كتبت: منى عوض

 المطبخ واحد من الأماكن المهمة في أي بيت عصري ومن الضروري اختيار كل جهاز فيها بعناية فائقة، ودا ينطبق كمان على الشفاط اللي بيكون مهم بالنسبة للبعض الاهتمام بمظهره الجمالي وتناسق شكله مع ديكور المطبخ زي الاهتمام بوظيفته بالظبط.

ولأننا يهمنا راحتك واختيارك لكل جهاز في بيتك بعناية وبهدوء، ياقوطة هتقولك النهارده على أشكال شفاطات المطبخ المتوفرة وهتستعرض كمان شفاطات المطبخ الأكثر مبيعًا، ولو عجبك واحد منهم تقدر تعرف أحسن سعر ليه وتقدر كمان تطلبه من خلالنا ويوصلك لحد مكانك في أسرع وقت.

بنفكرك إنك ممكن تشتري شفاط المطبخ من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أشكال وأنواع شفاطات المطبخ

شفاط تقليدي

الشفاط التقليدي دا بيكون واخد شكل مربع وبيكون عادةً صغير لكن بأحجام مختلفة وحسب الحجم اللي هتختاره هتقدر تحدد حجم الفتحة اللي هتعملها سواء في المطبخ أو الحمام.

الشفاط التقليدي دا عادةً بيشتغل على فكرة فلترة الهواء وتنقيته وإعادة توزيعه داخل المطبخ أو الحمام، ومش بيسبب إزعاج طول ما هو شغال.

شفاط بلت إن

الشفاطات البلت إن بتتركب عادةً فوق البوتاجاز في المطبخ ولازم حجمها يكون متوافق مع مقاس البوتاجاز بالظبط أو أكبر بسنتميترات بسيطة جدًا، وكمان النوع دا من الشفاطات مش بتنفع للاستخدام في الحمامات على الإطلاق.

شفاطات البلت إن بتحتاج إنك تجهزلها مكان مخصوص أثناء تأسيس البيت ولو كان بيتك جاهز هتحتاج تهد وتحفر عشان تعرف تركبها وبيكون حجمها كبير وواخدة مكان، وفيه أنواع منها بتكون مزودة بمدخنة لأن فكرة عملها في العموم قائمة على طرد الأبخرة والروائح إلى خارج المنزل مع العلم أن فيه بعض الأنواع بتكون مزودة أيضًا بإمكانية تنقية الهواء وإعادة توزيعه في المكان، ولازم تعرف كمان إنها بتعمل صوت عالي شوية طول ما هي شغالة.

أفضل شفاطات المطبخ على ياقوطة

شفاط بوتاجاز فريش بلت إن بالمدخنة 90 سم 

الشفاط بيجي بتصميم عصري يتناسب مع الديكورات الحديثة وبخامات أستانلس ستيل مضادة للصدأ وسهلة التنظيف مع مدخنة لطرد الروائح والأبخرة، وحجمه كبير بحيث وقوة شفطه عالية 508 متر مكعب في الساعة بحيث إنه يتناسب مع المطابخ الكبيرة واللي تقدر تستخدمه في طرد الهواء أو في تنقية الهواء وتدويره، وكمان بيجي معاه مصباحين ليد عشان تشوف بشكل واضح.

الشفاط بيجي بـ 3 سرعات تقدر تختار بينهم حسب قوة الأبخرة، وبـ 3 فلاتر ألومنيوم و2 فلتر كربوني لتنقية الهواء والفلاتر دي بتكون سهلة التنظيف ولازم تنضفها كل فترة.

الشفاط كويس جدًا من نواحي كتير لكن يعيبه إنه هيحتاج إنك تعمله مكان مخصص ليه في الحائط من بداية تأسيس المطبخ وهيكون صعب تركبه لوحدك وهتحتاج متخصصين.

شوف شفاط بوتاجاز فريش بلت إن بالمدخنة 90 سم TR-SL-12298 من هنا.

شفاط بوتاجاز هوفر مسطح بلت إن بمدخنة 60 سم 

شفاط هوفر بلت إن قوي في شفط الروائح والأبخرة أو تنقية الهواء واستبداله بهواء نقي- على حسب إن حابب تشغله على أنهي وظيفة من الاتنين- ودا بفضل تميزه بقوة شفط 330 متر مكعب في الساعة، وتميزه أيضاً بوجود فلترين ألومنيوم وفلترين كربونيين، مع 3 سرعات مختلفة تقدر تختار منها حسب قوة الأبخرة والروائح في المطبخ، وكمان بيجي بمدخنة لطرد الروائح للخارج وفيه مصباحين ليد تقدر تستخدمه لتوفير رؤية أوضح أثناء الطهي.

لازم تعرف كمان إن الشفاط بيحتاج يتعمله مكان مخصص في الحائط ويفضل تخصصله مكان لو كان بيتك لسه في بداية التأسيس، وفي العموم دا شئ مريح أو مفيهوش مشكلة بالنسبة لبعض الناس وفيه ناس تانية بتشوفه عيب.

شوف شفاط بوتاجاز هوفر مسطح بلت إن بمدخنة 60سم HCH6MXPP-EGY من هنا.

شفاط جدار بلاك آند وايت 35 بوصة 

شفاط بلاك آند ديكر هيوفر لمطبخك مظهر عصري أنيق مع قوة شفط عالية وإمكانية الاختيار بين طرد الأبخرة والروائح المختلفة إلى خارج المطبخ عن طريق المدخنة أو تنقية الهواء وإعادة تدويره في المكان، وكمان بيج بثلاث فلاتر ألومنيوم وفلترين كربوني لطرد وامتصاص الأبخرة والدهون والروائح وتوفير هواء نقي في المطبخ.

الشفاط بيجي بثلاث سرعات مختلفة تقدر تختار بينها حسب قوة الأبخرة في المطبخ، وبيجي بمصباحين ليد لتوفير إضاءة من شأنها تسهيل الرؤية أثناء الطهي، وكمان تقدر تفك الشفاط وتنضفه وتركبه تاني بكل سهولة فهو مصنوع من الأستانلس ستيل المضاد للصدأ والخدوش وسهل التنظيف.

العيب اللي هتلاقيه في الشفاط دا إن حجمه كبير وبالتالي بيحتاج مطابخ مساحتها كبيرة وكمان صعوبة تركيبه لأنه بيحتاج تكسير في الحائط.

شوف شفاط جدار بلاك آند وايت 35 بوصة – CY-970 من هنا.

شفاط حائط جروهي 25 سم

شفاط جروهي صغير ومناسب للمطابخ الصغيرة فهو مش بيشغل غير حيز صغير من الحائط مساحته 25 × 25 سم فقط، وبيتميز بقدرته على تقديم هواء قوي بفضل قوته البالغة 30 وات واحتوائه على 6 ريشات من البلاستيك القوي.

الشفاط بيشتغل في اتجاهين بحيث إنه يؤدي وظيفتين وهما شفط وطرد الروائح والأبخرة الموجودة في المطبخ وممكن تستخدمه كمان في الحمام، وبيجي بسرعة واحدة فقط.

الشفاط بيوفر درجة أمان عالية فهو بيحتوي على شبكة داخلية بتوفرلك درجة حماية عالية من دخول الفئران والحشرات، وكمان شبكة خارجية تقدر تقفلها براحتك لزيادة مستوى الحماية.

شوف شفاط حائط جروهي 25 سم – GH252B من هنا.

شفاط حائط 25 سم من باناسونيك 

شفاط صغير مناسب للمطابخ الصغيرة فهو مش هيحتاج غير فتحة مقاسها 25 × 25 سم، وبيشتغل في اتجاهين لتأدية وظيفتي الشفط والطرد، وكمان بيتكون من شبكة خارجية لمنع دخول الفئران والحشرات للمطبخ لكنه غير مزود بشبكة داخلية لتوفير درجة أمان أكبر.

شوف شفاط حائط 25 سم من باناسونيك FV20RG من هنا.

شوف عروض شفاطات المطبخ المختلفة المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.