مش عريض فهيساعدك في وضعه في المكان اللي عايزاه بسهولة.
• أدراجه متعددة بدل الواحد ٦ أدراج، تقدري تحطي فيه كل اللي محتاجاه وكمان فيه ٢ رف متحرك لوضع مكعبات الثلج واستخدامها.
• التجميد السريع، ودي خاصية هتلاقيها في معظم الديب فريزرز الحديثة وهيساعدك في تجميد الأطعمة المستعجل عليها في وقت أقصر من وقت التجميد العادي.

عيوب فريزر وايت بوينت 6 درج نوفروست

• الجهاز في حقيقة الأمر جهاز جيد في الاستخدام، لكن بعض المستخدمين شايفين أن مساحة الدرج ضيقة وبمقارنة هذا الكلام مع سعة التخزين هنلاقي إن سعة تخزينه هي ١٠٧ لتر فقط ودي مساحة تخزينية غير متواقفة مع الـ ٦ أدراج.
• سعر الجهاز بعض المستهلكين شايفينه غالي، وإذا حطيناه في مقارنة مع ماركات تانية هنلاقي إن في عدد أدراج أكتر وبنفس السعر.

• قطع الغيار تمنها مرتفع لإن بيتم استيرادها من الخارج عشان هو صناعة تركية.

تقييم خدمات ما بعد البيع

ديب فريزر وايت بوينت بضمان العبد ومعاه ضمان ٥ سنين كاملة، وخدمة عملاء العبد خدمة محترمة ويمكن التواصل معهم على الخط الساخن ١٩٥٩٥، لكن من خلال تجربة سابقة لو احتجت قطع غيار من شركة العبد مش هتحصل عليها فورًا على الأغلب لكن هتفضل على قائمة الانتظار فترة طويلة للحصول عليها ودي حاجة بتعوقك عن استخدام الجهاز لفترة لحد ما يتم إصلاح العطل الموجود فيه.

الخيارات متعددة قدامك

شوف ديب فريزر White Point ٦ درج نوفروست من هنا.

مقارنة سريعة

بمقارنة ديب فريزر وايت بوينت بديب فريزر توشيبا هنلاقي إن جهاز توشيبا أفضل من ناحية الصيانة وتوافر قطع الغيار، وهو جهاز كويس في الاستخدام ونوفروست برضه وسعته التخزينية أكبر (٢٣٠ لتر) على الرغم من إنه ٥ درج بس مش ٦ زي ديب فريزر وايت بوينت..

ياقوطة مستنية تجاربكم مع الديب فريزر في الكومنتات.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.